العودة   منتديات شبكة حياة > حياتك > ديكور و اثاث صور ديكور صور اثاث Decor and Furniture

تجديد غرفتي موضوع مميز بالصور والخطوات

تجديد غرفتي موضوع مميز بالصور والخطوات لسلام عليكم =) بما اني دوبي تخرجت والحمد لله ^.^ ولازال البحث جاري عن وظيفة... حبيت أزبرق غرفتي الخاصة

ديكور و اثاث صور ديكور صور اثاث Decor and Furniture

إضافة رد
 
أدوات الموضوع انواع عرض الموضوع
قديم 04-10-2013, 07:42 AM   المشاركة رقم: 1
الصورة الرمزية
الصورة الرمزية لولو
الكاتبة:
اللقب:
مشاركة نشطة
عرض البوم صور لولو  
معلومات العضوة

التسجيل: 14-3-2013
العضوية: 353
المشاركات: 145
بمعدل : 0.03 يوميا
معدل التقييم:

الحالة:
لولو غير متواجد حالياً

مميز

تجديد غرفتي موضوع مميز بالصور والخطوات




تجديد غرفتي موضوع مميز بالصور والخطوات 168950.png

لسلام عليكم =)

بما اني دوبي تخرجت والحمد لله ^.^ ولازال البحث جاري عن وظيفة...

حبيت أزبرق غرفتي الخاصة للشغل..وجمعة البنات..

هي مو غرفة بالمعنى الصحيح قد ماتكون مستودع...

تقريبا هي بالدور الثالث...ومن نقلنا للبيت محد فضي لها ...الكل كان مشغول بالبيت وتأثيثه

إخترتها كغرفة اضافية لي...للشغل..>> الأخت لما تشتغل لازم بيت خاص = )

حطيت فيها كل شي زايد بالبيت ..

مكتب + سرير + كنب + مكتب + مكيرويف + لحف ومفارش أسّره زايدة..

تجديد غرفتي موضوع مميز بالصور والخطوات 168951.png

اغلب الاشياء اللي فيها كانت في بيتنا الأول...ولا حبيتها ترمي ...

تجديد غرفتي موضوع مميز بالصور والخطوات 168952.png

بس وضع الغرفة كان يحزن ..أطلع وقت شغلي على الكمبيوتر أو على الأعمال الفنية و بقية اليوم لا ..

لأنها بصراحة كانت تكسر خاطر كل شي فيها ( شغل مشي الحال )

تجديد غرفتي موضوع مميز بالصور والخطوات 168953.png


فقررت أنه اسوي لها إعادة تجديد وتغيير ....بنفسي..


بس المشكلة وين؟؟


المشكلة انه عندي حساسية وأمي كمان وأخوي وأبوي عندهم ربو ... يعني الوضع مرة مايمشي

دورت وسالت وحصلت نوعيه بويه مناسبة للأشخاص اللي مثلنا ..

رحت دهانات الجزيزة وطلبت منهم بويه ( بلاستيك ) وهي بويه خاصة بدون أي رائحة وميزتها تنشف في خلال 3 ساعات وأقل..

شريت الأغراض منها ..ورجعت للبيت وكأني من العمال ^.^


راح اقسم الطلبات على 3 مراحل ..على أساس توضح الصورة


المرحلة الأولى :

1- علبتين بويه .. النوع : بلاستك أبيض بدون لمعه ( دهانات الجزيرة )

2- بلاستك للأرضية والأثاث + 2 فرشاة رول + تيب ورقي+ سطل ((دلو)) بويه فاضي ( من محلات متخصصة بأعمال البناء )

3- مقص ( من شنطة امي للخياطة ههههههه )

تجديد غرفتي موضوع مميز بالصور والخطوات 168954.png


ملاحظة : البوية سعرها بـ 45 ريال العلبة والحدة فيها تقريبا 3,5 لتر - ضروري بدون لمعة لأنها بتكون البيس او الأساس تبع الشغل كله.

