بشرتك دهنيه والمكياج يسيح جربي هالطريقه
 

اشوف كثير بنات يشتكون من بشراتهم الدهنيه في المناسبات وإن المكياج مايثبت ويصير

مكتل فحبيت أعرض عليكم تجربتي لعل وعسى تنفعكم ويصير مكياجكم حلو

جربو هذي الطريقه وان شاء الله تنفع معكم انا بالنسبة لي بشرتي

مركبة وإفرازاتها الدهنيه زايدة والحمدلله كل شي يصير تمام من يوم مااستخدمت هذي الطريقة

أول شي قبل المناسبة ب3 ايام نظفي بشرتك بالبيت التنظيف العادي الي

هو حمام بخار وماسك ومقشر يعني التنظيف العادي ولا تحطين اي نوع من أنواع المكياج

خلال هذي الأيام عشان تتنفس البشره براحتها

بعد كيذا استعملي هذا الماسك لمدة اسبوع قبل المناسبة مره باليوم ويوم

المناسبة استعمليه مرتين مره الصباح ومره المغرب أو العصر قبل المكياج

والماسك هو كالتالي ( ثلاث ارباع كاس موية ورد تغلينها على النار (نار هادية) مع ملعقة ونص نشاء الذرة وتحركينهم على النار لين مايصير ثقيل زي المهلبية بعدين حطيهم بعلبة بعد ماتبرد وسكريها كويس وحطيها في الثلاجه بعدين ادهني فيها وجهك ربع ساعه بعدين غسليه فوائدة انه يشد المسامات الي تتميز بها البشره الدهنيه وتعطي صفاء ونقاء للوجه وتحلي المكياج وتخلي البشره حلوة ملاحظة الخلطة لما تبرد بتصير جامدة لما تبين تستخدمينها خوذي شوي منها ودفيها بيدك وادهني وجهك فيها )

في يوم المناسبة اول ماتقومين من النوم بعد ماتغسلين وجهك حطي الماسك الي كتبت طريقته فوق

بعد كيذا قبل المكياج قشري وجهك بإستخدام صنفرة خاصة بالوجه وضعي الماسك السابق ذكرة وفي

الختام امسحي وجهك بقالب ثلج مسحه خفيفة وعلى السريع عشان ماترهقين بشرة وجهك وفي

النهايه ضعي المرطب الخاص ببشرتك بشرط يكون خالي من الزيت

وضعي المكياج وتمتعي ببشرة صافيه مشرقة بإذن الله

والي تستفيد لا تبخل علي بدعوه صادقه لعل ربي يسهل اموري وأمور كل مسلم

وبس سلامتك

مشكوووووووووووووووووووووو ره
وبارك الله فيك وجعله فى ميزان حسناتك

[align=center][tabletext="width:70%;"][cell="filter:;"][align=center]أنا ما باقي جربت

لكن جزاك الله خير مقدما وسهل لك كل أمورك يااااارب

وشكرا من أعماقي لجهودك [/align][/cell][/tabletext][/align]