|
شرائح الفليه الكندوز بزبدة الفول السوداني , طريقه تحضير شرائح الفليه الكندوز بزبدة ال شرائح الفليه الكندوز بزبدة الفول السوداني الطبق الرئيسي اللي معانا النهارده هو" شرائح الفيليه الكندوز بزبدة الفول السوداني "وعلى فكرة الطبق ده مش هياخد تحضيره أكتر من عشر دقائق بس.. المقادير: كيلو شرائح فيليه كندوز. 4 ملاعق زبدة فول سوداني. كوب كريمة. كوب بصل مقطع قطعا صغيرة. ملح وفلفل. الطريقة: أول حاجة هاتبل اللحمة بشوية ملح وفلفل وهاسيبهم مع بعض لمدة نص ساعة علشان اللحمة تتبل كويس وعلى فكرة اللحمة الكندوز بتستوي بسرعة.. بعد مرور النص ساعة هاجيب حلة وهاحط فيها زيت والبصل وهاشوح البصل لمدة عشرة دقائق على النار.. وبعد كده هاحط اللحمة على البصل واشوحهم مع بعض على نار عالية. هجيب طاسة صغيرة هاحط فيها زبدة الفول السوداني وشوية مية واقلبهم مع بعض وهاضيف إليهم الملح والفلفل وفي نفس الوقت هاكون باقلب اللحمة... بعد كده هاحط زبدة الفول السوداني على اللحمة وبعد شوية كمان هاضيف ليهم كوب الكريمة واسيبهم يغلوا ويستووا مع بعض. باجيب طبق التقديم وباحط فيه أرز بشعرية وشرائح الفيليه الكندوز بزبدة الفول السوداني والكريمة. |
| الساعة الآن 02:14 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO