انواع البشره وكيفية العنايه بها

[مشمشه عسوله]

انواع البشره وكيفية العنايه بها

[SIZE=4][COLOR=#0000FF][SIZE=5][COLOR=#000000][COLOR=#ff0099][SIZE=5]حبايبى اصدقاء الأسره

انهرده حنتعرف على أنواع البشره وأزاى تعرفى نوع بشرتك وأزاى تعتنى بها

[/SIZE][/COLOR]


[COLOR=#ff0099][SIZE=5] أنواع البشرة 3 ( دهنيه - جافه - مختلطه )
[/SIZE][/COLOR]

[COLOR=#800080][SIZE=5]اولا: البشره الدهنيه[/SIZE][/COLOR]
[/COLOR][/SIZE][/COLOR][/SIZE][SIZE=4][COLOR=#0000FF][SIZE=5][COLOR=#000000]


[COLOR=#ff33ff][SIZE=5]إزاي تتعرفي عليها؟! [/SIZE][/COLOR][COLOR=#CC0066][SIZE=5]

في اختبار ممكن أي بنت وهي قاعدة في البيت تعمله علشان تعرف إذا كانت بشرتها دهنية أم لا، وهي إنها تجيب كلينكس "منديل ورق" وتحطه على بشرتها لمدة خمس دقائق، لو لقيت إن المنديل فيه زي بقع دهنية يبقى كده بشرتها دهنية..

كمان تقدري تتعرفي عليها من خلال مظهرها العام، فلو بصيتي في المرايا هتلاقيها بتلمع، وممكن تلاقي فيها شوائب بعد 3 أو 4 دقائق من التنظيف... وممكن تلاقي دهون على الجبين والذقن والأنف "منطقة التيزون"، بالإضافة إلى أن المسام المفتوحة بتبقى في الأنف وكمان في الخد... كمان البشرة الدهنية بتتميز بظهور حبوب على الخد والذقن والجبين بشكل مفاجئ.


[/SIZE][/COLOR][COLOR=#ff00ff][SIZE=5]إزاي تهتمي بيها؟![/SIZE][/COLOR][COLOR=#CC0066][SIZE=5]

البشرة الدهنية محتاجة إلى عناية من نوع خاص، وده عن طريق تنظيفها كل يوم 3 مرات على الأقل بصابون طبي زي "ديتول" أو صابونة "كبريت"، ويُفضّل إنك قبل ما تنامي تغسليها بماء ساخن، وتجففيها كويس بس خلي بالك إنك تجففيها براحة جداً، وبلاش تستعملي كريمات مرطبة بتحتوي على نسبة عالية من الدهون؛ لأن الكريمات دي بتساعد على زيادة الحبوب، ويا ريت تستخدمي ماسكات طبيعية علشان تتخلصي من أي مشاكل ممكن إنها تظهر في بشرتك، ومن ضمن الماسكات اللي ممكن إنك تعمليها في البيت..

[/SIZE][/COLOR][COLOR=#ff00cc][SIZE=5]1- غسول النعاع الأخضر [/SIZE][/COLOR][COLOR=#CC0066][SIZE=5]

ده غسول مفيد جداً للبشرة الدهنية بيساعد على تخليصها من الحبوب اللي ممكن إنها تظهر فجأة...

المكونات:
• ورق نعناع أخضر
• عصير برتقال
• عصير ليمون
• عصير خيار
• ماء الكرنب.. "وده بتحضريه بإنك بتسلقي الكرنب في شوية ميه، وتاخدي الميه دي وتستعمليها في الماسك".

الطريقة:
اغلي ورق النعناع في لتر ماء، وبعد كده ضيفي إليه عصير البرتقال وعصير الليمون وعصير الخيار وماء الكرنب... واغسلي بشرتك بالغسول ده كل يوم بعد ما تاخدي حمامك اليومي، وبعد مرور 3 أو 4 دقائق من استخدامه تشطفي بشرتك بالماء الفاتر.

[/SIZE][/COLOR][COLOR=#ff00cc][SIZE=5]2- ماسك الخميرة لشد البشرة الدهنية[/SIZE][/COLOR][COLOR=#CC0066][SIZE=5]

ده ماسك حلو أوي بيعمل على شد البشرة الدهنية، ومكوّناته بسيطة جدا وهتلاقيها عندك في البيت...