رول البوية مع العصا راح يكلف 10 ريال.

رول البلاستيك أخذت 10 حبات بـ53 ريال .

مجموع الأغرض بـ 153 ريال

طريقة العمل :

تجديد غرفتي موضوع مميز بالصور والخطوات 168955.png

عزلت الغرفة إلا من هالمكتب لأنه ثقيل تجديد غرفتي موضوع مميز بالصور والخطوات 168956.png


تجديد غرفتي موضوع مميز بالصور والخطوات 168957.png

فرشت البلاستك على الارضية بالكامل بالإضافة إلى المكتب .

ملاحظة : كل رول بلاستك يكفي 4 امتار عرضين (( حسيت نفسي بمحل أقمشة ))


بدأت بالمكيف لأنه مضايقني كثير ...

تجديد غرفتي موضوع مميز بالصور والخطوات 168958.png

ولأن ماعندي العجين الخاص به ...فقررت أسويه بالمتوفر عندي وهو الجبس

تجديد غرفتي موضوع مميز بالصور والخطوات 168959.png

خلطت ملعقتين كبار من الجبس بربع كاس مويه ..( كل ماكن ثقيل خففي بالمويه حتى يسير مثل عجينية الكيك بس أثقل شوي )
>>>> مرة محل أقمشة ومرة مطبخ ...تجديد غرفتي موضوع مميز بالصور والخطوات 168960.png



نشف الجبس في ساعة..

بدأت في البويه ..ولها مقادير

تجديد غرفتي موضوع مميز بالصور والخطوات 168961.png

كبيت البوية بالسطل الكبير ..وعلبة البوية عبيتها مويه لحد الربع فقط ...

وبدأت بالتحريك حتى تتجانس البوية مع الماء (( زيدي المويه اذا كانت ثقيله مرة ))

وبدأت أصبغ الغرفة تقريبا اخذت معي علبة وحده من البوية البيضاء وزاد كمان ..

تجديد غرفتي موضوع مميز بالصور والخطوات 168962.png

ملاحظة : حجم الغرفة 3,5 * 5 والعلبة تحتوي على 3,5 لتر .

رحت النهار الثاني اجيب بقية الألوان اللي أبيها للغرفة بما أني خلصت الاساس الابيض وهو اهم شي لثبات ووضوح اللون ..

اخترت 3 ألوان من ألوان الباستيل ..من دهانات الجزيرة

درجة الخربزي الفاتح - درجة التركواز الفاتح - درجة الليموني الفاتح ..

كل علبة فيها 3,5 لتر الصنف بلاستك نصف لمعه ..من كل لون حددته اخذت علبة وحدة..

تجديد غرفتي موضوع مميز بالصور والخطوات 168963.png

والفترة ذي سويت دعوة لصاحباتي تجديد غرفتي موضوع مميز بالصور والخطوات 168964.png عشان يجون يساعدوني ...

من العصر لحد 10 ونص واحنا نصبغ ونلعب بالبوية ..

تجديد غرفتي موضوع مميز بالصور والخطوات 168965.png

طبعا زي ما تشوفون مافي شي واضح.. النهار الثاني جيت اشوف الغرفة وأصبت بإحباااااط

ملاحظة : إذا جيتوا تاخذون لون من الكتالوج اختاروا لون اغمق من الدرجة اللي تبونها لأن اللون الفاتح مايبااان تجديد غرفتي موضوع مميز بالصور والخطوات 168966.png

الألوان كاني ألعب على عمري ...مافي شي واضح...وصعبة أروح اشتري علب من جديد لأن بيني وبين ابوي رهان انه اغراضي ما تكلفني 500 ريال... وباقي عندي شغلات كثير ابيها للغرفة ..

