جديد الفعاليات
دخول العضوات
07-27-2013, 08:06 AM
| المشاركة رقم: 1 | |||||||||||||||||||||||||||
| ||||||||||||||||||||||||||||
 اكلات شعبيههنا جميع المأكولات الشعبية لكل دول العالم       *"* اطباقي النجدية الشعبية اللذيذة ... من ايدين ام حمودي 500 *"*    اقدم لكم بعض اطباقي النجديه الشعبيه الي بتفعكم بهالبرد واتمنى تحوز على رضاكم يالغاليات نبدا اولا : الجريش   المقادير كأسين جريش دبي منقوع لساعه نص كأس رز مصري او الي تبين بصله كبيره مفرومه 2 ملعقة كبيره كمون مطحون وملح حسب الحاجه 1 زبادي او كأس جبنه سائله حجم صغير انا حطيت زبادي 1 ونص كأس لبن او اذا تحبي حليب سعودي انا حطيت لبن عصير ليمونه حبه نبدا التحضير نحمس البصل مع شوي زيت ونخليه ليذبل ولاتخلينه يلون ....... ثم اضيف عليه الكمون والملح ........ ثم اضيف الجريش والارز عليهم ونحركه شوي لدقيقتين ثم اضيف الماء الفاتر تقريبا ياصل اعلى من طبقة الجريش باربع اصابع تقريبا ...... ثم اتركه ليفوح وبعد غليانه اضيف الزبادي واللبن عليهم ثم وطي على النار وخليه يطبخ على مهله ومع التحريك المستمر بين فتره وفتره ..... وبعد ساعه اذا جمد الخليط ضيفي شوي ماء حار لاتكثرين علشان ماتسيح معك واتركيها ساعه بعد ..... ثم في هالوقت نحضر الحشو حبيتين بصل مقطعه صغار حبة فلفل حار مقطعه صغار كمون شوي مع ملح وملعقتين صلصه حمراء اذا ماتبين صلصه حطي حبة ليمون اسود مطحون وثلاث ملاعق او اربع كبار سمن او زبده نحمس البصل بشوي زبده واحط عليه بعد مايذبل الفلفل الحار وحركهم شوي ثم اضيف الملح والكمون والصلصه او الليمون اذا تحبي ونحركهم شوي وبالاخير اضيف السمنه او الزبده واطفي عليه ...... بعد ماتمر على الجريش ساعتين اضيف عصير الليمون عليه واحركه باستمرار علشان مايحترق ثم بعد مرور ثلاث ساعات يكون الجريش نضج مع ملاحظة الملح ثم احطه بصحن تقديم او بحافظه بعدين اصب الحشوه فوقه وتكون بهذا الشكل.........   طعمها مرررره خيااااااال وبالعافيـــــــــه ...... ثانيا : عصيدة التمر عصيدة التمر ررررروعه ومفيده لصغار والكبار وتنفع للحريم النفاس بعد ...  ربع كيلو تمر منقوع بنواه ب6 كاسات ماء ....... طحين حسب العصد 2 او 1 فنجان قهوه سكر اصبع زبده مذوبه نبدا التحضير بعد ماننقع التمر لمدة ساعه تقريبا بتغير لون الماء بلون التمر وحاولي تحركينها بملعقه حتى يذوب اكثر بعد ماتشوفين التمر ذاب اغلبه اشخليه بقدر ثم حطيه على النار وتكون مررره هادئه وقبل لا يسخن ابدي بثر الطحين الاسمر وحركي بالخفاقه اليدويه شوي شوي وباستمرار الله يعين يدك لاتوقفين ابدا حركي لين تخلصي الطحين ثم حركيها بملعقة خشب انا حطيت تقريبا كاسين طحين واذا بدا يسخن حركي بسرعه حتى مايلزق اسفل القدروخليها شوي قاسيه لاتكون سائله لانها مع الطبخ بتسيل شوي اعملي حسابك واذا بدا يطبخ غطيه وخليه لثلث لنص ساعه على نار جدا هادئه مع التحريك لا تنسين ثم بعد نص ساعه من الطبخ صبيه بصحن التقديم او حافظه ثم صبي فوقه الزبده وادعولي مررررررره لذيذه .......   ومداخيـــــــــــــــــــ ل العافيــــــــــــــــه .... ثالثا : المرقوق مقاديره طحين بر حسب الحاجه 3 حبات كوسه مقطعه كبار شوي 3 حبات جزر مقطعه كبار شوي 2 عود دارسين قرفه 4 حبات عصير طماطم ملح وفلفل اسود وبهارات مشكله مطحونه فلفل رومي حبة صغيره مقطعه كبار حبة بصلة وسط مفرومه اربع قطع لحم بعظم او حسب الحاجه وعدد الافراد نبدا التحضير نعجن الطحين على قد حاجتك وعدد افراد عيلتك وخلي العجينه شوي قاسيه وبعد ماتخلصين عجن رشي سطحها بشوي ماء...........  وغطيها وخليها لربع ساعه ثم كوريها دوائر صغاروايدينك مبلوله بالماء وصفيه بصحن مرشوش بشوي ماء واتركيهم لنص ساعه اوربع ساعه وكل ماخذت وقت احسن وبعدين ابدي رقيها بدينك تخلينها رقيقة شوي ودي اوريكم بس مافيه احد يصورني هههههههه على العموم الي ماتعرف ترق تسوي مثل زوجة اخوي تكور العجينه صغار مررره وترقه على صحن مرشوش بماء وتحط بالقدر اختصار ههههههههه او تقسي العجينه مره وتفردها مالكم عذر ماقصرنا بالطرق ههههه ملاحظه الطحين حقي مملح علشان كذا خففت الملح بالمرق انتبهوا......... نحمس البصل مع شوي زيت ونضيف عليه الدارسين والفلفل الرومي واللحمه ونحركه ليلون اللحم ثم نضيف الخضار ونقلب شوي لثلاث دقائق تقريبا ثم اضيف الملح والفلفل الاسود والبهارات ونحركهم شوي .......  ثم اضيف عصير الطماطم المطحون عليهم ونخليه ليفوح الخليط مع بعض ثم اضيف الماء عليهم .......  بعد ثلث ساعه على طبخ اللحم ابدا برق العجينه بالماء واواسيها على سطح المرق شوي شوي وانتبهوا لا ترقون وراء بعض عطي كل حبه حقها تقريبا دقيقه ليغير لونها وتنضج بعدين قطعيها على خفيف ثم رقي الي بعدها ان شاء الله فهمتوا وهذا شكلها وانا قاعده ارق واحط ............  وبعد مااخلص اوطي النار مررره وقبل على نار هادئه وانتي ترقين علشان مايحترق وحركي على خفيف على شأن ما تطلع عصيده وخليها لثلث ساعه تقريبا وهذا شكلها.......   وبالعافيـــــــــــــــــ ـــ ــــــــــه ...... يتبــــــــــــــــــــــ ــــــــــــــــع ياحلويييييييييييييييييييي ن رابعا : السليـــــــــق مقاديرالسليق كاسين رز الي تستخدميه ويفضل المصري وينقع لساعه مرق دجاج او ماء حليب سعودي كبير او خمس اكواب ماء مذوب فيه حليب بودره ملح واذا مافيه مرق دجاج استخدمي مع ماء السلق حبات من الهيل ورق الغار وملح وملعقتين من الزيت مقادير اللحمه يعني الحشو الي فوقها .... لحم هبر مقطعه او لحم بعظم واذا ماتحبي اللحم دجاج مقطع ارباع بجلدها صلصه علبه لونا بصله وسط مقطعه شرائح رقيقه فلفل رومي وسط مقطع شرائح رقيقه ملح وبهارات وفلفل اسود وشوي زيت نبدا التحضير نشغل الفرن من فوق وتحت ليحتمي ثم ابسط قطعة قصدير على الطاوله وادهن وجها بزيت واحط اللحمه الهبر المقطع شرائح فوقها .....  ثم نحط عليها علبة الصلصه وشوي ملح .....  ثم اصف فوقها البصل والفلفل الرومي ورش سطحها بشوي بهارات وفلفل اسود وشوي ملح ....  ثم اقفل القصدير عليها باحكام واحطها بطبقه ثانية قصديروحطها بصينيه كبيره وحطها بالفرن لمده نص ل40 دقيقة لانها لحمه مقطعه ماتاخذ وقت واذا لحمه بعظم ساعه وربع واذا دجاجه ساعه كامله بس اذا نضجت الدجاجه افتحي القصدير وحمريها من فوق .... وهذا شكل اللحمه بعد مااحكمت عليها القصدير ......  