المكونات:
• 2 معلقة كبيرة خميرة بيرة
• 2 معلقة كبيرة لبن فاتر
• 1 معلقة كبيرة زيت لوز حلو "متوفر عند العطار"

الطريقة:
اخلطي كل المكوّنات دي مع بعضها، وبعد كده افردي الماسك على بشرتك، وسيبيه لمدة 10 دقائق، وبعد كده اشطفي بشرتك بالماء الفاتر، ممكن إنك تعملي الماسك مرتين في الأسبوع.

[/SIZE][/COLOR][COLOR=#ff00cc][SIZE=5]3- ماسك الصلصال للمسام الواسعة[/SIZE][/COLOR][COLOR=#CC0066][SIZE=5]

دايما أصحاب المسام المفتوحة بيعانوا من مشكلة المسام الواسعة، بس بعد ما يستخدموا الماسك ده هيتخلصوا من المشكلة دي نهائياً...

المكونات:
• معلقة كبيرة صلصال أبيض "متوفر عند العطار"
• معلقة كبيرة ماء زهر
• عصير برتقال
• 1/2 معلقة زيت بندق

الطريقة:
اخلطي كل المكوّنات دي مع بعضها، وبعد كده وزعي الخليط على بشرتك وسيبيه عليها لمدة 10 دقائق، وبعد كده اشطفي بشرتك بالماء الفاتر ثم البارد، استخدمي الماسك ده مرة كل أسبوع وهتشوفي الفرق بنفسك.

[/SIZE][/COLOR][COLOR=#ff0099][SIZE=5]4- تونيك ماء الورد [/SIZE][/COLOR][COLOR=#CC0066][SIZE=5]

التونيك ده من الحاجات المهمة أوي للبشرة الدهنية؛ لأنه بيخلصها من الشوائب والملوّثات اللي ممكن إنها تتعرض لها أثناء اليوم نتيجة التلوث، وكمان بيخلصها من الدهون الزائدة؛ لأنه بيساعد على قفل مسام الوجه، وعلى فكرة التونيك ده مش هيكلّفك حاجة خالص كل الحكاية إنك حتجيبي زجاجة ماء ورد "متوفرة عند العطار" وتستخدميها كتونيك طبيعي للبشرة.

وفي النهاية أحب أقول لك إنك لازم تهتمي بتنظيف الفرش والبدارات والاسفنجات الخاصة بالماكياج يومياً أو يوم بعد يوم بالميه والصابون وتسيبيها تنشف كويس.. وده علشان تحمي نفسها من ظهور الحبوب المفاجئة؛ لأن في أوقات كتير أوي بيكون سبب ظهور الحبوب في البشرة الدهنية نتيجة إلى تلوث أدوات الماكياج.


[/SIZE][/COLOR]
[CENTER][COLOR=#800080][SIZE=5]ثانيا: البشره الجافه
[/SIZE][/COLOR][/CENTER]



[COLOR=#ff00cc][SIZE=5]إزاي تتعرفي عليها؟! [/SIZE][/COLOR][COLOR=#CC0066][SIZE=5]

تميّز البشرة الجافة بمظهرها المشدود وملمسها الخشن شوية، وكمان بتكون مسامها ضيقة جداً، وبتظهر فيها الشعيرات الدموية أكثر من أي بشرة تانية، ومشكلة البشرة دي هي قلة إفرازها للدهون وده اللي بيخليها خشنة وحساسة جداً وبتعتبر أكثر أنواع البشرة تأثراً بالعوامل الخارجية زي التراب والحر.. علشان كده بنلاقي إن النظافة ضرورية للجلد بوجه عام..
[/SIZE][/COLOR][COLOR=#ff00cc][SIZE=5]
إزاي تهتمي بيها؟![/SIZE][/COLOR][COLOR=#CC0066][SIZE=5]

وبالنسبة لتنظيف البشرة الجافة يُفضّل أن يتم تنظيفها بشاور جل مرطب زي "دوف"، وعلى فكرة مش لازم إنك تغسليها كل يوم بالشاور، يعني ممكن تكتفي بغسلها بالماء بس يومياً، وتغسليها بالشاور مرتين بس في الأسبوع، ويُفضّل إنك تبعدي تماماً عن استعمال كريمات التقشير، وتستعملي ماسكات طبيعية لترطيب البشرة، ومن ضمن الماسكات اللي ممكن إنك تعمليها...



