منتديات شبكة حياة

منتديات شبكة حياة (http://www.hayah.cc/forum/)
-   ساعدوني - استفسار - طلب ( خاص بطلب المساعدة ) (http://www.hayah.cc/forum/111/)
-   -   شكرآ اصحابى..ادخلوا وشوفوا عملتو ايه فى حياتى (http://www.hayah.cc/forum/t73868.html)

هدير 03-20-2013 12:41 AM

شكرآ اصحابى..ادخلوا وشوفوا عملتو ايه فى حياتى
 
انا النهاردة جايبة موضوع جميييل بالنسبالى
وارجو انى ممكن افدتكم
لكل بنت بتحرم على نفسها كل حاجة..وبتستخسر فى نفسها كل حاجة...
لكل انسانة مبتهتمش بنفسها..
انا كنت زيكم كدة ولكنى اتغيرت الحمدلله وفهمت الدنيا بالمنطق السليم بصيت للدنيا من الوجهة الجمييلة..
انا النهاردة كان فى موقف حلو حصلى وهو انى اتسألت من بنوتة عندها 15 سنة بتقولى انا نفسى اصلى بس عايزة اتمتع بحياتى؟!!!
فقولتلها طب وفيها ايه؟ماتصلى وتعملى اللى انتى عايزاه!!
""والله لقيت كأن الاسئلة دى طالعة منى وبجاوب على نفسى لما بجاوب البنت دى""
قالتلى مانا لو صليت مش هعرف اعمل اى حاجة فى جمالى"اصلها قمورة اوى وبتحافظ على نفسها وجمالها"
قولتلها ومين قالك انك مش هتحافظى على جمالك؟
عارفيين بتفكر فى ايه؟مش هتصدقوا والله؟!بتفكر فى المنوكير والمكياج
فانا اتفاجئت قولتلها هو انتى بتحطى منوكير ومكياج وانتى فى الشارع؟؟
قالتلى لأ طبعآ انا بخاف...والله ما بكذب عليكو
قولتلها بتخافى من ايه؟
قالتلى من ربنا طبعآ هو فى حاجة تخوف غيره
قولتلها طيب دى اول خطوة على فكرة
قالتلى ازاى يعنى؟؟الخوف معناه انك فاكراه ومش نسياه.
قالتلى هو فى حد ينسى ربنا
قولتلها كتير..
قالتلى مانا مش عايزة ابقى زيهم..ممكن تفيدينى؟؟
قولتلها طبعآ..
قالتلى طب نبتدى بأة""مش قادرة اقولكم كانت مستعجلة تعرف اد ايه""
قولتلها انتى ممكن تحطى منوكير ومكياج كمان فى البيت ومحدش يقولك حاجة كمان ولا تتحسب عند ربنا معصية
قالتلى ازاى ارجوكى قوليلى انا نفسى ارضى ربنا بس عايزة ارضى نفسى كمان!!!
قولتلها انتى اصحى الصبح وصلى مش انتى بتروحى المدرسة الصبح قالتلى ايوا
قولتلها طب اصحى بدرى شوية وصلى الفجر وانتى بتفضلى فى المدرسة لبعد الظهر صح؟
قالتلى اه ""وعارفين والله حسيت ان البنت دى مشتاقة تسمع كلمة تهديها وترطب عليها""
قولتلها ترجعى تصلى الظهر وتنامى وهتصحى عالعصر تصليه وتتغدى وبعدها هتبتدى تذاكرى عالمغرب صح؟
قالتلى اه
قولتلها قبل ما تذاكرى تصلى المغرب وبعدها تفضلى على وضوئك للعشاء لان المسافة بين المغرب والعشاء قصيرة حطى بأه المنوكير ده بعد ماتصلى المغرب وذاكرى بيه وصلى عليه العشاء وبعد العشاء حطى مكياج واعملى اللى انتى عايزاه ياستى..
راحت قالتلى مش المنوكير ده من مبطلات الصلاة قولتلها لأ من مبطلات الوضوء يعنى مينفعش تتوضى وانتى حطاه لكن ينفع تصلى بيه
راحت قالتلى واشيله من ايدى بالليل قبل مانام صح قولتلها صح..
قولتلها انتى كدة تبقى راضيتى ربك اولآ وبعدها راضيتى نفسك وعملتى كل اللى نفسك فيه..
قالتلى انتى جبتى الكلام ده منين؟؟؟؟؟
والله يأخواتى ماعرف جبته منين انا لقيت نفسى ساحبة ورقة وقلم وقاعدة ادامها وبنظملها ايامها
انا حياتى كانت متلغبطة اكتر منها وربنا شاهد..
وتصدقوا والله الفضل يرجع لله لانه ارشدنى للمنتدى ده ووالله البنت دى لو كانت جاتلى قبل مادخل المنتدى ده كنت قولتلها كلام والله كانت بسببه تكره دنيتها
اصحابى فى المنتدى ده كانو العامل الرئيسى فى تغيير حياتى من الصفر لل 180 درجة
والله انتو غيرتونى والمنتدى ده عمرى ماهسيبو ابدآ
شكرآ لصاحبة المنتدى وشكرآ ليكو كلكم
انا بس حبيت اقولكم ايه اللى حصل معايا ومع البنت دى والحوار جه ازاى انتو احلى صحبة
الحمدلله عليكم.. وشكرآ جزيلآ على اللى عملتوه معايا..
انا متأكدة ان البنت دى دلوقتى مهتمة بدراستها اوى وصليت كل الفروض النهاردة كمان..
يعنى شافت فروض ربها وشافت نفسها وعملت كل حاجة
ووالله انا كنت كدة ولكنى اتغيرت والله مش قادرة اقولكم اد ايه..
شكرآ..واسفة للتطويل

حياويه حيل 03-20-2013 08:31 AM

الله محيك بين اخواتك

والله البنات فيهم الخير والبركه وماقصروا معنا و ان شاء الله الواجب نرده لغيرنا من العضوات اللي يستفسرون

مرااايم 03-20-2013 04:50 PM

الله يبارك فيك وفيها وبكل بنات المسلمين والله يثبت قلبك على دينه ويتمم زواجك على خير ويسعدك طووول العمر
قولي امييييييييييييييييين

اشجان الحسن 03-20-2013 06:30 PM

الحمد لله لوجودك بيننا هدير وان شاء الله تسعدى بيننا دائما ياااااااااااااااااااااااا ارب

هدير 03-20-2013 07:55 PM

شكرآ ليكم كلكم والله انا من غيركم ولا شئ
والحمدلله من قبل ومن بعد والله بدون دعمكم ليا انا كنت كرهتها فى دنيتها بس الحمدلله انتو اللى خلتونى واثقة فى نفسى وبالتالى خليت البنت دى تثق فى نفسها وتعمل اللى نفسها فيه وان كان عالاجر فانتو اللى تستحقوه مش انا...
شكرآ لكى اختى مريم عالدعوة الجمييلة دى وربنا يخليكى ليا يا اجمل اخت فى الدنيا

mumina 04-01-2013 07:40 PM

مشكورة حبيبتي هدير و ان شاء الله يجمعنا على طاعة الله

عطر الورد79 04-01-2013 07:56 PM

بارك الله فيك و جزاك كل خير على ما قدمتيه للبنت من توجيه و ارشاد


الساعة الآن 06:47 AM.

Powered by vBulletin® Version 3.8.7
Copyright ©2000 - 2020, vBulletin Solutions, Inc.
Content Relevant URLs by vBSEO