04-09-2013, 10:06 AM | المشاركة رقم: 1 | |||||||||||||||||||||||||||
| ||||||||||||||||||||||||||||
شقتي الجديده تجنن بأثاث عصري لايفوتكمرحبا..~ حيهم حيهم ..ارحبوا لبا قلوبكم ..واخيرا مثل مانتوا شايفين قدرت انزل الموضع اللي صارلي 3شهور من سكنت في بيتي الجديد وانا احضرله .. بسم الله نبتدي ... تفضلوا >>> بيتي عباره عن دور واحد كامل يعني مو بيت نقدر نقول شقه كبيره ~ اول شي سموا بسم الله ومدو ايدكم ... هذي الاستقبال الوانها شوي رسميه وكان ذوق الماما وام زوجي الان شافوا شقتي كلها شلون صممتها انا وزوجي قالو لالالا تمسكون شي تفضحونا خلوها علينا هههههههه هي طبعا مواجهه للمدخل هذا هذا ورق جدران من الصيرفي حلو شكله واحس حلا المكان وعطاه فخامه وربط بين المدخل وصاله الان الباب علي طول يدخل للصاله~ ويم المدخل فيه حمام الضيوف تكرمون باين مدخله علي هدب احمر ومبينه المغاسل وبعدين نجي عاد لـ ممر يودي لصالة المعيشه والبيت كامل ..~ ***************************** طبعا البيت كامل اضاءته غير عن اضاءة الاستقبال اخف شوي .. غرفة المعيشه حبيت تكون هاديه مافيها شغل واجد والوانها رايقه حبيت يكون صبغ الطوفه بلون الاخضر عشان ينور المكان الان الاثاث ابيض واذا كانت طوفه بعد ابيض بيطلع مو حلو... واللون الاخضر معروف يهدي الاعصاب ويعطي تفائل ..وصالة المعيشه معروفه ان اكثر اليوم نقضيه فيها ويبيلنا ريلاكس..~ غرفة الطعام من تصميم زوجي >>>لازم اذكر كل التفاصيل الان حقوق التصميم محفوظه عشان مابخس حق احد ...ابوك ياضمير ههههههههههه خليت غرفة الطعام له يحب الستايل الاوربي والريفي تحديدا وده يعيش بكوخ بالريف خخخخ وحاولنا كثر مانقدر نلبي هالرغبه ..~ كان يبي يحط الطوف كلها بالكامل حجر ..رفضت بحكم ان المساحه شوي صغيره وبنختار اثاث بلون خشبي راح يصير المكان كتمه .. قلت نسويها نص الجدار اللي تحت بس ..~ اهم شي لوحة الكافيه ...coffee open كل من شافها من رفيجاتي ولا اهلنا سال عنها ..~ غرفة طعام تطل علي المطبخ مفتوحه عليها ...مبين بصوره علي اليسار ..~ المطبخ ...~ المطبخ اااه يالمطبخ بدينا فيه من قبل الرمضان يعني سلمنا التصميم للشركه علي اسا شهرين بالكثير يكون جاهز للاسف خذا 4 شهور ونص يعني سكنا البيت والمطبخ ماخلص اسبوع يالله خلص وراها ..مادري شنبي ولا شطالبين منهم يعني شي معقول وعادي جدا..~ لاحد يعلق علي الجدر والبلاوي اللي مو مرتبه الان صورت بسرعه بسرعه مطبخي المرتب هو مو خشب !! المنيوم بس مصبوغ بلون الخشب الطبيعي الان خشب طبيعي ورطوبه والحر ماتوقع بيعمري عندنا .. معاه مايكرويف وشوايه مابغوا يخلصون المطبخ الي الان مو مصدقه ****************************************** مواضيع قد تعجبك:
| ||||||||||||||||||||||||||||
جديد المواضيع في قسم ديكور و اثاث صور ديكور صور اثاث Decor and Furniture |
|
04-09-2013, 10:20 AM | المشاركة رقم: 2 | ||||||
