منتديات شبكة حياة

منتديات شبكة حياة (http://www.hayah.cc/forum/)
-   صور و تصاميم و مونتاج و توليف (http://www.hayah.cc/forum/29/)
-   -   الفجوات الغريبة (http://www.hayah.cc/forum/t68900.html)

مشمشه عسوله 01-21-2013 06:37 PM

الفجوات الغريبة
 
الفجوات الغريبة
من اغرب الحاجات اللى ممكن تشوفها فى حياتك وفى خيالك ، دا اللى خلانى احضر للتدوينة بقالى ايام كتير اوى ، على العموم خلونا نتعرفى على المناظر الغريبة اللى بحكيلكم عنها دى ، لأن من الواضح ان ناس كتير متعرفش عن الفجوات الغريبة اللى بتظهر فى قشرة الارض او ممكن نقول نيزك نزل وعمل الفجوة الغريبة دى اللى عمقها كبير اوى اوى، مع ان الموضوع مش فى بلد واحدة بس ، لا بيشمل بلاد كتير ، بس برضه جواه غرائب وحاجات شديدة جداً تجذب الانتباه من شافها ، وبما انها عجبتنى وان شاء الله هتعجبكم
- يلا بينا نروح على سيبيريا ونشوف الفجوة الاولى واللى هيا فيها منجم للماس !! ، العمق بتاعه 525 متر .. محدش يبص كتير علشانhttp://www.hayah.cc/forum/hayahimgca...45548hayah.jpg مش يقع من الشاشه او يجيله دوار هههههههههههههه

يا سيحان الله ياخى .. شفت الصورة عاملة ازاى .. البيوت جنبها ولا حاجة عاملة زى قطع الشيوكلاتة او علب الكبريت ، دى من اجمل مناظر اللى فعلاً الواحد هيشوفها طول حياته ، شوف الحفرة عاملة ازاى ، طبعاً الصورة متاخدة من هيليكوبتر لكن الطيارة مينفعش تعدى من جنب الحفرة لأنها لو عدت هتقع ... بيقولوا ان فيها قوة جذب شديدة جداً وبالذات للطيارات ، دى الحاجة اللى يمكن عايز افهمها لغاية دلوقتى بس مش فاهمها قوى ، بس بجد جميلة جداً والمنظر تحفة ، هوريكم صورة تانية ليه كمان

طبعاً زى منتوا شايفين دى الصورة من قريب جداً ، هجيبلكم الصورة بالقرب من خلال قمر صناعى شدها اللى هى دى :
الحفرة التانية بقى غريبة اوى ، انا شخصياً مش فاهمها ، هى فى كمبرلى - جنوب افريفيا ، ويقال ان الحفرة دى اتصنعت باليد علشان كانو بيدوروا على الماس ساعتها فى جميع انحاء جنوب افريقيا ، والبعض يقول انها اتعملت كدا بفعل انفجار غريب فيها فى سنة 1097 واللى اسفر على وجود 3 اطنان من الماس ، وكانت النهاية فى 1914

الفجوة التالتة اللى معانا وهى جميييييلة اوى اوى ، وشكلها تحفة كمان ، والمهم انها اشتغالة وحركة غريبة اوى فى سد مونتايسلو بولاية كليفورنيا بالولايات المتحدة الامريكية ، الفجوة دى عبارة عن بلاعة بس كبيييييييييرة اوى بتروح ساحبة المية وتخرجها من برة السد ، الفكرة ذات نفسها عبقرية ، لأن من امكان الفجوة دى سحب 14400 متر مكعب من الماء كل ثانية!! ، وبعد كدا المية تخرج من مكان تانى خالص ، طبعاً الامر هيوضح لما تشوفو الصور دلوقتى حالاً
http://www.hayah.cc/forum/hayahimgca...45554hayah.jpg
دى طبعاً صورة السد بأحدى كاميرات طائرة هيليوكوبتر ، والبلاعة فى الجنب اهى

ودى الصورة اللى بتطلع منها المياه من الناحية التانية
http://www.hayah.cc/forum/hayahimgca...45556hayah.jpg
نروح بقى مكان تانى خالص اسمه الحفرة الزرقاء او الفجوة الزرقاء ، او زى ما بيسموه Great Blue Hole ، فى ثقوب كتير فى العالم ممكن تشوفها فى البحر ، لكن الثقب دا عظيم لدرجة ان الجغرافيين مش قادرين يصدقوا ان حاجة زى كدا موجودة من كبرها والغرابة بتاعتها ،الموجودة فى بليز بالذات هى اللى علقوا عليها وهى اللى انتم هتشوفوها حالاً :

دى صورة الفجوة بس بكاميرا قريبة جدا

نطلع كدا بسرعة على كندا ، وبالتحديد فى بلونايف ، علشان نشوف المنجم التحفة اللى هناك اللى فحتوه بالالغام ، الحفرة عمقها 300 كيلو متر بس ، شوف الفرق بين هى فى الصيف والصورة التانية بين الجليد !! منظر غريب هههههههه
http://www.hayah.cc/forum/hayahimgca...45548hayah.jpgنطير بقى على المجر ، جواتيمالا ، هنلاقى المجرى الى بتصب فيه مياه المطر او الصرف الصحى ، ليتم استيعابه على نطاق واسع ومن بعد ذلك تكريره ، مما ادى الى انهيار الارض من الشدة

وبكدا نكون خلصنا رحلتنا الجميلة دى عبر العالم ، وشوفنا المناظر الغريبة بس جميلة ، ويمكن فى حاجات كتير اوى غريبة جاية ان شاء الله هطرحها عليكم

الفجوات الغريبة


الساعة الآن 02:59 AM.

Powered by vBulletin® Version 3.8.7
Copyright ©2000 - 2019, vBulletin Solutions, Inc.
Content Relevant URLs by vBSEO