http://www.hayah.cc/forum/imgcache/168570.png

مرحبا..~

حيهم حيهم ..ارحبوا لبا قلوبكم ..واخيرا مثل مانتوا شايفين قدرت انزل الموضع اللي صارلي 3شهور من سكنت في بيتي الجديد وانا احضرله ..


بسم الله نبتدي ... تفضلوا >>> بيتي عباره عن دور واحد كامل يعني مو بيت نقدر نقول شقه كبيره ~




اول شي سموا بسم الله ومدو ايدكم ...




http://www.hayah.cc/forum/imgcache/168571.png


http://www.hayah.cc/forum/imgcache/168572.png



هذي الاستقبال الوانها شوي رسميه وكان ذوق الماما وام زوجي الان شافوا شقتي كلها شلون صممتها انا وزوجي قالو لالالا تمسكون شي تفضحونا خلوها علينا هههههههه

هي طبعا مواجهه للمدخل هذا


http://www.hayah.cc/forum/imgcache/168573.png


هذا ورق جدران من الصيرفي حلو شكله واحس حلا المكان وعطاه فخامه وربط بين المدخل وصاله الان الباب علي طول يدخل للصاله~


http://www.hayah.cc/forum/imgcache/168574.png


http://www.hayah.cc/forum/imgcache/168575.png



ويم المدخل فيه حمام الضيوف تكرمون باين مدخله علي هدب احمر ومبينه المغاسل


http://www.hayah.cc/forum/imgcache/168576.png




وبعدين نجي عاد لـ ممر يودي لصالة المعيشه والبيت كامل ..~


*****************************


طبعا البيت كامل اضاءته غير عن اضاءة الاستقبال اخف شوي ..



http://www.hayah.cc/forum/imgcache/168577.png





غرفة المعيشه حبيت تكون هاديه مافيها شغل واجد والوانها رايقه


http://www.hayah.cc/forum/imgcache/168578.png


http://www.hayah.cc/forum/imgcache/168579.png


حبيت يكون صبغ الطوفه بلون الاخضر عشان ينور المكان الان الاثاث ابيض واذا كانت طوفه بعد ابيض بيطلع مو حلو...

واللون الاخضر معروف يهدي الاعصاب ويعطي تفائل ..وصالة المعيشه معروفه ان اكثر اليوم نقضيه فيها ويبيلنا ريلاكس..~


http://www.hayah.cc/forum/imgcache/168580.png


غرفة الطعام من تصميم زوجي >>>لازم اذكر كل التفاصيل الان حقوق التصميم محفوظه عشان مابخس حق احد ...ابوك ياضمير ههههههههههه

خليت غرفة الطعام له يحب الستايل الاوربي والريفي تحديدا وده يعيش بكوخ بالريف خخخخ

وحاولنا كثر مانقدر نلبي هالرغبه ..~

http://www.hayah.cc/forum/imgcache/168581.png

كان يبي يحط الطوف كلها بالكامل حجر ..رفضت بحكم ان المساحه شوي صغيره وبنختار اثاث بلون خشبي راح يصير المكان كتمه ..

قلت نسويها نص الجدار اللي تحت بس ..~

http://www.hayah.cc/forum/imgcache/168582.png

اهم شي لوحة الكافيه ...coffee open كل من شافها من رفيجاتي ولا اهلنا سال عنها ..~


http://www.hayah.cc/forum/imgcache/168583.png
غرفة طعام تطل علي المطبخ مفتوحه عليها ...مبين بصوره علي اليسار ..~



المطبخ ...~


المطبخ اااه يالمطبخ بدينا فيه من قبل الرمضان يعني سلمنا التصميم للشركه علي اسا شهرين بالكثير يكون جاهز للاسف خذا 4 شهور ونص http://www.hayah.cc/forum/imgcache/168584.png

http://www.hayah.cc/forum/imgcache/168585.png

يعني سكنا البيت والمطبخ ماخلص اسبوع يالله خلص وراها ..مادري شنبي ولا شطالبين منهم يعني شي معقول وعادي جدا..~



http://www.hayah.cc/forum/imgcache/168586.png

لاحد يعلق علي الجدر والبلاوي اللي مو مرتبه الان صورت بسرعه بسرعه http://www.hayah.cc/forum/imgcache/168587.png


http://www.hayah.cc/forum/imgcache/168588.png





http://www.hayah.cc/forum/imgcache/168589.png

مطبخي المرتب http://www.hayah.cc/forum/imgcache/168590.png هو مو خشب !! المنيوم بس مصبوغ بلون الخشب الطبيعي الان خشب طبيعي ورطوبه والحر ماتوقع بيعمري عندنا ..


معاه مايكرويف وشوايه مابغوا يخلصون المطبخ الي الان مو مصدقه http://www.hayah.cc/forum/imgcache/168591.png


******************************************

الحمامات ..~




تكرمون بعرض بس حمامين حمام غرفة النوم وحمام اللي تبع صالة الاستقبال

الثالث سويته اصفر وبنفسجي بس للاسف خلصت الاحجار البنفسجيهhttp://www.hayah.cc/forum/imgcache/168592.pngوماقدرت اكمله والي الان فاضي انطر طلبيه تجي ..بس اول مايوصل واسويه اكيد اكيد بنزله بموضوع هني ..