| الحمامات ..~ تكرمون بعرض بس حمامين حمام غرفة النوم وحمام اللي تبع صالة الاستقبال الثالث سويته اصفر وبنفسجي بس للاسف خلصت الاحجار البنفسجيهوماقدرت اكمله والي الان فاضي انطر طلبيه تجي ..بس اول مايوصل واسويه اكيد اكيد بنزله بموضوع هني .. حمام الضيوف يفتقر الي الاكسسوار مالقيت لون احمر يعجبني فصورته لكم وهو عريان يعني بدون اكسسوار الحمام بسيط بس فكرته بالمغسله وللاسف مو باينه حيل بتصوير الانها شوي لماعه الاحجار هذي ...~ ان شالله مع الاكسسوار بتطلع وتبين ..~ حمامي ..~ فديتني انا عندي نقطه احب اوضحها دايم نهتم بغرف الاستقبال وحمام ضيوف اكثر من شغلنا يعني حرام حتي لو كنا نعزوم ناس دايما ماتوقع يوميا الا اذا كنتي مرشحه نفسج لانتخابات ولا عندج مشغل هع هع يعني انتي اولي منهم وانا صراحه صحيح مكلفه بحمام الضيوف يعني المغسله تبع الاحجار كلفتني مع بورسلان الحمام 600دك بس حمامي غير خليته مثل مانا ابي واتحلم فيه طول عمري ان يصير عندي حمام مثل هذا المغسله تذكرني بالاميرات الفرنسيات قبل شلون كانت تسريحاتهم اول ماشفتها قلت ابيها حتي وقتها كنا خلاص استنفزنا كل ماعندنا من اموال قلت مالي شغل هههههههه طبعا هذا مو ورق جدران هذا بورسلان ايطالي شكله مثل دانتيل وفيه زري تعرفون عطر mid night rainنفس شكله ولمعته ملونه .. الحمام مو كله بورسلان ملون لا انا حطيت فيه رتوش بسيطه من كل صوب غرف النوم..~ فديتها بنتي غرفتها ماعجبني صبغها بس هي اختارته شافته ب IKEA وقالت يبه ابي بيت سندريلا الاخت تحسب نفسها سندريلا ..~ وطبعا لازم TV وDVD PLAYER بس شدعوه تشوفه ولا تقعد عنده كله مناشبتني بصاله *************************** غرفتي النوم...~ غرفتي نوم كانت صدمه لكل من جا بيتي اولا مو نفس الاستايل اللي متعودينه يعني متعودين اي غرفة نوم لوحده متزوجه لازم تكون فخمه كلاسيك وزحمه تفاصيل ..~ انا لا كانت من كل بستان زهره مو كامله يعني ماشريتها كامله لا انا ركبتها اول شي بدون كبت الكبت بغرفة الملابس بس مافي صور الانها مرقعه >>انتي ياغرفة الملابس الوحيده اللي شافتها RANDA نرد لغرفة النوم ارضيه باركيه او وايت وصبغ الغرفه رمادي .. طابعها تحسين غالب عليه اللون الذكوري بس انا بغيته جذي مليت من الذهبي والعنابي والالوان الفاتحه .. افكر احط ورق جدران ورا سرير او اصبغه لون ثاني ..~ طبعا باقي كرسيين بحطهم بالغرفه وباقي اشياء واجد بس حبه حبه ..~ وبس...احب اشكر بالنهايه ..شيري حبيبة قلبي علي تعبها معاي والصور من تعديلها واشكر ارتوسه علي روحها الحلوه وحسيتها صج ودها تساعدني ..~ ~..تنويه..~: بيتي ماكمل ياقي مثل ماقلت قبل الاكسسوار واي شي تبون تنصحوني فيه ولا مو اجبكم صدري رحب ياليت تنصحوني باي شي .. واي وحده تبي تسال عن اي شي حياها تسال اللي تبيه..~ ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,و مـــآ ورآاآاء الـكــوآآآليس..~ من كثر ماحوس بالبيت قبل لانسكن والعمال كانوا شغالين قلت ليش ماصورهم طبعا لاتشوفون وجيهم علامات الاستغراب ..مع الابتسامه بدايه بشاحنه واخيرا جت وبتدي الشغل الة ..~ هني وهم يركبون باركيه غرفة النوم.. وبس خلاص شطبنا ..~ منقول | ||||||
04-09-2013, 04:05 PM | المشاركة رقم: 3 | ||||||
| ماشاء الله تبارك الله روووووووووووعه تتهني فيه ذوووووووقك راااااااقي | ||||||
04-13-2013, 04:26 PM | المشاركة رقم: 4 | ||||||
| ياهلا بك يانجاوي انتي الروعه بمرورك بضموضوعي ياهلا بك نورتي | ||||||
الكلمات الدلالية (Tags) |
الجديده , بأثاث , تجنن , شقتي , عصري , لايفوتك |
أدوات الموضوع | |
انواع عرض الموضوع | |
|