رجيم خطير وفعال

نعمه · 07-28-2013, 09:50 PM

الريجيم ده خطير يا جماعه انا جربته مع جوزى والمفاجأه انه خس اكتر من 6 كيلو
والريجيم ده هاتخسى من 4 الى 7 كيلو فى الاسبوع من غير رياضه ولو عمتلى معاه رياضه هاتخسى اكتر الريجيم اسمه
( ريجيم الشوربه الحارقه)
لان اهم حاجه فيه هيه الشوربه
اليوم الاول:
فى الفطار والغداء والعشاء هاتكلى شوربه حارقه بكميه كبيره وكمان هاتكلى فاكهه كتير اى نوع وتكترى من البطيخ والشمام الا الموز وممكن تشربى عصير فاكهه من غير سكر
اليوم التانى:
طبعا فطار الشوربه الحارقه والغدا الشوربه الحارقه مع اى نوع خضار من غير صلصله او بهارات والعشاء الشوربه الحارقه مع حبة بطاطس مسلوقه
اليوم التالت:طبعا الشوربه الحارقه فطار وغدا وعشاء واى كمية خضار الا البطاطس واى كمية فاكهه الا الموز
اليوم الرابع :
هاتكلى شوربه فى الفطار والغدا والعشاء مع 8 صوابع موز و3كوبايات لبن قليل الدسم مع 10 كوبايات ميه طول اليوم
اليوم الخامس:
الفطار طبعا شوربه حارقه والغداء شوربه حارقه مع لحمه مسلوقه او فلااخ مسلوقه وتشيلى منها الجلد بعد ما تسلقيها و6حبات طماطم وتشربى 12 كوباية ميه
اليوم السادس:
الفطار شوربه حارقه والغداء شوربه حارقه مع لحمه مسلوقه مع اى نوع خضار الا البطاطس
اليوم السابع:
الفطار شوربه حارقه والغداء شوربه حارقه مع كميه غير محدوده من الرز البنى واى نوع خضار الا البطاطس والعشاء شوربه حارقه وتاكلى فاكهه كتير طول اليوم اى نوع
(تنبيهات مهمه ):
1-ممنوع انك تاكلى عيش وفول واى نوع بقول ومكسرات وممنوع انك تشربى مشروبات غازيه ولا مشروبات الحميه
2-لو خسيتى اكتر من سبعه كيلو فى الاسبوع بطلى الريجيم لمدة يومين وبعدين ارجعى ابدئى من الاول تانى
3-الافضل انك ترتاحى 3 ايام بين كل اسبوع والتانى
(طرييييييييييييييييييييييي ييييييييييييييييقة عمل الشوربه الحارقه)
6 حبات كبيره من البصل الاصفر او البصل الاخضر+6حبات توم+حبتين فلفل اخضر بارد+6حبات طماطم +ربطة كرفس+حبة كرنب صغيره ولو مفيش صغير قطعى شويه من الكبيره وحطيها مع الخليط
وتقطعى الحاجات دى كلها وتحطي عليها ميه وتحطيها تغلى على البوتاجازلمدة 45 دقيقه وتحطى عليها ملح واى نوع بهار بتحبيه(فلفل+كمون+شطه+كارى+أ� � نوع)وبعدين تحطيها فى التلاجه وتاخدى منها كل يوم وتسخنيها وتاكليها وممكن تخلطيها فى الخلاط بس هاتسبيها تغلى لمدة 10 دقايق وبعدين تخلطيها فى الخلاط وبعدين ترجعى تحطيها على البوتاجاز لمدة نص ساعه وبالهنا والشفا يا احلى فتوكات
ويا ريت كل واحده هاتجرب الريجيم ده تقول عمل معاها ايه وخست قد ايه انا جوزى خس اكتر من سته كيلو ومش كان بيعمل رياضه وشدوا حيلكوا

مواضيع قد تعجبك:

منتديات شبكة حياة - صحة و رشاقة و رجيم وصفات رجيم و حميه Fitness and Diet