حمام الضيوف يفتقر الي الاكسسوار مالقيت لون احمر يعجبني فصورته لكم وهو عريان يعني بدون اكسسوار


http://www.hayah.cc/forum/imgcache/168593.png



http://www.hayah.cc/forum/imgcache/168594.png

الحمام بسيط بس فكرته بالمغسله وللاسف مو باينه حيل بتصوير الانها شوي لماعه الاحجار هذي ...~

ان شالله مع الاكسسوار بتطلع وتبين ..~

http://www.hayah.cc/forum/imgcache/168595.png


http://www.hayah.cc/forum/imgcache/168596.png


حمامي ..~

فديتني انا http://www.hayah.cc/forum/imgcache/168597.png عندي نقطه احب اوضحها دايم نهتم بغرف الاستقبال وحمام ضيوف اكثر من شغلنا يعني حرام حتي لو كنا نعزوم ناس دايما ماتوقع يوميا الا اذا كنتي مرشحه نفسج لانتخابات ولا عندج مشغل هع هع

يعني انتي اولي منهم وانا صراحه صحيح مكلفه بحمام الضيوف يعني المغسله تبع الاحجار كلفتني مع بورسلان الحمام 600دك


بس حمامي غير خليته مثل مانا ابي واتحلم فيه طول عمري ان يصير عندي حمام مثل هذا


http://www.hayah.cc/forum/imgcache/168598.png

http://www.hayah.cc/forum/imgcache/168599.png


المغسله تذكرني بالاميرات الفرنسيات قبل شلون كانت تسريحاتهم اول ماشفتها قلت ابيها حتي وقتها كنا خلاص استنفزنا كل ماعندنا من اموال http://www.hayah.cc/forum/imgcache/168600.png

قلت مالي شغل هههههههه

http://www.hayah.cc/forum/imgcache/168601.png

طبعا هذا مو ورق جدران هذا بورسلان ايطالي شكله مثل دانتيل وفيه زري تعرفون عطر mid night rainنفس شكله ولمعته ملونه ..

http://www.hayah.cc/forum/imgcache/168602.png

http://www.hayah.cc/forum/imgcache/168603.png


الحمام مو كله بورسلان ملون لا انا حطيت فيه رتوش بسيطه من كل صوب http://www.hayah.cc/forum/imgcache/168604.png

http://www.hayah.cc/forum/imgcache/168605.png



http://www.hayah.cc/forum/imgcache/168606.png


غرف النوم..~


فديتها بنتي غرفتها ماعجبني صبغها بس هي اختارته شافته ب IKEA وقالت يبه ابي بيت سندريلا http://www.hayah.cc/forum/imgcache/168607.png

الاخت تحسب نفسها سندريلا ..~

http://www.hayah.cc/forum/imgcache/168608.png


http://www.hayah.cc/forum/imgcache/168609.png


وطبعا لازم TV وDVD PLAYER بس شدعوه تشوفه ولا تقعد عنده كله مناشبتني بصاله http://www.hayah.cc/forum/imgcache/168610.png


***************************



غرفتي النوم...~


غرفتي نوم كانت صدمه لكل من جا بيتي اولا مو نفس الاستايل اللي متعودينه يعني متعودين اي غرفة نوم لوحده متزوجه لازم تكون فخمه كلاسيك وزحمه تفاصيل ..~

انا لا كانت من كل بستان زهره مو كامله يعني ماشريتها كامله لا انا ركبتها اول شي بدون كبت الكبت بغرفة الملابس بس مافي صور الانها مرقعه http://www.hayah.cc/forum/imgcache/168611.png>>انتي ياغرفة الملابس الوحيده اللي شافتها RANDA

نرد لغرفة النوم ارضيه باركيه او وايت وصبغ الغرفه رمادي .. طابعها تحسين غالب عليه اللون الذكوري بس انا بغيته جذي مليت من الذهبي والعنابي والالوان الفاتحه ..

http://www.hayah.cc/forum/imgcache/168612.png
افكر احط ورق جدران ورا سرير او اصبغه لون ثاني ..~

طبعا باقي كرسيين بحطهم بالغرفه وباقي اشياء واجد بس حبه حبه ..~
http://www.hayah.cc/forum/imgcache/168613.png












وبس...احب اشكر بالنهايه ..شيري حبيبة قلبي علي تعبها معاي والصور من تعديلها

واشكر ارتوسه علي روحها الحلوه وحسيتها صج ودها تساعدني ..~



~..تنويه..~:

بيتي ماكمل ياقي مثل ماقلت قبل الاكسسوار واي شي تبون تنصحوني فيه ولا مو اجبكم صدري رحب ياليت تنصحوني باي شي ..

واي وحده تبي تسال عن اي شي حياها تسال اللي تبيه..~
http://www.hayah.cc/forum/imgcache/168614.png

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,و



الة ..~


منقول