منتديات شبكة حياة - بطريقه سهله عمل ارفف من علب الكرتون القديم , استفيدى من علب الكرتون القديمه

بطريقه سهله عمل ارفف من علب الكرتون القديم , بطريقه سهله عمل ارفف من علب الكرتون القديم , بطريقه سهله عمل ارفف من علب الكرتون القديم , بطريقه سهله عمل ارفف من علب الكرتون القديم , بطريقه سهله عمل ارفف من علب الكرتون القديم اضغط هنا وأنشر الموضوع على صفحتك

الادوات:-
كرتونة كبيرة بتاعه الشفاط او المروحة اى شئ

http://www.hayah.cc/forum/imgcache/193882.png

كاتر او مقص كبير
غرا ابيض (نشا ابيض)
الاسطوانة الكرتون الى جوا الورق الفويل (الالومنيوم)او مناديل ورق المطبخ الكبيرة مش الصغيرة
كراتين مش عاوزنها احجام مختلفة على حسب الحاجة علشان الارفف

http://sphotos.ak.fbcdn.net/hphotos-..._6663461_n.jpg

كرتونة صغيرة مستطيلة انا استخدمت علبة النسكويك
قلم ومسطرة

http://sphotos.ak.fbcdn.net/hphotos-...1_972472_n.jpg

قطعه فلين كانت عندى بالشكل دة

http://sphotos.ak.fbcdn.net/hphotos-..._6028629_n.jpg

ورق عادى
سبراى دوكو لون يعنى اى لون تحبوه
قلم ماركر اسود
لون اغمق من الى هاتستخدموة او اى لون تانى تحبوه

نقول الطريقة بقى ونبطل نحكى كتير

يلا نبتدى

الاول نهيأ الكرتونة انها تكون بيت ظريف طبعا من فوق هاتكون زى البيوت الامريكان مثلثة كدة تظبطى طرفين غطاء الكرتونة على بعض وتقصى الجانبين التانيين على قدهم طبعا انا حبيت اعمل ارتفاع علشان استغل مساحة اكبر من مساحة الكرتونة

http://sphotos.ak.fbcdn.net/hphotos-..._1741302_n.jpg

ونقص الجزء الى قدام علشان نعرف نفتحها نخلى بالنا اننا مانقطعهاش كلها من 3 جهات بس ومش من على الحرف جهه واحدة بس هى الى على الحرف الجهة الى تحت بس
ونبدأ نقص رف على قد الكرتونة من الكراتين الى موجودة لو طولها اصغر من الكرتونة الكبيرة ممكن تحطوا 2 متساويين قصاد بعض وتلزقوهم من النص انا عملت 4 قد بعض ولزقتهم علشان تكون تخينة وجامدة ومن قدام حطيت مستطيلين صغيرين من الكرتون علشان يمسكو الكتب وماتتزحلقش دة كان النص الى فوق من الكرتونة اما النص الى تحت عملت ارفف راسية جزأت بيها الجزء الى تحت ل3 اجزاء ومنهم جزء جزأتة افقيا لاتنين رف ودرج والمكانين التانيين واحد للمج وليه باب لوحدة علشان لو عاوزة افتح بس للمج بدل مافتح كل دى علشان احطة او اشيلة

http://sphotos.ak.fbcdn.net/hphotos-..._6341736_n.jpg

http://sphotos.ak.fbcdn.net/hphotos-..._1488580_n.jpg

وقطعة الفل دى للمج كانت عندى بالشكل دة طبعا انتو ممكن تعملوها باديكم وتورونا الابداع

http://sphotos.ak.fbcdn.net/hphotos-..._6028629_n.jpg

بعد ماخلصت القص ابتديت الزق كل رف فى مكانة وطبعا ماننساش مدخنة البيت هى دى الغريبة المقلمة هى مدخنة البيت تخيلو وطبعا معمولة من الاسطوانة الكرتون بتاعه المناديل ومن جواها كرتونة مقصوصة على ادها ودخلتها زنقتها من جوة او ممكن فل علشان الاقلام ماتقعش وتبقى بالطول المناسب
بس جمعت كل دة وبقى الشكل قبل النهائى

http://sphotos.ak.fbcdn.net/hphotos-..._6680743_n.jpg

http://sphotos.ak.fbcdn.net/hphotos-..._6341736_n.jpg

http://sphotos.ak.fbcdn.net/hphotos-..._4218445_n.jpg

http://sphotos.ak.fbcdn.net/hphotos-..._1488580_n.jpg

الباب الى تحت دة للمج والدرج الى على الشمال للاكسسوارات بتاعتى ودة بعد ماحطيت بعض من حاجاتى فيها والمكتب رايق ومش مكركب

دة بس بحكم الدراسة وقلة الفلوس لسة بقى القبض وكدة فعاوزة اجمد تشجيع واحلى تقييم علشان اكملها
الفلوس قربت يعنى الحمد لله واوريلكم شكلها بعد الفنش النهائى هايكون انى ارشها بسبراى بيج الجزء الى تحت كلة وسطح البيت هايكون بلون تانى اغمق هاعملة بلون زيت بنى محمر والورق هاقطعه مستطيلات اطول حبة من الطول الاصلى واتنيها حبة علشان تكون زى الخشب الى بيتحط على البيوت الامريكانى وبعد ماينشف هاعمل بالماركر الاسود شكل الطوب للبيت وللمدخنة
عاوزة اجمد واحر تشجيع وتقييم علشان انزل صور الفنش انهائى اول مااخلصها

مستنياكوووووووووووو
انغام الاحلام
اتمنى ان الفكرة تعجبكم

اه قبل مانسى علبة النسكويك هى الى بتفكرنى باى شئ عاوزاة بكتب ورقه بالى عاوزة افتكرة وبحطها فيها او عليها وبمسكها بمشبك ورق