طيب والحل؟؟؟؟

رحت لجرير واخذت ألوان تذوب في المويه ( لأن البويه اللي عندي اخففها بالموية ) وطول الوقت خايفة انه شغلي يسير ( خربطيشن ) اجي اكحلها اعميها ..

ركزت انه الالوان تحتمل الجو الخارجي ..

أخذت برتقالي صارخ + فوشي فسفوري + أحمر + ليموني +بنفسجي.

تجديد غرفتي موضوع مميز بالصور والخطوات 168967.png

وبدأت بالخلط لحد ما حصلت على الدرجة اللي ابيها ..اخذت لون البوية الخربزي وزودت عليه لحد ما حصلت على الدرجة اللي ابيها في كل الألوان ..

تجديد غرفتي موضوع مميز بالصور والخطوات 168968.png

الفرق واضح بين اللونين ..

تجديد غرفتي موضوع مميز بالصور والخطوات 168969.png

بدأت بطبقة وحدة ...واستنيت حتى تجف البويه ..وبدأت بالثانية عشان اللون يكون مركز وواضح..

تجديد غرفتي موضوع مميز بالصور والخطوات 168970.png

بدات بصبغ الباب ..

ولاتغلطوا غلطتي وتصبغوا الباب بنفس البويه ..

تجديد غرفتي موضوع مميز بالصور والخطوات 168971.png

اولا بدات باللون الأبيض كاساس ..

وبدأت باللون الخربزي ...الوجه الاول ...الوجه الثاني ....الوجه العااااااشر!!!!

تجديد غرفتي موضوع مميز بالصور والخطوات 168972.png

البويه مخصصه للجدار ...ولا تناسب الخشب ولأنها محلوله بمويه بدات ملامح الباب تتغير شي تنفخ وشي طلع من مكانه ..تجديد غرفتي موضوع مميز بالصور والخطوات 168973.png

رحت وشريت بخاخ بويه ( سعره 5 ريال ) اخذت 4 علب للباب كفتني علبتين والعلبة الثالثة كانت
فقط للرتوش ..

تجديد غرفتي موضوع مميز بالصور والخطوات 168974.png

خلطت اللون البنفسجي مع البوية البيضاء اللي زاد من العلب الاولى .. اخذت ربع ملعقة لون بنفسجي مع نص لتر بوية بيضاء طلع لي هاللون الدميييل ...تجديد غرفتي موضوع مميز بالصور والخطوات 168975.png

أخذت ورنيش بخاخ ( لأن العادي راح يطول على بال ما يجف وكمان ريحته قويه = ( للأسف )

سعر الورنيش البخاخ في ساكو ب 50 ريال في مكتبة عادية ب 5 ريال ... اتوقع الفرق واضح ...

كفتني 3 علب ورنيش للباب ...لأنه متعرض للمس كثير فالبويه البلاستك تمسك اي بقع..وهذا عيبها ..




بما ان الفرشاه اللي استخدمتها رول..سهلت علي أمر الدهان بس كانت في مشكلة وهي الزوايا..والجزء العلوي والسفلي من الجدار..

كانت في مسافة اربع او 5 سـم من كل جهه من اسفل او اعلى مافيها بويه لأن الرول مايوصل لها فاستخدمت فرشاة ناعمه جدا لتعديل الوضع

ملاحظة : ابتعدي عن الفرشاة الخشنة لانها بتبقي خطوط بشعة لما تجف البوية..

تجديد غرفتي موضوع مميز بالصور والخطوات 168976.png

بما ان الغرفة لجمعه البنات ...وتبع شغلي ووقت روقاني ...فحبيت انه اضيف لها طابع خاص ..

المرحلة الثانية :

1- غراء خشب أبيض ( مكتبة الشرق بـ 10 ريال العلبة الكبيرة )

2- لمعه (glitter) أبيض.
(دخت السبع دوخات عشان احصله في كل مكتبة وبالاخير حصلته بمحلات ابو ريالين ..سعر العلبة الصغيرة 2 ريال )أخذت 25 علبة بـ 50 ريال.

