تابعي جديدنا بالفيسبوك


العودة   منتديات شبكة حياة > ازياء و تجميل و موضة و ملابس fashion > منتدى العروس ملابس عروس مسكات عروس تسريحات عروس Bride

الى كل عروسة حديثة العهد بالزواج إليك - ألف باء سعادة زوجية

الى كل عروسة حديثة العهد بالزواج إليك - ألف باء سعادة زوجية الى كل عروسة حديثة العهد بالزواج إليك - ألف باء سعادة زوجية الى

منتدى العروس ملابس عروس مسكات عروس تسريحات عروس Bride

إضافة رد
 
أدوات الموضوع انواع عرض الموضوع
قديم 06-19-2013, 07:59 AM   المشاركة رقم: 1
الصورة الرمزية
الصورة الرمزية سعوديه أصيله
الكاتبة:
اللقب:
عرض البوم صور سعوديه أصيله  
معلومات العضوة

التسجيل: 1-6-2013
العضوية: 55460
المشاركات: 1,178
بمعدل : 0.59 يوميا
معدل التقييم:

الحالة:
سعوديه أصيله غير متواجد حالياً

افتراضي الى كل عروسة حديثة العهد بالزواج إليك - ألف باء سعادة زوجية

الى كل عروسة حديثة العهد بالزواج إليك - ألف باء سعادة زوجية
الى كل عروسة حديثة العهد بالزواج إليك - ألف باء سعادة زوجية

ألف باء السعادة الزوجية الى كل عروسة حديثة العهد بالزواج إليك - ألف باء سعادة زوجية 22014hayah.jpg

بعد ما شهر العسل خلص واتقفل عليكِ أنت وجوزك باب واحد.
.. فيه عيوب بدأت تظهر وكل يوم والتاني فيه خناقة ،بسبب مختلف..
وأنتِ دلوقت قاعدة بينك وبين نفسك عمالة تفكري وتقولي يا ترى هو ده الإنسان
اللي أنا حبيته واتجوزته وطبعا ندمانة على جوازك منه..
في الحالة دي ممكن تتصرفي إزاي ؟!

الى كل عروسة حديثة العهد بالزواج إليك - ألف باء سعادة زوجية attachment.php?attachmentid=2991&stc=1&d=1166400195

بترفعي سماعة التليفون وتتصلي بواحدة صاحبتك وتقعدي تحكي
لها وتقولي لها على اللي بيحصل بينك وبين جوزك
وتقولي لها إنه زي ما يكون اتبدل بإنسان غريب غير اللي كنت مخطوبة له
وإنك لولا إنك خايفة من كلام الناس كنت سيبتي البيت ورجعتي بيت أهلك...


طبعا هي هتنصحك وتقولك لازم تدخلي أهلك وهما اللي يجيبوا لك
حقك وإن جوزها كان كده وجه والدها وبهدله وجاب
لها حقها وزيادة لازم تعرفيه إن ليكِ أهل يجيبوا لك حقكِ..

الى كل عروسة حديثة العهد بالزواج إليك - ألف باء سعادة زوجية 22016hayah.jpg

وفي الحالة دي طبعا أنت هتقفلي معاها الخط وتروحي على طووول
متصلة بأهلك وتقولي لهم تعالوا بسرعة
الحقوني، وهو كمان مش هيقف يتفرج وهيتصل هو كمان
ويجيب أهله وكل واحد بكلمة اللي يقولك إنك غلطانة واللي
يقول له إنه هو اللي غلطان والمواضيع تكبر زيادة ويبقى من الصعب حلها...


وتلاقي نفسك فجأة دخلت نفسك في دوامة مشاكل مالهاش حلول..
طيب ما فكرتيش بينك وبين نفسك ولو لخمس دقائق
ليه ده كله حصل وإيه اللي كان في إيدك تعمليه علشان تخلي
حياتك جنة بدل ما أنت بإيدك حولتيها إلى جحيم..
ما تستغربيش كده من الكلمة أنت فعلا اللي حولتيها لجحيم..

عايزة تعرفي إزاي؟..
الى كل عروسة حديثة العهد بالزواج إليك - ألف باء سعادة زوجية e5eca1cb6610054840bdbc9551288d5e.gif

يبقى مفيش حل قدامك غير إنك تقرى السطور التالية وتحاول تنفذى أكبر قدر ممكن منها

إن لم يكن كلها وإن شاء الله هتلاقى مشاكلك اتحلت كلها

طبعا هتسألي نفسك وتقولي إزاي؟؟؟

تعالي نفكر مع بعض شوية بصوت عالِ..
ياترى إيه السبب في الخلافات اللي بتحصل بينك وبين جوزك
واللي مخلياكي حاسة إنه إنسان تاني غير اللي كنت مخطوبة له ؟؟؟


أقول لك بصراحة وما تزعليش من كلامي السبب في الخلافات دي
إن كل واحد منكم من بيت غير التاني ومن بيئة غير
التانية.. علشان كده أول ما يتقفل عليكم باب، وبعد شهر العسل
بيبدأ كل واحد يتصرف زي ما متعود في بيت أهله،
يعني مثلا هو متعود إنه أول ما يدخل من البيت يسأل عن الأكل وياكل وينام!

