العودة   منتديات شبكة حياة > حياتك > الأعمال اليدوية و التجارب المنزلية Handicrafts

احتياجات الجهاز يا عروسة

احتياجات الجهاز يا عروسة السلام عليكم... أنا قولت أعمل الموضوع ده عشان أفيد بيه كل البنات اللي بتجهز أو قربت تتجوز ومحتارة ومش عارفة تشتري

الأعمال اليدوية و التجارب المنزلية Handicrafts

إضافة رد
 
أدوات الموضوع انواع عرض الموضوع
قديم 10-25-2013, 06:12 PM   المشاركة رقم: 1
الصورة الرمزية
الصورة الرمزية مشمشة المفرفشة
الكاتبة:
اللقب:
عضوة حيوية
عرض البوم صور مشمشة المفرفشة  
معلومات العضوة

التسجيل: 25-10-2013
العضوية: 62327
المشاركات: 20
بمعدل : 0.01 يوميا
معدل التقييم:

الحالة:
مشمشة المفرفشة غير متواجد حالياً

Thumbs up

احتياجات الجهاز يا عروسة


احتياجات الجهاز يا عروسة 85094hayah.jpg
السلام عليكم...

أنا قولت أعمل الموضوع ده عشان أفيد بيه كل البنات اللي بتجهز أو قربت تتجوز ومحتارة ومش عارفة تشتري إيه ومتشتريش إيه؟

وأنا شخصيا هأقولكم من خلال خبرتي المتواضعة جدا في الموضوع ولأني متزوجة حديثا وكمان نزلت كتير ولفيت وقعدت أدور ونزلت مع كتير من صحباتي عشان نشتري مستلزمات الجهاز

أول نصيحة أحب أقولها لك ... اهتمي بالجودة بتاعت أي حاجة تشتريها حتى لو الكم هيكون قليل وطبعا كل واحدة وحدود إمكانياتها واحتياجاتها
بس أنا بأشوف أنك لو اشتريتي حاجة جودتها كويسة وماركة معروفة حتى لو هتدفعي أزيد سنة فده مع مرور الوقت هتكتشفي إنه أوفر لك بكتير من إنك تشتري حاجات كتير جودتها مش أد كده وكل شوية تبوظ فتصلحيها أو تشتري غيرها... كإنك رميتي فلوسك في الأرض

تاني نصيحة اشتري احتياجاتك بس بغض النظر عن كلام الناس والبنت لازم تشتري كذا وتعمل كذا ... لأنك في الآخر أنتي اللي هتدفعي مش الناس
وبعدين أنك تشتري حاجات قليلة جودتها كويسة أحسن ماتشتري حاجات كتييييييييييييير بس ملهاش لزمة وأي كلام

أنا هبتدي معاكي بالمطبخ لأن حاجاته كتيرة جدا ومبتخلصش

والجملة الشهيرة ... ممكن تفضلي لحد يوم الفرح الصبح تشتري في حاجات وحاسة إنك لسه مخلصتيش
طبعا محبكيش توصلي للمرحلة دي

حاولي نشتري حاجاتك وتخلصي كل حاجة على أد ماتقدري ... واللي متعرفيش تخلصيه قبل الجواز أبقي اشتريه بعدها الدنيا ما أتهدتش...

اكتبي كل احتياجاتك في ورقة تبعا لأولوياتها واستشيري ناس سبقوكي تكوني بتثقي فيهم

طبعا المطبخ فيه:

1. حلل (تيفال – أستانلس – صاج - ألومنيوم) ...

احتياجات الجهاز يا عروسة 88290hayah.jpg

أنا شخصيا أنصحك بشراء حلل تيفال للأرز والمكرونة والحاجات اللي ممكن تلزق وتتعبك في التنضيف وأستانلس في سلق اللحوم وطهي الخضراوات ... لأنهم عمليين جدا وصحيين جدا أكتر من الألومنيوم اللي بيسبب أمراض مع مرور الوقت والصاج لو الحلة اتخدشت هيبقى مفروض تترمي ومتستعمليهاش ... هتقوليلي طب ما التيفال برضو ممكن يتخدش .. هأقولك استعملي معلقة خشب

والتيفال فيه ميزة عدم الالتصاق وتنضيفه سهل جداااااااااا وطبعا اشتري التيفال من نوع معروف وأنا شخصيا شايفة أن أحسن نوع تيفال هو برستيج يليه تيفال زهران ... وأنا شخصيا جربت الاتنين برستيج التيفال بتاعه أمتن وفيه طبقات أكتر ومعاه ضمان مدى الحياة ... الأستانلس مش فارقة أوي أهم حاجة قاعدة الحلة تكون سميكة والحلة لما تيجي تمسكيها تحسي أنها تقيلة

2. صواني (تقديم – فرن – صواني كيك) ...