3- مويه + فرشاة رسم عريضة + علبة للخلط + بلاستر ( تيب ) .

تجديد غرفتي موضوع مميز بالصور والخطوات 168977.png

الخطوة الأولى :

علبة الخلط تعبأ بغراء الخشب حتى النصف وربع الكمية ماء ..يتم الخلط حتى يتجانس الغراء مع الماء.

تجديد غرفتي موضوع مميز بالصور والخطوات 168978.png

الخطوة الثانية :

ثبت التيب ( البلاستر ) على اركان الغرفة وبدأت بتمرير الغراء في المنطقة المحددة ونفخ الـglitter عليها...

تنبيه : حاولي تغطي عيونك بنظارات خاصة ..وانزعي التيب اول ما تخلصي من كل ركن عشان الغراء ما يجف على التيب ..

تجديد غرفتي موضوع مميز بالصور والخطوات 168979.png

النتيجة اعجبتني وحبيت ازيد كمان فزودت بشكل عشوائي بدون تيب وطلع أحلى ..وأوضح ..

بس النتيجة اللي حصلتها عليها انه من راسي لرجولي كنت المع ...تجديد غرفتي موضوع مميز بالصور والخطوات 168966.png

النهار الثاني بدأت بالشغل الفني للغرفة ...تنظيف الارضية بالتنر ..ومسح اطراف السيراميك بالتنر..

وكنس وتعفيش...بس غفلت عن شي ...

تجديد غرفتي موضوع مميز بالصور والخطوات 168980.png

وهو المكيف ...


رحت لمكتبة الشرق وأخذت لي فلين بني( اعتقد اسمه كذا ) خاص بتعليق الاوراق..

وبقية اغراضي اللي محتاجتها من اوراق ودبابيس وغيرة ..

تجديد غرفتي موضوع مميز بالصور والخطوات 168981.png

أخذت برواز للمكيف زايد بالمستودع وبدات القياسات عليه..

تجديد غرفتي موضوع مميز بالصور والخطوات 168982.png

وقصيت الفلين بالحجم المطلوب .. جربت الفلين على الجدار طلع ازمة اللون ماعجبني ..

وقعدت افتش باغراضي وحصلت عندي بخاخ قلتر بنفسجي غامق..
من زمان شريته من مكتبة الشرق سعره كان بـ20ريال

تجديد غرفتي موضوع مميز بالصور والخطوات 168983.png

كفتني علبتين من البخاخ ..وبالبركة كمان .

تجديد غرفتي موضوع مميز بالصور والخطوات 168984.png

وبدات اركبها بغراء المسدس.. (( بنات جربوا قبل ما تبدأون لان بعض الفلين يتآكل بالغراء الحار ))

تجديد غرفتي موضوع مميز بالصور والخطوات 168985.png

بس في منطقة مسببه لي ازمة ومازبطت..فقصيت الفلين بحجمها بالضبط ..

تجديد غرفتي موضوع مميز بالصور والخطوات 168986.png

الاسلاك تبع الرسيفر خليتها خلف القطعة مع اسلاك المكيف ..

تجديد غرفتي موضوع مميز بالصور والخطوات 168987.png

اللون كان حلو في البداية بس لما جف..اللون تبع القطعة الإضافية صاير كانه مبقع = (

لكل مشكلة لها حل ...

اخذت غراء الخشب بعد ما خففته بمويه ودهنت القطعه ونفخت عليها قلتر فضي من زمان عندي ..

تجديد غرفتي موضوع مميز بالصور والخطوات 168988.png

ملاحظة :عن القلتر ..يفضل استخدام الناعم..لأنه يعطي تأثير جميل...

الآن بالنسبة للأسلاك وطريقة اخفائها...كانت ممتعه بالنسبة لي ^.^

هالشي الجميل اخذنا من ساكو ايام النقل تقريبا سعره بـ35 او 38 ريال...