طبعا أنت ممكن تزعلي في الوقت ده
وتقولي إنه مش مهتم بيكِ، وإن أهم حاجة عنده الأكل!!

صح؛ ودي تبقى مشكلة هي صحيح بسيطة، بس ممكن
تكبر لو مافكرتيش بالعقل، وقلتِ إنه يا حرام صحي بدري،
وراح الشغل ورجع، وله الحق إنه ياكل وينام شوية ده مش عيب..

علشان كده عايزك دايما تفكري في كل تصرف بيعمله بعقل وبحكمة،
وتعرفي ازاي تجذبي زوجك لكِ وده مش
هيتحقق إلا من خلال حب زوجك لشخصيتك ولصفاتك الحلوة وروحك وذكائك
لأن الصفات دي هي اللي هتخلي جوزك
يحبك ويفضل حبك في قلبه طوووول العمر مهما مرت السنين
واوعي تنسي إن الاحترام بين الزوجين هو أساس
الزواج الناجح والبيت السعيد.

الى كل عروسة حديثة العهد بالزواج إليك - ألف باء سعادة زوجية 200711022143460.jpg

كلام جميل بس يا ترى كل الحاجات دي تتحقق إزاي؟؟؟

شوفي بقى علشان تحققي الحاجات دي لازم يكون عندك
شوية أساسيات كده ماشية عليها في حياتك الزوجية..

والأساسيات دي بنسميها "ألف باء السعادة الزوجية"..

والأساسيات دي هي..



الأساس الأول

شوفي جوزك بيحب إيه.. واعمليه
إيه المانع إنك تشوفي إيه الحاجة اللي جوزك بيحبها وتعمليها
حتى لو مش بتحبي الحاجة دي يعني مثلا "لو بيحب
السمك وأنت مش بتطيقي ريحته إيه المانع إنك تييجي على نفسك وتعمليه".
وصدقيني الحاجة دي مهما كانت بسيطة، فهي هتفرق معاه جد
ا؛ لأنه هيكون عارف إنك مش بتحبي الحاجة دي،
وعملتيها علشان ترضيه، فأكيد هيقدر إنك عملتِ الحاجة دي له
هو وبكده هيحبك أكتر وياريت كمان تشوفي هو بيكره
إيه وماتعمليهوش..


الى كل عروسة حديثة العهد بالزواج إليك - ألف باء سعادة زوجية bride131.jpg

الأساس الثاني

لا تكذبي
خلي دايما شعارك في حياتك الزوجية هو لا للكذب مهما كانت العواقب
وخليكِ دايما صريحة معاه في كل كبيرة وصغيرة.

الى كل عروسة حديثة العهد بالزواج إليك - ألف باء سعادة زوجية img506127.jpg

الأساس الثالث

خليها في سرك
الحياة الزوجية دي لازم تكون سر بين الاتنين الزوج والزوجة فقط لا غير.
. علشان كده ياريت ما تتكلميش قدام حد نهائي
سواء كان من الأقارب أو المعارف عن عيوب زوجك.
واعرفي أن احترام الناس لجوزك هيتكون
من خلال كلامك عنه قدامهم، علشان كده ياريت ما تتكلميش
مهما كانت الظروف عن عيوب زوجك، وخليها في سرك؛ لأن مفيش حد خالِ من العيوب.
وياريت لو فيه عيوب وأنت مش حباها، ونفسك تغيريها فده
لازم يكون بذكاء شديد بعيدا عن النقد والسخرية؛
لأن الراجل الشرقي مش بيحب مراته تفضل تنتقد تصرفاته...
يعني مثلا تقولي له بأسلوب لطيف
إيه رأيك يا حبيبي لو تعمل كده؟ ده هيخليك تبقى أحسن..
وخليه دايما يحس إن حبك له، وخوفك عليه، هو اللي خلاكِ تقولي كده، وإنك عايزة تشوفيه في أحسن صورة.
واعرفي أنك لو أغمضتِ عينيك عن أخطاء زوجك الصغيرة،
فهو كمان هيغفر لك أخطاءك اللي ممكن تكون كبيرة.



الى كل عروسة حديثة العهد بالزواج إليك - ألف باء سعادة زوجية Feature.jpg

الأساس الرابع

خليكِ مستمعة جيدة لجوزك
ياريت تكوني مستمعة جيدة لكل كلام جوزك
وقولي رأيك في كل اللي بيقوله بأسلوب كويس؛ لأن ده هيقربك منه جدا،
وهيخليه يقول لك على كل حاجة كبيرة وصغيرة في حياته
وتبقي أنت موضع كل أسراره، وده طبعا شيء كويس جدا
لأنك بكده هتكوني الشخص الوحيد اللي يلجأ إليه لما يتعرض لأي مشكلة.
ياريت كمان تكوني ذكية، وتعرفي.. امتى تتكلمي؟ وامتى تسكتي؟..
يعني لو لاقيتي جوزك راجع تعبان، وشكله فيه حاجة مضايقاه
ياريت في الوقت ده تسكتي نهائي، وبلاش تلحي عليه في السؤال..
مالك؟ مالك؟ لغاية ما يهدأ وهو اللي يبدأ يتكلم.