احتياجات الجهاز يا عروسة 88291hayah.jpg
صواني التقديم دي خاضعة لذوقك وإمكانياتك إنما أنصحك أنك تشتري صواني الفرن والكيك تيفال وزي ما قولت قبل كده أن أحسن نوع هو برستيج هتشتريه وبجد هتنسيه ... عايزة تعملي كيكة وتقلبيها هتتقلب معاكي وعمرها ماهتلزق في ناس بتشتري صواني ألومنيوم وطواجن بيركس .. البيركس جميل وصحي جدا وكل حاجة بس عايز معاملة خاصة جدا وحرص

3. الكيتشن ماشيين...

احتياجات الجهاز يا عروسة 88292hayah.jpg

في ماركات كتيرة جدا كويسة تتناسب مع إمكانياتك ... في براون ومونليكس وكينوود ... أنا شخصيا شايفة أن كينوود من أفضل الماركات لكذا سبب ... أولا هي ماركة عالمية معروفة جدا .. ثانيا بتوفر أغلب احتياجاتك (خلاط.. كبة.. مضرب بيض.. أسلحة تقطيع وبشر..عصارة برتقال) في جهاز واحد بسعر تحفة جدااااااااا ده غير أنك لو متابعة قناة فتافيت هتلاقي أغلب البرامج بتستخدم كينوود في أغلب الاستعمالات ... ممكن لو شايفة أن الكيتشين ماشيين ملهوش لزمة أو مش هي دي احتياجاتك تشتري خلاط بمطحنة وكبة (لأنك تقريبا دي أكتر حاجات بتستخدميها في الكيتشن ماشيين بشكل يومي يعني مينفعش تستغني عنهم)

4. طقم سكاكين ومعالق ... المعالق اهتمي أنك تشتري حاجة مصنوعة من الأستانلس عشان تعيش معاكي من غير مالونها يغير وطبعا أحسن

حاجة ف الأستنالس ... الألماني (طبعا هو أغلاهم) ...وده أنصحك تخليه للسفرة وتجيبي طقم تاني (6قطع من كل من الشوك والسكاكين والمعالق) تخليه للمطبخ ... بالنسبة للسكاكين ففي طقم سكاكين برستيج حلو جداااااااااا وأنا زعلت أوووووي أني معرفتش أن برستيج بتنزل أطقم سكاكين بسعر تحفة ومعاه حامل خشب تحطي السكاكين جواه وكان نفسي أرجع طقم السكاكين بتاعي وأجيب برستيج بس ملحقتش أعمل كده لأني اتزنقت في الوقت

5. الكوبايات والكاسات:

احتياجات الجهاز يا عروسة 88293hayah.jpg

طبعا هتشتري كوبايات للشاي وشوبات للماء وكاسات للعصير ده غير حاجة النيش ... يستحسن أنك تشتري من كوبايات الشاي طقمين زي بعض وكذلك في الكاسات عشان لو جالك عدد كبير يبقى الحاجات كلها زي بعض


نآخد فاصل ونرجع نواصل إن شاء الله


مواضيع قد تعجبك:


رد مع اقتباس
جديد المواضيع في قسم الأعمال اليدوية و التجارب المنزلية Handicrafts

قديم 11-14-2013, 02:05 AM   المشاركة رقم: 2

معلومات العضوة
الكاتبة:
اللقب:
عضوة حيوية


افتراضي

ياقوم أين أنتم؟؟؟


رد مع اقتباس
قديم 11-14-2013, 09:20 AM   المشاركة رقم: 3

معلومات العضوة
الكاتبة:
اللقب:
مشاركة نشطة


افتراضي

تسلم يدينك ياقمر


رد مع اقتباس

Powered by vBulletin® Version 3.8.7
Copyright ©2000 - 2019, vBulletin Solutions, Inc.
Content Relevant URLs by vBSEO