[/SIZE][/COLOR][COLOR=#ff0099][SIZE=5]ماسك الخميرة لترطيب البشرة[/SIZE][/COLOR][COLOR=#CC0066][SIZE=5]

لو عايزة طريقة طبيعية لترطيب البشرة الجافة ممكن تعملي الغسول اللي هاقول لك عليه دلوقتي...

المكوّنات:
• 50 جم خميرة.
• ورق خس.
• عصير جزر.
• لتر ماء.

الطريقة:
اغلي الخميرة في الماء لمدة 10 دقائق، وبعدين ضيفي عليها عصير الجزر وورق الخس.. وبعد كده اغسلي وشك وجسمك بالغسول ده، وعلى فكرة ممكن تعملي الغسول ده مرتين في الأسبوع وهتشوفي الفرق بنفسك.


[/SIZE][/COLOR][COLOR=#ff0099][SIZE=5]ماسك البطاطس لإخفاء الشعيرات الدموية[/SIZE][/COLOR][COLOR=#CC0066][SIZE=5]

زي ما قلنا قبل كده إن البشرة الجافة بيظهر فيها الشعيرات الدموية بشكل كبير، وعلشان كده ممكن تعملي ماسك البطاطس اللي هاقول لك عليه دلوقتي؛ علشان تتخلصي من المشكلة دي نهائياً...

المكوّنات:
• ثمرة بطاطس.
• 1/4 كوب لبن.

الطريقة:
بتسلقي البطاطس وتهرسيها كويس أوي مع اللبن لغاية ما تحصلي على عجينة سايلة، وتفرديها على بشرتك وتسيبيها لمدة 15 دقيقة، وبعد كده تشطفي بشرتك بالماء الدافئ.


[/SIZE][/COLOR][COLOR=#ff0099][SIZE=5]ماسك المشمش لنضارة البشرة الجافة[/SIZE][/COLOR][COLOR=#CC0066][SIZE=5]

ده ماسك كويس أوي علشان تحصلي على بشرة نضرة وصافية، كل اللي عليكِ إنك تجيبي ثمرتين مشمش، أول ثمرة تهرسيها كويس والتانية تنقعيها في ماء فاتر لمدة 24 ساعة، وبعد كده تاخدي الميه اللي نقعتي فيها المشمش وتضيفيها على المشمش المهروس، وتضيفي إليهم زيت لوز حلو لغاية ما تحصلي على عجينة متماسكة، وتفردي العجينة دي على بشرتك بعد الحمام... وبعد كده تشطفي بشرتك بماء دافئ، (كرري الماسك ده مرتين في الأسبوع).

وفي النهاية أحب أقول لك إن لو بشرتك جافة يبقى لازم تخلي بالك جداً إنك تستعملي كريمات حماية ضد الشمس زي "photoderm max 100%"، علشان تحميها من الجفاف، كمان لازم تستعملي كريمات عناية وترطيب البشرة الجافة يومياً؛ لأن الكريمات دي بتحتوي على كمية كبيرة من الدهون وعناصر نشطة جداً بتخترق الطبقة الأولى من الجلد، وبيظهر تأثيرها على الجلد بعد 20 دقيقة من الاستخدام.. وفيه أنواع كريمات كويسة ممكن تستعمليها زي "مافالا" و"نيفيا فيزاج" و"لوريال" و"كريستيان ديور".

[/SIZE][/COLOR]
[CENTER][COLOR=#800080][SIZE=5]ثالثا: البشرة المختلطه[/SIZE][/COLOR]
[/CENTER]



[COLOR=#cc0066][SIZE=5]
البشرة المختلطة هي خليط من البشرة الدهنية والبشرة الجافة مع بعض، وبتكثر الغدد الدهنية في مناطق معينة زي منطقة الذقن والجبهة والأنف، علشان كده بتلاقي إن البنات اللي بشرتها مختلطة دايماً بتشتكي من ظهور الحبوب والدهون في منطقة الذقن والجبهة والأنف..