الأساس الخامس

خليكِ فراشة في البيت
خليك مرحة في بيتك.. حاولي تدخلي السرور والبهجة إلى قلب جوزك،
وما تحاوليش تكسبي عطف جوزك بأنك كل ما تشوفيه
تقولي إنك تعبانة ومرهقة؛
لأن بصراحة أي راجل بيهرب من الست المتمارضة كثيرة الشكوى.
ويا ريت تحاولي ماتكونيش ست تقليدية في لبسك،
بأنك مثلا تظهري بنفس المظهر كل يوم.. يعني حاولي تغيري في لبسك
.. في تسريحة شعرك.. في طريقة كلامك.. حتى في أصناف الأكل اللي بتعمليها.
حاولي تجددي وتبتكري أنواعا جديدة غير اللي هو عارفها،
وده علشان الملل ما يتسربش إلى قلبه.
وخليكِ عارفة إن الست الذكية هي اللي تنجح في كسر روتين الحياة اليومية.

الى كل عروسة حديثة العهد بالزواج إليك - ألف باء سعادة زوجية 3899_1167525684.jpg

الأساس السادس

ما تدخليش حد بينكم
وده أهم أساس في العلاقة بين أي اتنين..
إن مفيش حد يدخل بينكم نهائي في أي خلاف يحصل،
وخلافاتكم تحلّوها بينكم وبين بعض..
ومفيش مانع إنك لو لاقيتيه غضبان وثائر أثناء الكلام
تسيبي الأوضة اللي هو فيها وتروحي أي مكان تاني لغاية ما يهدأ
وهتلاقيه هو اللي جاي يعتذر لك، ويقول لك حقك عليّ يا حبيبتي
وخلي دايما صوتك واطي أثناء أي خلاف بينك وبينه وفكري كويس
في كل كلمة بتقوليها ولو حسيتي إنك هتبدأي تغلطي
تسكتي وتسيبي الأوضة اللي هو فيها، وإوعي تطلبي الطلاق.


الأساس السابع

إياكِ والمقارنة
إوعي تقارني بين جوزك وأي راجل تاني مهما كان..
أو بين عيشتك في بيت أهلك وبين عيشتك في بيت زوجك،
وخليكِ دايما راضية باللي ربنا كتبهولك وبلاش ترهقيه بطلبات تفوق إمكانياته؛
لأن كده ممكن يمد إيده لحد علشان يحقق طلباتك..



الأساس الثامن

الدنيا يوم عسل ويوم بصل
خليكِ ست عاقلة واعرفي إن الدنيا مش ماشية على وتيرة واحدة
يعني هتلاقي يوم حلو ويوم وحش علشان كده اصبري
وكوني عوناً لجوزك وقت الشدة، واوعي تتخلي عنه وخليك دايما بجانبه.



الأساس التاسع

استشيريه في كل حاجة
استشيري جوزك في كل حاجة تخصك
وفي كل خطوة قبل ما تعمليها..
خليه دايما يحس إنه هو صاحب القرار والرأي..

الى كل عروسة حديثة العهد بالزواج إليك - ألف باء سعادة زوجية 22017hayah.jpg

الأساس العاشر

اهتمي بأهله
إوعي تنسي إنك تهتمي بأهله، وتزوريهم دايما،
وتجامليهم في أي مناسبة
حتى لو كان هو مش فاضي أنت روحي واطمني عليهم؛
لأن الموضوع ده هيبسط جوزك جدا..





الى كل عروسة حديثة العهد بالزواج إليك - ألف باء سعادة زوجية
الى كل عروسة حديثة العهد بالزواج إليك - ألف باء سعادة زوجية




مواضيع قد تعجبك:


رد مع اقتباس
جديد المواضيع في قسم منتدى العروس ملابس عروس مسكات عروس تسريحات عروس Bride

قديم 06-19-2013, 10:24 AM   المشاركة رقم: 2

معلومات العضوة
الكاتبة:
اللقب:
عضوية التاج الفضي
الصورة الرمزية
الصورة الرمزية ملاك القدس

التسجيل: 11-5-2013
العضوية: 54219
الدولة: فلسطين الحبيبه
المشاركات: 2,710
بمعدل : 1.33 يوميا
معدل التقييم:

الحالة:
ملاك القدس غير متواجد حالياً

عرض البوم صور ملاك القدس  
افتراضي

اسمحي لي ابدي اعجابي بقلمك وتميزك واسلوبك الراقي وتالقك ...و الله يجزيكي الخير...........اللهم صل على محمد وعلى آله وصحبه أجمعين


رد مع اقتباس

Powered by vBulletin® Version 3.8.7
Copyright ©2000 - 2016, vBulletin Solutions, Inc.
Content Relevant URLs by vBSEO