طول القطعه متر واحد وكل كيس فيه 3 قطع..


امسحي المكان اللي حتحطيها فيه بقطعه قماش فيها كحول معقم ( انا استخدمت مويه بس تجديد غرفتي موضوع مميز بالصور والخطوات 168989.png)

قصيها بحسب الأطوال المناسبة لك ..وازيلي القطعه الخلفية وثبتيها ...

تجديد غرفتي موضوع مميز بالصور والخطوات 168990.png
ودخلي الاسلاك في وسطها ..

ولا أسهل ولا اجمل ...في لونين منها للأسف فيه الابيض وفيه البني الغامق..







مواضيع قد تعجبك:


رد مع اقتباس
جديد المواضيع في قسم ديكور و اثاث صور ديكور صور اثاث Decor and Furniture

قديم 04-10-2013, 07:45 AM   المشاركة رقم: 2

معلومات العضوة
الكاتبة:
اللقب:
مشاركة نشطة


افتراضي


بما اني مااحب اتحرك كثير وقت شغلي ..فاحب كل شي حولي وقت مااشتغل ..وكل شي عندي له مكانه المخصص ..

علقت الاوراق حقتي والسبورة + الستيكي نوت + المغناطيس التعبيري ( مرة يعجبني )

استغليت وحده من علب القلتر وعبيتها مشابك ورق ولصقت فيها مغناطيس عشان تثبت في السبورة

ولاتضايقني على المكتب ..


قطع المغناطيس اخذتها من مكتبة الشرق تقريبا سعرها بـ 5 ريال مو متذكرة بالضبط .


مكتبي الصغير خلص..

وبكذا خلصت الغرفة..ركبت ستاير دانتيل اخذتها من ايكيا ب 29 ريال ...

استغرق شغلي كله 6 ايام بالضبط ..كان بينها كم يوم راحة..









هنا بالزاوية ذي حابة اسوي لي مطبخ صغيروني..احط فيه الميكرويف الزايد وغلاية مويه كمان وعدة الكوفي تبعي حق الروقان ..

واول مااسويها راح انزل صوره بإذن الله ..





رد مع اقتباس
قديم 04-10-2013, 07:47 AM   المشاركة رقم: 3

معلومات العضوة
الكاتبة:
اللقب:
مشاركة نشطة


افتراضي تابع





نصيحة..

لاتخافوا تجربوا اي شي..الفن والابداع..اعتبره مغامرة..جربت وخبصت وعدلت وبالاخير النتيجة اعجبتني واستمتعت فيها ..


المرحلة الثالثة والأخيرة :

وهي من اهم المراحل في نظري ..ولو هي مو موجودة ماكان قدرت اكمل شغلي بشكل متواصل.


الدهن الازرق تبع العضلات من البقالة الاندنوسية ..

تنبية بنات ريحته لاتطااااق..بس ادهني منه على يديك وذراعك..وظهرك واكتافك...وبعد ساعتين اخذي لك مغطس حااار..

المغطس ذوبي فيه املاح ابوساكي ( اخذتها من دايسو ) بـ 7 او 10 مو متذكرة من زمان ..

بس تقدري تستغني عنها بملح الحجر..ربع كوب ملح حجر..


السبب في إستخدامي للأشياء ذي...في كل يوم اشتغل فيه ..

لأني أبذل جهد فوق طاقتي العادية ..والدهن بالاضافة إلى المغطس راح يساعد في استرخاء العضلات المجهدة و والتخفيف من تجمع حمض اللاكتيك في العضلات ..

اللي يسبب ألم بعد اي مجهود عضلي ..


وبالاخير.استمتعت بطرح تجربتي في عالمي الثاني (حياه )

شكـــراً لـــــكم...




منقول ,,





رد مع اقتباس

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO