منتديات شبكة حياة - تجديد الشعر+التخلص من الرطوبة+ حجم وكثافة

تجديد الشعر+التخلص من الرطوبة+ حجم وكثافة

تجديد الشعر+التخلص من الرطوبة+ حجم وكثافة

بعض التجارب الي اخذتها من النت وجابت نتيجة معي بالإضافة إلى تجربة تفكنا من الرطوبة الي تعدم شعرنا http://www.hayah.cc/forum/imgcache/176171.png

أول شي عندي قناع الحليب الي يعطي لمعان رائع للشعر ويعطي ايضا ليونة خصوصا للشعر الجاف..يعني اذا حسيتي إن شعرك باهت ومافيه حياة ومقصف جربي هالقناع البسيط ..

القناع الثاني يعتبر مكيف عميق للشعر ويحمينا بإذن الله من تأثيرات الحرارة على الشعر ..يعني هالقناع مرمم ومكيف للشعر لأن زيت الزيتون معروف بخواصه العلاجية في معالجة الشعر من الجذور..

الحين جا دور التسريحة

هالمرة جبتلكم تسريحة الويفي الي تعطي حجم للشعر الخفيف بس لازم تتبعين الخطوات ومع تطبيقها بتصير سهلة ..والله أنا كل يوم اسويها بالدوام وماتاخذ 10 دقائق رغم إني واجهت صعوبة أول مابديت اطبقها

الأدوات الي راح نحتاجها

فرشاة شعر يستحسن تكون زي الي بالصورة وممكن اي فرشاة تنفع عادي.

فير وافضل شي العريض وفيه عدة ماركات ولازم يكون شغال قبل لاتبدئين عشان يسخن زين

سبراي ..وأنا افضل هالنوعية من غارنييه وفيه لوريال وويلا عندهم نوعيات كويسة اختاري مكتوب عليه سترونق هولدينغ يعني تثبيت قوي http://www.hayah.cc/forum/imgcache/176172.png

نبدأ

الخطوات في الصورة الأولى

1- هذي صورة التسريحة الي راح تحصلين عليها

2- نبدأ بتقسيم الشعر بالطريقة الي تريحنا وبالصورة تقريبا أفضل طريقة

3- نقسم الشعر بنفس الطريقة من الأمام

4- نبدأ بأخذ خصل بهذا الحجم..يعني رفيعة نوعا ما ..مو رفيعة مرة http://www.hayah.cc/forum/imgcache/176173.png كل ماكانت رفيعة كل ماحصلتي حجم اكبر..وبالصورة مناسب جدا

5- نبدأ باستخدام الفرشاة بنفس طريقة المشاغل يعني امشط الشعر عكس بس مااشده قوة..امشطه من نص الخصلة إلين الجذور..الي هي نسميها الحشو.

6- نفس الخطوة السابقة.

7- بس نخلص من المشط نبخ بخة مثبت ويستحسن يكون قوي مثل غارنييه ..والبخ يكون ع الجذور

8- نجيب الفير ونبدأ بلف الخصلة بنفس الطريقة بالصورة ..أنا اعد للعشرين وبعدين افك الفير..

9و10 - نبدأ بالتطبيق على الخصل الأمامية وإن حبيتي بس تسرمكينهم بالسيراميك أو بالسشوار عادي

اخر شي تمسحين شعرك بالفرشاة بسرعة عشان يترتب اذا فيه اجزاء طايرة وبخة مثبت وانتهينا..

الحين طبعا براءة اختراع http://www.hayah.cc/forum/imgcache/176174.png

يمكن بعضكم يعرف الطريقة بس أنا والله توني عرفتها

كلنا نعاني من الرطوبة والحر والعرق وتأثيرهم ع الشعر يعني بعد ماتستشورين وتحرقين شعراتك مايمديكي توصلين مكان المناسبة الا يخرب شعرك وتنقهرين أنا صراحة اعاني معاناة من هالشي وحاولت كل شي تتوقعونه وماااااااانفع..
أختي نصحتها وحدة إنها تستخدم فضفاض http://www.hayah.cc/forum/imgcache/176175.png حق الملابس

يعني اذا خايفة من تأثيره لاتبخينه ع الجذور بخيه بس ع الشعر وشوفي النتيجة

أووووووووول مررررررررررررة شعورنا بقت ناعمة ومانفشت طول اليوم...وتراه زي السبراي ..

أكيد انه له تأثيرات ع الشعر بس والله مرتاحين معه للحين http://www.hayah.cc/forum/imgcache/176174.png

أول ماتخلص المناسبة على طول غسلي شعرك وزيتيه عشان مايتضرر اذا كنتي خايفة منه..وترا الفرد بأنواه اخطر من فضفاض خصوصا الكيراتين وغيره..