|
مفطح سمك -بالصور طريقة مفطح سمك مفطح سمك التتبيله بقدر على النار نحط الزيت ونحط فيه البصل حسب الكميه وطماط وثوم وفيفله خضرا ونحط عليه البهارات وملعقتين صلصة طماطم خل ابيض يعطي شوي حموضه رهيبه وخلي يتسبك على النار وصبي عليه 3ثلاث ارباع كاس ماء وخلي يتطابخ شوي وقومي حطي عليه بقدونس وشبت وكزبرة وكثري منهم وطفي عنه وتصر الخلطه ثقيله مو مرقه السمك غسليه ونظفيه ورشيه بالملح والطحين والكركم من داخل وبرا وخليه ساعه وبعدين ارجعي غسليه حطي عليه التتبيله اللي ذكرتها وحطي عليه القصدير ودخليه الفرن الى ان يستوي وسويت معاه رز مشخول ابيض ما اقدر اوصف لكم كيف كان طعمه الرجال انهبلوا وما صدقوا انه من البيت قام زوجي بس يسمي علي خايف من العين فديته وتفضلوا على الصور هذا الناجل يوم ملحته وغسلته ونسيت اصور الهامور هنا يوم حطيت عليه التتبيله ودخلت في بطنه شرايح ليمون وشبت وبقدونس وشوفوا المنظر اما الصورة النهائيه ما شاء الله تبارك الرحمن .http://www.hayah.cc/forum/hayahimgca...12114hayah.jpg |
| الساعة الآن 10:50 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO