المحشى على الطريقة السوريةد

[جورى]

المحشى على الطريقة السوريةد

اسم الطبق : شيخ المحشي

شيخ المحشي بسورية أنواع طبعاً

المعروف بمدينة حلب هو اللي بالكوسا و لكن اللي تعلمته من حماتي هو بالباذنجان الصغير ( باذنجان المكدوس) ..
أرسلت لينك الموضوع لها تشوف تطبيقي
(أهلين مرتعمو .. شو رأيك بالشغل ،أظن لازم تسألي اللي أكلوا منه )

المهم ، طعمه بشبه الآرنيارق اللي سبق عملته و كتبت طريقته بالمنتدى
لكن في شوية اختلافات بتشوفوها ان شاء الله

نبدأ بالمقادير :

باذنجان صغير محفور و مقلي

الحشوة

لحم مفروم
بصل مقطع
صنوبر
زيت
ملح
فلفل أسود


المرق

رب البندورة (دبس الطماطم) مع ملح و ماء


ويقدم مع:
الرز + لبن متوّم (زبادي بالتوم و الملح)


لصنع الحشوة :
اقلي البصل المقطع ثم الصنوبر ، أضيفي اللحم مع رشة ملح و فلفل و قلبي حتى ينضج اللحم


طريقة تحضير شيخ المحشي:

الباذنجان عندي مسلوق و مفرز لا تسألوني كيف عطتني ياه حماتي - الله يعطيها العافية - و هو مفرز من دون حفر
طبعاً لازم يكون آخد نكهة القلي و لذلك قليته لبضع ثواني مع الحذر الشديد لأنه مليء بالماء (بالبداية قليته بالمقلاة العادية و اشتعلت النار و رب العالمين لطف .. بعدين جففته أكتر و كملت بطنجرة القلي حوافها أعلى و بالتالي الزيت بعيد عن النار انتبهوا لهالشغلة !!!!!!!!!!)

بعد القلي تركته يبرد
وعملت فيه حفرة باصبعي بهالشكل لأنه طري جداً ما ممكن حفره بالمأورة (لا تسألوني شو هي مأورة )



بعد الحفر ضعي الحشوة بأكبر قدر ممكن (كلما كترت الحشوة بكون ألذ)

ضعيه في الطنجرة بهالشكل



ضعي فوقه صحن للتثبيت ، و أضيفي المرق




غطي الطنجرة و ضعيها على نار هادئة حتى النضج

صورته بعد النضج




قدميه مع الرز الأبيض



و اللبن المتوّم (زبادي مع ملح و ثوم مهروس ) حسب الرغبة ... (اللبن بارد غير مطبوخ طبعاً )




و هي الصورة لما فتحت بطن البيتنجان





و صحتين و عوافي

مواضيع قد تعجبك:

• المحشى على الطريقة السورية
• الخرشوف المحشى بعيش الغراب للذيت يتبعون الدايت,خطوة بخطوة طريقة عمل الخرشوف المحشى بع
• الخرشوف المحشى بعيش الغراب للذيت يتبعون الدايت,خطوة بخطوة طريقة عمل الخرشوف المحشى بع
• تشكيلة محاشى - طريقة عمل المحشى - وصفة عمل المحشى
• الخرشوف المحشى بعيش الغراب للذيت يتبعون الدايت,خطوة بخطوة طريقة عمل الخرشوف المحشى بع

منتديات شبكة حياة - أطباق رئيسية