|
| أدوات الموضوع | انواع عرض الموضوع |
04-10-2013, 01:05 AM | المشاركة رقم: 1 | |||||||||||||||||||||||||||||
| ||||||||||||||||||||||||||||||
مني خبز عروق خبز اللحم العراقي الشهير وبطريقة سهلة وبالخطوات المصورةالسلام عليكم خواتي اليوم علمكم طريقة سهلة لاعداد خبز العروق العراقي الشهير ((الموضوع اهداء لاختي وحبيبتيHadeer alaa ولكل اخواتي اعضاء ومشرفين واداريين منتدانا )) اول شي نحظر العجين نصف كيلو دقيق اسمر+ملعقة ونصف خميرة +رشة سكر+ماء دافئ للعجن نخلط الدقيق والخميرة والسكر ونصب عليهم ماء دافئ ونعجن حتى نحصل على عجينة قوية مو لينة ونتركها تختمر بمكان دافئ الى ان يتضاعف حجمها مرتين لتحضير الحشو حزمتين كرفس وبصل اخضر هو والساق الاخضر نفرمهم يدويا وليس بالماكنة والسبب انو الماكنة حتطلع العصارة وتخرب العجين بعدين ونضيف عليهم 3 ملاعق كركم وملعقة ونصف ملح او حسب الرغبة وملعقة شاي فلفل اسود وملعقة شاي كمون اضغطي هنا لمشاهدة الصورة بحجمها الأصلي ونخلطهم ونخليهم على جنب ننقع لحم مفروم بيه لية يعني شوية دسم هههه لاتخافون هاي الاكلة على ظمانتي تظعف ماتسمن رغم السعرات اللي بيها بالاخير حكوللكم السرررر نخلط الخضروات مع العجين بعد ما اختمر ونصفي اللحم المفروم من الماء ونخبطه وياهم وهذي عجينة الخبز جاهزة هي حتطلع لزجة وحتى ماتعذبكم بالشغل تخلين بصفج كاسة زيت تدهنين ايدج بيها وتسوين كور صغيرة وتفتحين الكور بايدج حتى تحصلين على مني خبزة هههههه وتحطيها بمقلاة يفضل مايلتصق بيها الطعام طبعا مشغلة النار عالمقلاة او الطاوة وسط ولاتخافين ابدا ابدا مايلتصق العجين بالطاوة وحتبقى نظيفة لاخر الشغل تغطين الطاوة وتنتظرين دقيقة الى دقيقتين وتقلبيها بكل سهولة حتى ينظج الوجه الاخر شوفو هنا الفرق بين الوجه الناضج والوجه العادي تقلبيها مرتين الى ان تحصلي على هالنتيجة يعني مراح ياخذ القرص الواحد اكثر من 5 دقائق وينضج طبعا العادي الناس تسويه بالتنور بس اغلبنا ماعدهم تنور وهاي الطريقة تبقي الخبزة طرية الفرن شوية يقسيها ولاتخافون تنظج واللحم والخضروات ينضجون كلهم يعني اشبه بالطبخ عالصاج شوفو الخبزة الحلوة الامورة شلون مستوية طبعا هلكت وباقي العجين حطيته بكاسة وبالثلاجه ماعليه شي اكدر باجر اكمل الشغل بيه وياعيني لو وي الجااااااااي المهدر ابو الهيل جربوووه حتحبوه همزين تذكرت سر التخسيس بهاي الوصفة انو تتتتتتتعب حيل هههههه الله يسلمكم اني حاطة العجين بعيد عن الطباخ ويا رايحة يا راجعة بالاخيييييير الله فتح علية وفكرت احط كاسة العجين بصف الطباخ حتى ما ابقى رايحة راجعة دمتم بحفظ الله اختكم مرااايم مواضيع قد تعجبك:
| ||||||||||||||||||||||||||||||
جديد المواضيع في قسم أطباق من صنع عضوات حياة |
|
04-10-2013, 04:25 PM | المشاركة رقم: 2 | ||||||
| تسلم الآياااااااااااادي حبيبتي شكله مشهي ولذيييييذ .. يعطيك ألف عافية ... | ||||||
04-10-2013, 04:31 PM | المشاركة رقم: 3 | ||||||
| نوووووووورتيني كلش افرح باول رد ودائما يطلع منج | ||||||
04-10-2013, 04:33 PM | المشاركة رقم: 4 | ||||||
| ترى هالوصفة تجنن يعطيكي العافية بعد التعب و مشكورة جزاكي الله خيرا | ||||||
04-10-2013, 04:40 PM | المشاركة رقم: 5 | ||||||
| وجزاك اختي الحبيبة نووورتيني | ||||||
04-14-2013, 09:25 PM | المشاركة رقم: 6 | ||||||
| ايه الجمال ده ياشيف تحفة وجمييييل جدآ ياربى امتى اروح العرااااق ههههههههههههههه | ||||||
04-14-2013, 09:29 PM | المشاركة رقم: 7 | ||||||
| ههههههههههه هلا بك بس لما يتحسن الوضع حبعتلك دعوة ^_* نووورتيني | ||||||
الكلمات الدلالية (Tags) |
الشهير , العراقي , اللحم , المصورة , خبز , سهلة , عروق , مني , وبالخطوات , وبطريقة |
أدوات الموضوع | |
انواع عرض الموضوع | |
|