[/SIZE][/COLOR][COLOR=#ff0099][SIZE=5]إزاي تتعرفي عليها؟[/SIZE][/COLOR][COLOR=#cc0066][SIZE=5]

لو كنتِ عايزة تعرفي إذا كانت بشرتك مختلطة ولا لأ؛ يبقى أول ما تصحى من النوم اغسلي وشك وبعدين استني ساعة، وجيبي ورق كلينكس وحطيه على كل وشك، لو لقيتِ إن البشرة عند منطقة الخد لم تطبع أي دهون على المنديل وإن في دهون على المنديل مكان الأنف والذقن والجبهة يبقى بشرتك مختلطة دهنية... ولو حسيتي إن بشرتك ناشفة شوية أو محمرة زيادة عن اللزوم ومنطقة الأنف والذقن والجبهة هي اللي بتلمع تبقى بشرتك مختلطة جافة.
[/SIZE][/COLOR][COLOR=#ff0099][SIZE=5]
إزاي تعتني بيها لو كانت مختلطة دهنية؟[/SIZE][/COLOR][COLOR=#cc0066][SIZE=5]

لو كانت بشرتك مختلطة دهنية يبقى المفروض إنك تمشي على النقاط دي..

1. ابعدي عن الكريمات اللي فيها دهون أو زيوت.

2. احرصي إن يكون عندك كريمات مخصوصة للبشرة المختلطة الدهنية.

3. في الصباح اغسلي وشك بغسول جيل مناسب لنوع بشرتك، وعلى فكرة الغسول ده بينشف الوش وبيخليه خالي من الدهون بس اللي ما توصلش لدرجة الجفاف.. بعد كده استخدمي كريم خاص بالبشرة الدهنية المختلطة خالي من الدهون.

4. بالليل استخدمي مزيل الماكياج علشان يشيل أي أثر للماكياج خصوصاً من على العين، وبعدين الكريم المرطب الخالي من الدهون وعلى فكرة الكريم ده هو نفسه اللي بتستخدميه الصبح.

5. لو حصل لبشرتك أي تغيير مفاجئ مثل ظهور الحبوب في الجبهة أو الذقن؛ فده بيكون نتيجة عوامل نفسية أو اضطراب في المعدة أو توتر عصبي أو اقتراب ميعاد الدورة الشهرية أو نتيجة استخدام الماكياج بكثرة وعدم إعطاء البشرة فرصة لكي تتنفس.. وفي الوقت ده لابد إنك تغسلي وشك بصابون طبي وتوقفي استخدام الماكياج يومين على الأقل وتستخدمي المطهر بالليل وخاصة اللي زي المضاد الحيوي، وممكن تستخدمي الماسك الشفاف "بيل أوف" هتلاقيه موجود في الصيدليات وده بيتحط على الوش لمدة ربع ساعة، وممكن تغسلي وشك بالليل بصابون مطهر، وبعد كده الجلد هيتعافى بالتدريج وبعدين ممكن تستخدمي الكريمات العادية اللي كنتِ بتستخدميها قبل الحبوب.. وما تحاوليش إنك تلعبي في الحبوب دي نهائي.

[/SIZE][/COLOR][COLOR=#ff0099][SIZE=5]إزاي تعتني بيها لو كانت مختلطة جافة؟[/SIZE][/COLOR][COLOR=#cc0066][SIZE=5]

البشرة بتكون دهنية عند الأنف والجبين والذقن، لكن منطقة الخدود جافة شديدة الاحمرار... وده راجع للتعرض المستمر للتكييف في الصيف والدفاية في الشتاء؛ فده بيحوّل البشرة العادية إلى مختلطة جافة وبيزود من ظهور التجاعيد حتى لو كنتِ في سن الثلاثين.

وبيرجع أسباب التحوّل ده نتيجة خلو الجسم من المياه، فيبدأ الجلد في الانهيار؛ لأنه بيحاول يرطب نفسه بس مش لاقي المياه الكافية لذلك, وكمان لو استخدمتِ الصابون العادي ده بينشف الخد فيا ريت تستخدمي الطبي.

