فراخ بالزبدة على الطريقة الهندية

بوسي كات · 01-26-2013, 08:04 PM

فراخ بالزبدة على الطريقة الهندية
المقادير:
1/ 2 كيلو فراخ مخلية
ورق لاورا
ملعقة نشا
بصلة مفرومة
1/ 4 كوب زبادي
1/ 2 كوب كريمة
1/ 4 ملعقة شطة
ملح وفلفل أسود
2 ملعقة كبيرة زبدة
2 ملعقة كبيرة زيت
كوب صلصة طماطم
ملعقة صغيرة كمون
ملعقة صغيرة بابريكا
1/ 2 ملعقة زنجبيل مفروم
2 ملعقة صغيرة عصير ليمون
1/ 2 ملعقة كبيرة ثوم مفروم
الطريقة:

1- حطّي شوية زيت في طاسة كبيرة، وشوّحي فيها البصل لحد ما يذبل ويبقى لونه شفاف.

2- بعد كده حطّي الزبدة، وعصير الليمون، والثوم والزنجبيل المفرومين، والبابريكا، والكمون، وورق اللاورا، وقلّبيهم شوية على النار.

3- بعد كده حطّي صلصة الطماطم وقلّبي الخليط وسيبيه على النار لمدة 2 : 3 دقائق وبعدين حطّي الكريمة والزبادي وقلّبيهم كويس أوي.

4- قلّلي النار وسيبي الصوص على نار هادية لمدة 10 دقائق، وتبّليه بالملح والفلفل الأسود والشطة وبعدين ارفعيه من على النار.

5- بعد كده هاتي طاسة وسخّني فيها شوية زيت، وقطّعي الفراخ قطع صغيرة وشوّحيها في الزيت شوية لحد ما لونها يبقى ذهبي، وبعد كده قلّلي النار وبعدين تبّلي الفراخ بالملح والفلفل والشطة.

6- بعد كدة خدي 1/ 3 كوب من الصوص اللي جهزتيه، وحطّيه على الفراخ وسيبيهم على النار لمدة 5 دقائق لحد ما كميته تقل شوية، وبعد كده صبّي باقي الصوص على الفراخ.

7- اخلطى ملعقة النشا مع ميه وقلّبيهم كويس وحطّيهم على الفراخ، وسيبيهم على النار لمدة 5 : 10 دقائق أو لحد ما الصوص يبقى سميك.. وبالهنا والشفا
فراخ بالزبدة على الطريقة الهندية

مواضيع قد تعجبك:

منتديات شبكة حياة - أطباق رئيسية