محشى البط- طريقة عمل محشو البط والفراخ

::: الوايلية ::: · 06-29-2013, 05:52 PM

محشي البط

السلام عليكم ورحمة الله وبركاته

][ محشي البط ][

اغسل البطة من برى ومن جوى ثم تدعك من برى وجوى بملح وخل وكمون وليمون ( املاها مع كل مكان )
واتركها ربع ساعة وكل ما طولت أفضل

الحشوة : مكرونة مسلوقة غير مهروسة
تجهيز بصل مقطع صغير ويكشن له مع زيت ويضاف له التوابل مع الملح
غسل المكسرات ( كاجو / لوز / صنوبر )
إذا تحبين تكون الحشوة حلوة اضيفي زبيب
تضاف المكسرات على الزيت ولا يكون ناشف عشان تتحمر المكسرات صح

وتترك حتى تتحمر المكسرات ويضاف شوي كركم عشان يغير لونها

تصفى المكرونة ثم تضاف للحشوة حتى يتحول لونها للأصفر
ثم بقدونس + كزبرة + شبت ( مفرومة ) تضاف آخر شي على الحشوة ( آخر شي عشان ما تذبل )

نغسل البطة من برى وجوى غسل تمام .. وأن حبيتي تدعكينها بليمون مرة ثانية وإلا مو ضروري

ثم تحشينها الحشوة وتقفلينها إما خياطة وإلا بأعواد أسنان

وعلى حسب الرغبة الإعداد .. أنا بالنسبة لي سلقتها قبل بماء معاه قرفة + ورق غار + هيل ( وكلها غير مطحونة )

وبعدين طلعيها شوي شوي عشان ما تتمزق الجلدة وأخذي من مرقها واضيف له كركم ثم ادهنيها فيه كلها ..
وحطيها بصينية الفرن تتحمر

والتقديم إما تقدمينها بصينية الفرن ، أو تحطينها بصحن تقديم وتزينينها ..

ملاحظة : الطريقة تصلح لمحشي الحمام والدجاج ..

وبالعافية ..

مواضيع قد تعجبك:

منتديات شبكة حياة - أطباق رئيسية