قديم 04-13-2013, 11:30 PM   المشاركة رقم: 1
الصورة الرمزية
الصورة الرمزية موهجه
الكاتبة:
اللقب:
عضوة نادي الألف
عرض البوم صور موهجه  
معلومات العضوة

التسجيل: 8-4-2013
العضوية: 68029
المشاركات: 1,000
بمعدل : 0.31 يوميا
معدل التقييم:

الحالة:
موهجه غير متواجد حالياً

افتراضي

للعبره والحذر


للعبره و الحذر

للعبره و الحذر


السلام عليكم ورحمه الله وبركاته

هاي قصه احداثها صارت فيني وحبيت ارويها لكم واتمنا انكم تستفيدون منها

في البدايه انا تاجر صغير واقوم بأعمال تجاريه واجهزها واجرها ومن بين هالاعمال سويت (مقهى شيشه فيه العاب البليارد وغرف خاصه للانترنت) ولما جهزته جاني واحد من اصدقائي
وقالي اريدك تأجرني اياه وبمبلغ وقدره وانا مستعد اتكفل بجميع المصاريف وانت ماعليك الا تجيني كل اخر شهر وتاخذ مبلغك.
فرديت عليه ماعندي مانع.
وهنا بدأت القصه.

سلمت الرجال المقهى وعند نهاية الشهر جيته وطالبته بالمبلغ. فكان رده اصبر علي لان المدخول الي حصلت عليه دفعت فيه رواتب عمال والكهرباء والمياه وجبت حاجات للمقهى.
فقلتله ماعليه ياصاحبي ماعندي مشكله ونحن اهل بلاد وحده بنصبر على بعض وقلتله كم تريد مهله عشان ترتب امورك وتدفع الي عليك.
قالي اريد اربع شهور. قلتله اربع شهور وايد كيف بتدفع الي عليك.
قالي مايهمك ووعد وحلف براس ولده وجابلي مصحف وحلف عليه انه بعد اربع شهور بيدفع.
انا انجبرت اني اصدقه. المهم مرت الاربع شهور وجيت على المقهى وماوجدته فسألت العمال وين فلان قالولي مانعرف هو من ثلاث ايام ماشفناه فقلت غريبه خلني اتصل عليه واشوفه يمكن فيه شي لاقدر الله.
اتصلت عليه وحصلت موبايله مغلق. قلت بروحله البيت وبشوفه.

وهنا صار الي ماتوقعته (اول ماشفته قلتله السلام عليكم. قالي شوف اذا جاي عشان الفلوس ماعندي.قلتله انا قلت السلام عليكم ورجع جاوبني بنفس الجواب. قلتله ياخوي انا جيتي عندك البيت عشان اطمن عليك بس. فقلتله بس دامك فتحت الموضوع بنتكلم. قلتله كيف ماعندك فلوس وانته ماسك الشغله اربع شهور.قالي والله وراس ولدي ماحطيت فلس واحد في جيبي. قلتله ياخوي انا ماجبرتك تاخذه ويوم انت مش قدها ليش تستأجر. قالي ياخي ماعندي وروح اشتكي)

المشكله اني ماسويت بيني وبينه عقد. لاني كنت اعرفه وفي عمري ماشفت منه شي خايس.

المهم رجعت ومسكت المقهى ومع حساباتي مع الشغليه اكتشفت انه هو ماخذ وحاط في جيبه خلال اربع شهور مبلغ( 97000) اللف درهم.
وانه ما سلم ولا شغيل راتبه خلال هالمده وكان يوعدهم من شهر الى شهر انه يعطيهم. وفي النهايه طاحت على راسي.

هل معقوله باجماعة الخير انه في ناس بهذه الحقاره والنذاله
هل معقوله انه في ناس تحلف بالله وبكتابه وباولادهم كذب
هل معقوله في ناس تحب تاكل مال الحرام

حسبي الله ونعم الوكيل. والحمدالله على كل شي.
وربي بيعوضني خير انشاء الله


نصيحه: مانثق في كل من يضحك في وجوهنا ولانصدق اي حد يحلف بالله لانه في هالايام صار الحلف بالله كشربت مياه.


وماقلت هالقصه الا للتنبيه والتذكير لانه في ناس ماتسوي حساب لله.


مواضيع قد تعجبك:


رد مع اقتباس
جديد المواضيع في قسم قصص و روايات - قصص حب - قصص رومنسيه - روايات رومنسيه - قصص واقعيه - قصص مرعبه


Powered by vBulletin® Version 3.8.7
Copyright ©2000 - 2021, vBulletin Solutions, Inc.
Content Relevant URLs by vBSEO