ويعتبر أحسن حل للبشرة دي هو إننا نحاول نعتني بيها أكثر بحيث لا ينقصها أي دهون في الوجه فنستخدم مرطب الصبح وبالليل، ونراعي عدم نقص المياه في الجسم فلازم نشرب مياه كتيرة.

وبصفة عامة.. ممكن تنظفي بشرتك المختلطة الجافة باستخدام مزيل لماكياج العين في الصبح، وبعدين تغسلي بشرتك بغسول البشرة المختلطة الجافة، وبعد كده تتنشفي بفوطتك بطريقة التربيت ومش بعنف، وبعد كده تحطي الكريم المرطب الخاص للنهار، خصوصاً في الصيف؛ لأن البشرة بتنشف أكثر, وبعد كده حطي الماكياج بطريقة خفيفة بس لازم تتأكدي إن كريم الأساس فيه دهون وممكن إنك تستخدمي ماركة زي "نيفيا" أو "برجوا" أو "كيرولان".. وبالليل ممكن تشيلي الماكياج بقطنة باستخدام مزيل الماكياج وكمان تحطي كريم الليل الغني بالفيتامينات تحت العين قبل النوم.

بعد ما عرفنا طريقة العناية بالبشرة المختلطة، تعالوا دلوقتي نعرف مع بعض ماسكات طبيعة مفيدة للبشرة المختلطة..

[/SIZE][/COLOR][COLOR=#ff0099][SIZE=5]غسول ماء الزهر[/SIZE][/COLOR][COLOR=#CC0066][SIZE=5]
المكونات:
• 2 معلقة كبيرة ماء زهر "متوفر عند العطار".
• نعناع أخضر.
• نقطتين عصير ليمون.

الطريقة:
انقعي النعناع الأخضر لمدة ساعة في شوية ميه، وبعد كده خدي الميه دي وضيفي إليها عصير الليمون وماء الزهر، هاتي قطنة وحطيها في الخليط السابق ومرريها مرتين على بشرتك، بعد مرور ربع ساعة اشطفي بشرتك بماء فاتر، ممكن تعملي الغسول ده مرتين أو ثلاثة في الأسبوع وهتشوفي الفرق بنفسك.

[/SIZE][/COLOR][COLOR=#ff0099][SIZE=5]ماسك البيض[/SIZE][/COLOR][COLOR=#CC0066][SIZE=5]
لو حاسة إن بشرتك مرهقة وتعبانة ولونها باهت، ممكن تعملي الماسك ده علشان ترجعي لها حيويتها ونضارتها...

المكونات:
• صفار بيضة.
• عصير 1/2 ليمونة.
• معلقة كبيرة صلصال أبيض "متوفر عند العطار".
• معلقة زيت لوز حلو.
• معلقة عسل أبيض.

الطريقة:
اخلطي عصير الليمون مع الصلصال الأبيض وقلبيهم مع بعض لغاية ما يمتزجوا تماماً، بعد كده ضيفي صفار البيضة وزيت اللوز الحلو والعسل الأبيض وقلبيهم كلهم مع بعض، افردي الخليط السابق على بشرتك، وسيبيه لمدة 20 دقيقة.. وبعد كده اشفطي بشرتك بالماء الفاتر، الماسك ده ممكن تعمليه كل ما تحتاجي له، وكمان لو عندك مناسبة وعايزة بشرتك تبان منورة وصافية..
[/SIZE][/COLOR][/COLOR][/SIZE][/COLOR][/SIZE]

مواضيع قد تعجبك:

• طرق عديده للاهتمام بجميع انواع البشره
• قناع لجميع انواع البشره ,وصفة قناع لكل انواع البشره2013
• معلومات وطرق لجميع انواع البشره
• نصائح لجمال البشره - معلومات وطرق لجميع انواع البشره
• تنظيف البشره طبيعيآ لجميع انواع البشره

منتديات شبكة حياة - العنايه بالبشره العنايه بالشعر العناية باليدين العنايه بالقدمين خلطات تبيض و تصفيه Skin Care