منتديات شبكة حياة

منتديات شبكة حياة (http://www.hayah.cc/forum/)
-   صحة و رشاقة و رجيم وصفات رجيم و حميه Fitness and Diet (http://www.hayah.cc/forum/19/)
-   -   تجربتي مع انقاص الوزن (http://www.hayah.cc/forum/t5614.html)

نوره 06-22-2013 09:50 PM

تجربتي مع انقاص الوزن
 
بسم الله الرحمن الرحيم
السلام عليكم ورحمة الله وبركاتة
عزيزاتي أعضاء شبكة حياة
OoOoتجربتي مع انقاص الوزن OoOo

بقول لكم تجربتي مع انقاص وزني :30:
.
.
كان بمثابة حلم أني أنقص وزني لأني كنت مدمنة طعام لدرجة أني كنت أرجع من المدرسه وتكون الوالده ماليه الثلاجه كلها حلويات وعصائر وغازات *)
.
.
عند الوالده نظريه بأنها دامها وفرت اللي احتاجه يعني ان الحلويات تمد الطالب بالطاقه وهذا الشي بيساعده انه يبذل جهد أكبر
.
.
حليلها ما كانت تدري ان هالشي بيدمر صحتي وبيخلي وزني يزيد وبيعودني على الشراهه{"

.
.
وأنا كنت مجرد أني أتعقد من حل مسأله أو من مذاكرة ماده حطيت حرتي في الثلاجة لدرجة انها ما كانت تكمل اسبوع اللا وهي فاضيه *)
.
.
كان وزني في ثاني ثانوي 70 وفي بداية ثانويه عامه صار وزني 75 ونهاية ثانويه عامه

الطاااااامه الكبرى


103


كان هالوزن بالنسبه لي عادي لاني ما كنت حاسه بأني دبه لهالدرجه كنت اقول جسمي وايد عادي واحتمال زيادة الوزن من عظامي مثل ما أقنعتني وحده من صديقاتي

المهم

دخلت الجامعه كنت في السكن الداخلي للطاليات وساكنه في غرفه بروحي
.
.
كانت شراهتي غير طبيعيه لدرجة اني اتريق غازات واتغدى مرتين وبين الوجبات اشتري من الجمعيه كيس كله شوكلاته
وأرجع السكن أتابع رسوم كرتون وأخلص الكيس كامل بدون ما أحس
.
.
وفي نهاية السنه وصل وزني 106
وكان في زياده

وكان احتمال كبير يوصل 200 وأنا مب حاسه بس الله أنقذني
.
.
كيف؟؟؟؟؟*)

أنا بقولكم كيف

تصادف أني تعرفت على وحده وهذي البنت دبدوبه مثلي بس شوي أضعف مني

الله يسلمكم قالت لي أنا أبغي أسكن معاج في الغرفه
في البدايه كنت مستصعبه الفكره لاني تعودت على الوحده حتى في بيتنا

.
.
بس بعدها رضيت :30:
كسرت خاطري لانها ما تعرف حد في السكن *)
.
.
المهم

البنت كانت وايد تشتكي من سمنتها وانا ولا على بالي

أخرتها قررت انها تسوي ريجيم كيميائي لان كانت عندهم مناسبه ولازم تخس من وزنها
.
.
اشترت اغراض الريجيم وانا ولا على بالي لاني عمري ما سويت ريجيم

فكانت الاكل اللي تاكله اكله معاها مو بقصد الريجيم بس بقصد مشاركتها حياتها
.
.
صديقتي امتنعت عن الشوكلاته بس انا لا لأني كنت مدمنة حلويات ـ2
.
.
كانت تشرب شاي أخضر وأنا عمري ما شربته بس تعودت عليه بعدين
.
.
المهم بعد شهر من الريجيم والمشي في السكن مؤازرة لصديقتي لاحظت ان ملابسي صارت وسيعه واااااايد.
.
وأنا طول هالمده ما شفت أهلي لانها كانت فترة امتحانات وكنت وايد مشغوله لدرجة اني ماانتبهت لنفسي اني اسير اوزن واشوف وزني كم وصل
.
.
بعد هالشهر وبعد ماخلصت امتحاناتي شفت اهلي اول ما شافوني انصدموا
.
.
الكل يقولي يا بنت وين نصج الثاني II:
.
.
وأخواني الشباب يضحكووووون علي من القلب
.
.
كلهم منصدمين مني كيف صرت
.
.
اخواني يابوا صورتي قبل لا اضعف وخلوني اشوفها وصوروني على شكلي الحالي


انا انصدمت من نفسي ::D

قلت في خاطري كيف كنت متحمله هالجسم اللي علي


تعرفون كم وصل وزني


وصل 86


وحالياً وزني 83 :82:

صار شكلي وااااايد دلع أقدر البس اللي ابيه واتدلع في المشيه بعد ما كنت كبت متحرك

تعرفون من كم سنه ؟؟؟؟


كملت الحين5 سنوات ووزني كل ما ياه ينقص لاني مجرد احس اني زدت كيلو احاول اني انزله

ما اريد ارجع للكتله اللي كنت عليها

حبيت أفيدكم من تجربتي في انقاص الوزن

واقولكم ان اللي بتنقص وزنها مب شرط تتبع ريجيم معين وتطبق اللي مكتوب واول ماتخلص من الريجيم ترجع تاكل بشراهه غير طبيعيه وترجع كل الوزن اللي خسرته نفس ما صار مع صديقتي
.
.
صديقتي خسرت أكثر عني تقريباً خسرت 30 كيلو من وزنها بس رجعت بعد شعرين بالضبط زادت 40 كيلو

.
.
تعرفون الفرق بيني وبينها
.
.
أني أنا ماكان في بالي ان هالشي اللي اسويه ريجيم ولا كان في بالي اني انا يالسه احرم نفسي من الاكل
انا كنت افطر واتغدا واتعشا من عشاها واذا حسيت بجوع اروح اكل شوكليت أو اشرب شاي حليب على حسب ما اشتهي بس المهم اني كنت اسد جوعي وبس {"
بس هي لا

كانت اذا جاعت تشرب ماي وبس

.
.

هاالشي خلى جسمها يصير له رد فعل عكسي وبالتالي اول ما انتهى الريجيم وانتهت المناسبه اللي نقصت وزنها علشانها زاد وزنها

.
.
أنا حالياً وزني ثابت
.
.
وفي صدد الوصول لوزن 65 وان شاءالله بوصل :)



بقلم :
Secret lady

تجربه حصريه لمنتديات بيت حواء






OoOoتجربتي مع انقاص الوزن OoOo

cute 08-18-2013 03:58 AM

ماشالله ابي انحف هههههه

اشجان الحسن 08-29-2013 07:09 PM

مشكوووووووووووووووووووووو ره

-ام فارس- 09-08-2013 10:21 AM

يعني شو الاكل ألي تكلونه ؟؟
الشاي الاخضر ما أحبه

عطر الورد79 09-08-2013 03:40 PM

مشاء الله عليك ارادة من حديد علميني و الله انا كمان تعبت من الرجيم

ام ناصر 2002 01-04-2013 05:24 PM

ماشاء الله .............عقبالي يارب؟؟؟؟؟؟


الساعة الآن 11:11 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO