منتديات شبكة حياة - طريقة تجميد وحفظ بعض الخضروات والفواكه واللحوم

http://www.hayah.cc/forum/hayahimgca...31415hayah.jpg

اليكى طريقة تجميد وحفظ بعض الخضروات والفواكه واللحوم

البصل والثوم

دول مش محتاجين إنك تحطيهم في التلاجة لأنك ممكن تحطيهم في مصفاة وتحطيهم في أي زاوية من زوايا المطبخ..
او ممكن فرم الثوم بعد تقشيرة مع شوية ملح ويوضع فى برطمان محكم ويوضع فى فريزر الثلاجة (ملحوظة هامة لا تضعى الثوم المفرى فى الديب فريزر لانة بيكرف بسرعة موش عارفة لية فى الديب فريزر بالذات )

http://www.hayah.cc/forum/hayahimgca...31416hayah.jpg

حفظ البهارات والتوابل

http://www.hayah.cc/forum/hayahimgca...31417hayah.jpg

يا ريت تحتفظي بالبهارات في مكان جاف؛ لأن الحرارة أو الرطوبة الزايدة بتخلي الأعشاب والبهارات الجافة تفقد نكهتها بسرعة.

علشان كده يا ريت ما تخزنيش الأعشاب والبهارات الجافة بالقرب من أفران الغاز أو المايكروويف أو أي مصدر للحرارة أو الرطوبة زي أجهزة غسل الصحون وغلايات الماء.

وخليكي دايما عارفة إن الأعشاب والبهارات دي لو خزنتيها بشكل صح فده ممكن يخليها تحتفظ بنكهتها لمدة عام أو اتنين.

http://www.hayah.cc/forum/hayahimgca...31416hayah.jpg

حفظ الياميش والمكسرات

http://www.hayah.cc/forum/hayahimgca...31418hayah.jpg

بالنسبة لياميش المشمشية والتين المجفف والمكسرات ممكن تحيطهم في أكياس وتحطيهم في التلاجة.
المكسرات احمصها كويس واضعها فى علب محكمة فى الثلاجة وكذلك اضع جوز الهند والزبيب فى الثلاجة

http://www.hayah.cc/forum/hayahimgca...31416hayah.jpg

تجميد التوت

. التوت يغسل وينقى من الشوائب ويعبا في اكياس في الفريزراو تعمليه مربى

http://www.hayah.cc/forum/hayahimgca...31419hayah.jpg

طبعا التوت يجي لونين

http://www.hayah.cc/forum/hayahimgca...31420hayah.jpg

http://www.hayah.cc/forum/hayahimgca...31421hayah.jpg

http://www.hayah.cc/forum/hayahimgca...31422hayah.jpg

http://www.hayah.cc/forum/hayahimgca...31423hayah.jpg

http://www.hayah.cc/forum/hayahimgca...31416hayah.jpg

تجميد التين بالصور

التين ايضا ما يعيش فتره طويله في الثلاجه قشريه وقطعيه وشيليه في الفريزر

وممكن تاخذي منه كم حبه وتخلطيها مع اي نوع مربى تحبي تسوي بالذات البرتقال

http://www.hayah.cc/forum/hayahimgca...31424hayah.jpg

http://www.hayah.cc/forum/hayahimgca...31425hayah.jpg

http://www.hayah.cc/forum/hayahimgca...31426hayah.jpg

http://www.hayah.cc/forum/hayahimgca...31427hayah.jpg

والفراولة ايضا تعبأ فى علب مع شوية سكر وتوضع فى الفريزر وايضا المشمش والمانجو بعد ان تشيل البذر طبعا

http://www.hayah.cc/forum/hayahimgca...31416hayah.jpg

سيدتي...يمكنك تجميد الأعشاب الطازجة بوضعها داخل مكعبات ثلج ترص داخل اكياس بلاستيكية حتي يمكنك استخدامها عند الحاجة بعد فترة طويلة‏

http://www.hayah.cc/forum/hayahimgca...31416hayah.jpg

تجميد اللحوم

http://www.hayah.cc/forum/hayahimgca...31428hayah.jpg

طلعيها من الكيس البلاستيك وبعد كده حطيها في حلة وحطيها في التلاجة على الرف اللي تحت الفريزر لمدة أربع ساعات وبعد كده هاتي كيس بلاستيك ناشف وحطيها فيه وفرغي أي هواء في الكيس واقفليه كويس وشيليه في الفريزر.. نفس الشيء ده هتعمليه مع اللحمة المفرومة.

http://www.hayah.cc/forum/hayahimgca...31416hayah.jpg

تجميد الأسماك

http://www.hayah.cc/forum/hayahimgca...31429hayah.jpg

بعد ما تروحي البيت على طوول طلعي السمك من الكيس بتاعه وابدئي في تنظيفه كويس.

ودي طريقة تنظيف السمك:

1. امسكي وسط السمكة وقشري جلدها باتجاه الرأس بسكين أو بحافة سكين غير حادة.

2. قصي الزعانف بواسطة مقص حاد. شقي جانب السمكة بسكين حادة كبيرة من أسفل رأسها حتى بداية ذيلها وتأكدي من أنها قد شقت جيداً من الداخل شيلي الأمعاء ونظفي بطن السمكة كويس.

3. بعد كده ابدئي في تنظيف السمك بالميه الباردة وبأكد بالميه الباردة وبعد كده حطيه في مصفاة وسيبيه علشان يصفي ميته وحطيه في كيس بلاستيك ناشف وشيليه في الفريزر.

عند الاستخدام طلعيه من الفريز وضعية فى شوية ماء بالخل واشطفية وضعية فى مصفاة

http://www.hayah.cc/forum/hayahimgca...31416hayah.jpg

حفظ الخضروات الورقية زي "النعناع والبقدونس والشبت والكزبرة والجرجير"

http://www.hayah.cc/forum/hayahimgca...31430hayah.jpg

أحسن طريقة لحفظ الخضروات الورقية في الثلاجة طازجة لأطول فترة ممكنة هي إنك تلفيها في فوطة نظيفة وبعد كده تحطيها في كيس بلاستيك وتحطيها في التلاجة.
لو الكمية كبيرة احضرى شوال من الخيوط ( ذى اللى بيكون فية القطن ) وتبللية جيدا بالماء وتضعية داخل علبة بلاستيك عميقة وترصى الخضرة وتلفيها بباقى الشوال هتفضل نضرة وقت طويل

http://www.hayah.cc/forum/hayahimgca...31416hayah.jpg

حفظ الطماطم

http://www.hayah.cc/forum/hayahimgca...31431hayah.jpg

لو كانت الطماطم طرية يبقى اغسليها كويس وبعد كده قطعيها واضربيها في الخلاط لغاية ما تبقى عصير بعد كده صفيها وحطيها في أكياس نايلون ناشفة وحطيها في الفريزر لحين الاستخدام.

او ضعيها فى الفريزر سليمة ولما تجمد اخرجيها وخليها تتصفى من المية اللى هتنزل منها وبعدين هتتقشر بسهولة معكى وبعدين اضربيها فى الخلاط وضعيها فى اكياس بلاستيك على حسب الطبخة فى الفريزر

لكن لو كانت الطماطم جامدة يبقى حطيها في مصفاه وحطيها في التلاجة زي ما هي.

http://www.hayah.cc/forum/hayahimgca...31416hayah.jpg

حفظ الفلفل والقرنبيط والجزر

http://www.hayah.cc/forum/hayahimgca...31432hayah.jpg

ممكن تشيلي الفلفل الرومي بالتجميد عن طريق إنك تغسليه وتقطعيه شرائح طويلة أو مكعبات، وتحطيه في أكياس نايلون وبعد كده تحطيها في الفريزر

http://www.hayah.cc/forum/hayahimgca...31416hayah.jpg

القرنبيط والجزر.

يسلقو ويصفوا ويوضع فى اكياس فى الفريزر

http://www.hayah.cc/forum/hayahimgca...31416hayah.jpg

حفظ البامية

http://www.hayah.cc/forum/hayahimgca...31433hayah.jpg

هاتي البامية اللي إنتي عايزة تجمديها واغلسيها كويس وبعد كده حطيها في مصفاه علشان تتخلص من أي ميه فيها....

بعد كده هاتي السكينة وابدئي في تقميع البامية بإنك تشيلي الجزء العلوي منها بشكل هرمي واوعي تقطعيها من النص أو من الطرف لأن ده ممكن يخليها تنزل العصارة اللي فيها.

بعد كده اغلي ميه وحطي عليها نصف ليمونة ومعلقة ملح بعد كده حطي فيها البامية لمدة خمس دقائق وبعد كده شيليها من الميه المغلية، وحطيها في مصفاة وافتحي عليها الحنفية بميه باردة بعد كده سيبيها شوية علشان تصفي الميه اللي فيها...

بعد ما تتأكدي إنها مبقاش فيها ميه نهائي هاتي كيس نايلون وحطي فيه البامية بس خدي بالك وإنتي بتحطيها إنك تفرغي الكيس من أي هواء بعد كده اقفلي الكيس كويس وحطيه في الفريزر..

http://www.hayah.cc/forum/hayahimgca...31416hayah.jpg

حفظ البسلة والفاصولياء

http://www.hayah.cc/forum/hayahimgca...31434hayah.jpg

هاتي البسلة وفصصيها واغسليها كويس وحطيها في المصفاة.

بعد كده هاتي حلة كبيرة فيها ميه وضيفي ليها معلقة كبيرة ملح وسيبي الميه تغلي على النار بعد ما تغلي ضيفي إليها البسلة وسيبيها لمدة 5 دقائق بعد كده حطيها في المصفاة واغسليها على طول بميه باردة من الحنفية وده علشان تحافظي على لونها الأخضر وعلى القيمة الغذائية اللي فيها.بعد كده سيبيها شوية علشان تصفي الميه اللي فيها...

بعد ما تتأكدي إن مابقاش فيها ميه نهائي هاتي كيس نايلون وحطي فيه البسلة بس خدي بالك وإنتي بتحطيها إنك تفرغي الكيس من أي هواء، بعد كده اقفلي الكيس كويس وحطيه في الفريزر... ونفس الشيء مع الفاصولياء..

http://www.hayah.cc/forum/hayahimgca...31416hayah.jpg

حفظ ورق العنب

http://www.hayah.cc/forum/hayahimgca...31435hayah.jpg

هاتي ورق العنب واغسليه كويس وبعد كده حطيه في ميه مغلية لمدة 3 دقائق وشيليه منها وحطيه في مصفاة يصفي ميته ويبرد بعد كده لفيه في فوطة ناشفة وحطيه في أكياس نايلون بس برضه اتأكدي إن الكيس مفيهوش أي أثر للهواء وبعد كده حطيه في الفريرز.
او رصصية بدون غسيل وهو اخضر فوق بعضة وضعية فى الفريزر وبعدين عند الحاجة طلعية فى ماء مغلى علية نقطة زيت 3 دقائق ثم اشطفية جيدا

http://www.hayah.cc/forum/hayahimgca...31416hayah.jpg

حفظ الملوخية

. http://www.hayah.cc/forum/hayahimgca...31436hayah.jpg

هاتي الملوخية وقطفيها واغسليها كويس وحطيها في مصفاة علشان تصفي ميتها كويس وبعد كده خرّطيها وحطّيها في شوية شوربة مغليين كويس ( فنجان صغير على النصف كيلو ) ثم توضع فى أكياس نايلون ناشفة وحطيها في الفريزر.

http://www.hayah.cc/forum/hayahimgca...31416hayah.jpg

منقووووول

مع أرق تحياتى

http://www.hayah.cc/forum/hayahimgca...31437hayah.jpg