ثم اطبخ الارز عادي بمرق او ماء السلق لينضج.....  ثم اضيف الحليب عليها بالتدريج واحركها لاتصبين الحليب دفعه وحده ....  وهذا شكلها بعد مرورنص ساعه و ساعه من الطبخ وتاكدي من ملحها كل شوي .....   والسليق يحتاج بس ساعه ليكون جاهز وهذا شكله بالاخير اممممم عذااااب باللحمه  وبالعافيـــــــــــــــــ ـــــ ــــه .... خامســــا : الايــــــــــدام النجــــــــدي  هذي طريقة امي الله يخليها لي ويشفيها يارب... رووووعه طعمها ماتشبعين منه نبدا بالمقادير: المجموعه الاولى اربع قطع لحم بعظم ماء للسلق ملح 1 ملعقة كبيره بهارات مطحونه المجموعه الثانيه 2 حبة كوسه 2 حبة بطاطس وسط 2 حبة بادنجان حجم صغير 1 حبة قرع صغير 2 حبة جزر ا بصل صغير 1 طماطم وسط مطحونه 3 ملاعق كبار معجون طماطم نص حبة فلفل رومي بارد 2 حبة فلفل حار ونقطع اللكل ماعدا الفلفل الحار انصاف دوائر والفلفل الرومي مربعات نبدا التحضيـــــــــر: نسلق المجموعه الاولى ونخليها على النار لنص ساعه تقريبا ....  ثم نضيف بعد ماانسلقت اللحمه نص ساعه المعجون والطماطم بهذا الشكل ......  ثم نضيف عليهم جميع المجموعه الثانيه ماعدا القرع ونخليهم تقريبا ربع ساعه .....  ثم نضيف القرع ونخليهم على النار نص ساعه وبالاخير تقدم بصحن التقديم مع الارز او الخبز انا قدمتها مع الارز الابيض بهذا الشكل .....   مرررررررررررررررره طعمها جنان**** وبالعافيـــــــــــــــــ ــــة يتبــــــــــــــــــــــ ـــــــــــــــــــع ياحلوييييييييييييييييين  سادســــا : القرصـــــــــــــــان المقادير قرصان جاهزه على حسب عدد الافراد بصله مفرومه صغار 1 فلفل رومي وسط مقطع كبار 2 حبة جزر مقطع مربعات صغار 2 كوسه مقطعه مربعات صغار انا ماعندي حطيت بطاطس شوي فاصولياء خضراء اذا تبين نص علبة معجون طماطم او ملعقة صغيره كركم اذا تبينها صفراء مو حمراء لحم هبر مقطع صغار مع عظم او بدون عظم حبيتين فلفل حار ملح بهارات مطحونه شوي وفلفل اسود شوي وشوي كمون ربع اصبع زبده او ملعقتين او ثلاث كبار سمنه 2 حبه طماطم مطحونه نبدا التحضيــــــــــــــــر: نحمس البصل بشوي زيت ثو اضيف الفلفل الرومي ثم اضيف اللحم واحرك شوي ثم اضيف الملح والبهارات والكمون والفلفل الحار .....  ثم اضيف الخضار واحركهم شوي ثم اضيف المعجون .....  واحركهم شوي ثم اضيف عصير الطماطم .....  ثم اضيف الماء قد حاجة القرصان ......  وخليها نص ساعه تطبخ ثم اضيف القرصان .....  ثم اضيف الزبده او السمنه........  وخليها 3 دقايق على النارو اخلي فيها شوي مرق ماانشفها وبالاخيـــــــــــر اقدمها .....   مررره لذيذه جربوها وبالعافــيـــــــــــــــ ـــــ ـــــــــــــــــه مواضيع قد تعجبك:
| ||||||||||||||||||||||||||||
 | ||||||||||||||||||||||||||||
ام عدوله 
 جديد المواضيع في قسم أطباق رئيسية |
| |
|
07-28-2013, 01:20 AM
| المشاركة رقم: 2 | ||||||
|  يعطيك العافية عالمجهود الحلو يستأهل الثبيت | ||||||
| | |||||||
العرض العادي
