فائدة صابونة خشب الصندل

[سكره]

فائدة صابونة خشب الصندل

<b>

مرحبا بنات شخباركم شمسوين



انا من فترة مع تكرر الحمل والولادة صار لي حب شباب مع شوية رؤوس سوداء.. وطبعا علشان وضعي ما اقدر آخذ حبوب وكريمات لأنها تحتوي على مواد تضر الجنين

المهههههم... من فترة كنت داخلة انا وولدي بقالة صغيرونه قريبة من البيت والا اشوف الهندي يصف صابون على الرف وريحته معبية المكان.. ريحته صايرة كأنها عطر.. سألته هذي شنو قال هذي SandalWood Soap .. يقول لي ماما هذي واااجد زين حق حساسية حكة كووول شي..


انا شريت قطعتين وقلت اجربها على ويهي يمكن تخف الحبوب.. وبصراحة صار لي الحين 3 اسابيع (والله على ما اقول شهيد) ... الحبوب خفت بشكل واضح وآثار الحبوب القديمة بعد فتح لونها .. يمكن الرؤوس السوداء تحتاج عناية اكثر مني وتنظيف عند اخصائية بس بعد احس ان عددها قل ومو مثل قبل.. وفوق هذا كله ريحتها بنات واااااااايد حلوة ومنعشة.. وساعات استخدمها مو بس لوجهي استخدمها لجسمي


طبعا وايد ناس ما يعرفون فوائد خشب الصندل للجسم .. دخلي القوقل وسوي بحث عن خشب الصندل وبتلاقين ان فوائده كثيرة ....



قبل لا استخدم الصابونة استخدم (نيتروجينا ديب كلين اللي فيه حبيبات)

وبعدين الصابونة وهذي صورتها

وبعدها استخدم ماي ورد مذوبة فيه شوي من العكر الفاسي ( شكر للأخت حنان المغربية اللي شريته من عندها ) طبعا انا عندي زجاجة فيها بخاخ احط فيها ماي الورد وكمية قلييييييلة من العكر الفاسي واستخدمه بعد كل مرة اغسل ويهي فيها، احس انه ينعش البشرة ويسكر المسامات والعكر الفاسي يعطي حيوية للبشرة ويوردها



ان شالله ما اكون طولت عليكم بالموضوع.. وان شالله اللي تجربها تستفيد منها مثل ما انا استفدت منها


تحياااااااااتي لكم

</b>

مواضيع ذات علاقة:

• صابونة الجلوتاثيون للتبييض
• اصنعي صابونة جمالك في البيت
• صابونة الجلوتاثيون للتبييض
• الاسماك_ فائدة الاسماك _ فائدة الاسماك للبصر
• عمل صابونة تفتح المناطق السوداء

المصدر: منتديات شبكة حياة - من قسم: العنايه بالبشره العنايه بالشعر العناية باليدين العنايه بالقدمين خلطات تبيض و تصفيه Skin Care

[شمــــــوخ]

يزاج الله خير اختي سكرة ما قصرتي والله انا بشرتي تعبانة وجربت كل شي ومافاد
واتمنى اجرب فكرتج وعسى استفيد.. بس اختي الغالية بسالج وين بحصل صابونة خشب الصندل وين ينباع
وبالنسبة للعكر الفاسي شو هذا الشي ووين بحلصة؟؟ واتمنى اني اكون اخت خفيفة عليج..
اختك شـــــموخ..

[أوتار حساسة]

؛؛؛؛ يعطيك العافية عالطرح المميز ؛؛؛؛