الشوكولا البيتية
 

السلام عليكم ورحمة الله
ارحب بكم بين اطباق سعاد و اليوم موضوعنا هو


الشوكولا البيتية


اولا بتشكر الكل عالوصفات الروعة يلي بالمنتدى عنجد شي بيرفع الراس تسلم اديكون جميعا
انا عضوة جديدة هون وحبيت هالمنتدى كتير وعجبوني كتير المواضيع والوصفات وخصوصا الحلويات
وطبقت كم وحدة وطلعو بجننو وحابة شارك معكون بهالقسم بما اني من هوات اكل الحلويات والشكولا
اليوم جربت اعمل شوكولا بيتية يعني قطع الشوكولا يلي بتنباع بالمحلات والحمد لله نجحت وطلعت بتجنن شكل وطعم’( وحبيت حطبكون الطريقة لتستفيدو وعذروني مشان الصور بس بصراحة ماصورت خفت ماتنجح معي لانو الطريقة من بنات افكاري وبالنسبة للصورة النهائية كمان بعتذر لانو قضي عليهون كلون:10:
احم احم نبلش بالمقادير:
ا باكيت شوكولا سادة ايا نوع بتحبي حلو او مر مابتفرق
بسكوت ويفر محشي شوكولا 4حبات او حسب كمية الشوكولا يلي بدك تعمليا
علبة شوكولا بيضا وسودا بكونو اللونين سوى اكيد عرفتو بتكون متل النوتيلا
الطريقة:
منذوب لوح الشوكولا بجمام مائي وبعد مادوب منجيب ايا قالب متوفر عندك(انا بصراحة استخدمت قوالب الثلج لانو ماعندي قوالب خاصة للشوكولا:10:)
بعدين منعبي القالب بالمعلقة يعني تقريبا نص الفراغ يلي بكون مو كلو ومنحاول نميلو عالجوانب يعني لو القالب كان شكل مربعات منحاول نميل الشوكولا لحتى تغطي الاطراف وبعدين منقلب القالب كامل عالوش الثاني مشان نتخلص من الشوكولا الزائدة ومنتركو 10 دقائق تقريبا مقلوب انا قلبتو فوق القدر يلي ذوبت فيه الشوكولا مشان استخدم الزائد مرة اخرى(انشالله تكونو فهمتو عليي شي:12::12:)وبعدين حطيتو بالفريزر 5 دقائق يعني حتى يجمد
وبعد ماطلعتو حطيت بمعلقة صغيرة شوكولا بداخل القالب شي ابيض وشي اسود والويفر جبتو وكسرتو وحطيت منو بالقالب كمان يعني صار في تشكيلة بس مابتعبي كلو وبعدين منرجع للزائد من الشوكولا يلي دوبناها اول اذا كانت جمدت رجعي عمليلا حمام مائي وبعدين بتغطي الحشوة فيا يعني القالب وبتصلحي الشكل بالسكين وبعدين بوشك وعالفريزر شي نص ساعة وبعدين طلعيون من القالب وتمتعي باطعم واطيب شوكولا شغل ايديكي وبالحشوة يلي بتحبي
واخيرا خلصت ايا سؤال حبيباتي انا جاهزة’(
وبتمنى تعجبكون {"هالوصفة المتواضعة



الشوكولا البيتية


بالهنا و العافية عليكم و على حبايبكم

اختكم سعاد

تسلم ايديك سعاد
وبارك الله بجهودك الجبارة

مشكوووووور والله يعطيك الف عافيه