منتديات شبكة حياة - رز بحمسه الدجاج لذيذ

رز بحمسه الدجاج لذيذ
رز بحمسه الدجاج لذيذ

باسم الله الرحمن الرحيم

نقطع بطاط مكعبات حجم اصغر من المتوسط ونفوحهم بماي نص فوح(نص استواء).

http://www.hayah.cc/forum/imgcache/197928.png

نحمس بصل كميه وفيره ليما يتشوقر ونضيف معاه الزنجبيل المفروم والثوم المدقوق ونحمس على نار هاديه ونخلي بالنا لايحترق الثوم بالحمس.

http://www.hayah.cc/forum/imgcache/197929.png

وعقب نسقط الدجاج على الحمسه ونحمس ونضيف نص ملعقة أكل بهارات مشكله، وملعقة اكل كركم ، ونص ملعقة فلفل اسود، ونص ملعقة كمون ، ونص ملعقة كزبره،ونص ملعقة هيل مطحون، ومكعب ماجي .

http://www.hayah.cc/forum/imgcache/197930.png

وايدج لاتوقف عن الحماس ، وعقب نضيف البطاط المسلوق ونحرك بخفه عشان ما ينهرس معاج البطاط

http://www.hayah.cc/forum/imgcache/197931.png

ونخلي الحمسه تتجانس على الناراالوسط لاعاليه ولا واطيه حيل

http://www.hayah.cc/forum/imgcache/197932.png

وعقب خمس دقايق نضيف حوالي قلاص ونص ماي .... والقلاص هو قلاص الجبن الكبير.

http://www.hayah.cc/forum/imgcache/197933.png

ونخلي الخلطه تثقل على النار حوالي عشر دقايق وعقب نجيك عليها اذا استوت نسكر النار.

وتجهزين لج حبيبتي عيش مغسول ومنقع بماي دافي لمدة لاتقل عن ساعه
تسلقينه او تفوحينه ليما يستوي نص استوا.. مع بهارات عدله مسمار ودارسين
وهيل حب وملح.

http://www.hayah.cc/forum/imgcache/197934.png

ولا استوا نص استواء يبلش شغلناا...

تيبين الجدروتحطين بقاعته عيش وبعدين شوية من حمسة البطاط والدجاج وشوية زبده..وبعدين عيش وشوية زبده وبعدين حمستنا..وتكررين العمليه ليما الآخر..وعقب ترشين الوجه بماي ورد منقع فيه زعفران وشوية زبده ..واذا ماعندج حطي صبغة العيش مع ماي ونثريها علىالوجه وهني الطريقه بالتسلسل:

http://www.hayah.cc/forum/imgcache/197935.png

http://www.hayah.cc/forum/imgcache/197936.png

http://www.hayah.cc/forum/imgcache/197937.png

http://www.hayah.cc/forum/imgcache/197938.png

تسكرين جدرج وتغطينه بقصدير او فوطه وتخلينه على نار هاديه لمدة نص ساعه او اقل حسب عيشج المسلوق اذا كنتي سالقته حيل او شويه.
وهذاا جدرناا

http://www.hayah.cc/forum/imgcache/197939.png

وعقب تنجبينه ..وهالطبخه ماتنجبينها من الجدر بالملاس
لاا حبيبتي
اخذيلج صينيه وقلبي الجدر فيهاا ..وعقب نجبي من الصينيه على راحتج عشان ما تخربين العيش والخلطه الي فيه اذا نجبتي من الجدر مباشره.

رز بحمسه الدجاج لذيذ
رز بحمسه الدجاج لذيذ