القهوه العربيه بالخطوات المصوره ..قهوت البر

[شيف حياه]

القهوه العربيه بالخطوات المصوره ..قهوت البر

بســم الله الرحمن الرحيـــم

السلام عليكم ورحمة الله وبركاته ~



حياالله كل من شرفنيونور موضوعي ؛

شخبارحبيباتي الشموائيات


هالموضوع كان من اقتراح ولدي الله يحفظه ,, كنت محتاره في موضوع الفعاليه واغلب وقتي مشغوله فقال ولدي وانتي تسوين قهوتنا صوريها ,, اكيد ما احد شاف قهوتنا قبل فحبيت تشاركوني جلستي على النار وتصليح قهوتنا ..


عاد هالوقت أفضل وقت لشّبة النار والجلسه حولها فأتمنى تلاقون في موضوعي ما يرقى لذائقتكم..



طبعا القهوه لها طرق عديده وخلطات وتركيبات كثيره وكلها تعتمد على الذوق والمزاج وطريقة اعدادها ,,لكن الاساسيات تكون بالغالب زي بعض ..

والقهوة صارت من الضروريات اللي ما يخلو أي بيت منها تقريباً ,, تعتبر رمز الضيافه عند العرب ويحرصون على


وجودها في بيوتهم ,, كانوا يهتمون بها اكثر من توفير الطعام خاصة عند البدو ..


كان البدوي هو اللي يقوم بتحضير القهوة بنفسه ويهتم بإختيار اطيب المكونات ويقوم بنفسه بحمسها والعنايه بها .


كانوا لو ما يأكلون او يشربون لكن الواحد منهم يسوي قهوته ويأكل عليها تمر تكفيه اغلب يومه ..


قلت خليني اسويها لكم على الحطب وللي جربوا قهوة الحطب يحسون بفرق بينها وبين القهوه المحضره على



الغاز وهذا ما يلاحظه الا كييفين القهوة ..





اولا نبدأ بمكونات القهوة الاساسيه :







الــبن ~
وافضل شيء انك تجيبينها خضراء طازجة وتقومين بحمسها بالبيت ( تحميص البن ) بعد تنقيتها ,, وافضل الانواع هي البريه والهرري والخولاني (انا هنا استخدمت اليمنيه ) ,, كثير اشوفهم يشترونها مطحونة جاهزة وتكون خلاص فقدت نكهتها وطعمها المميز ,,اما إذا كانت حمستها طازجة راح تأسرك بريحتها وطعمها ..







الهيل ~



اختاري النوع الجيد والجديد ويبين من لونه الأخظر وحباته الكبيره والغير مفتوحة انا هنا استخدمت الهيل الهندي ..
.




المستكه ~

من الاشياء الأساسيه جدا عندي وما احمس القهوة لو ما كان عندي مستكه ,,

اختاري النوع الزين تجيك حباته كأنه كور صغيره ولونها شفاف كأنها زجاج ,, فيه نوع مقلدين الاصلي يجي حبات اكبر شوي ومسطحه طعمها مر وريحتها بعد استخدامها كأنها بلاستيك محروق ابتعدوا عنها ,,راح نستخدمها في المرحله الاخيره من حمس القهوه ,, وفي تبخير الدله والفناجيل ( ما صورت الخطوه هذي)




الزعفــران


ويعتبر من اغلى البهارات ثمناً,, حاولي تحصلين النوع الجيد وريحته تكون قويه وما يكون احمر مرره لانه يعطي لون مو حلو للقهوة يصيرلونها كأنها شاهي ..




العويدي ( مسمار,قرنفل )~


مو اساسي لكن احب اضيف منه حبات للهيل حلو طعمه في القهوة ..






الشيبه ( الشنّه)~

تعطي ريحه حلوه للقهوة اثناء حمسها وتعطيها طعم حلو ..
.







اللحين بنبدأ نحمس البُن :~

نجيب المحمــاس



.



ونحط فيه كمية البُن اللي تنفع لطبخه وحده تقريبا مليء كف اليد ( انا هنا كثرت عشان توضح معكم )
بعد ما نشب الحطب ننتظر لين يجمّر وناخذ من الجمر على جنب ونبدأ نحمس القهوة لازم تكون يدك
خفيفه عشان ما تنحرق معك نبيها تكون كل حبات القهوه بلون واحد..







في وسط الحمس يعني لمن يبدأ يتغير لون القهوة نحط الشيبه ورقتين صغار تكفي وإذا الورقه كبيره مره وحده تكفي ..
.

يتبع ~

.

مواضيع قد تعجبك:

• سمك هاموووور من مطبخي....روووووعه ..... بالخطوات المصوره
• حلى روعه بالخطوات المصوره
• حذاء للبيبي على شكل سياره بالخطوات المصوره
• تسريحات حديثه بالخطوات المصوره
• سلطة الشاورما بالخطوات المصوره

منتديات شبكة حياة - عصائر و مشروبات

[شيف حياه]

نكمل حبيباتي على ريحة الحطب و النار ودفاها


بعد ما نوصل للون اللي نحبه نضيف حبات المستكه ونرجعها على النار شوي ونقلبها على السريع حتى تذوب حبات المستكه وتغلف حبات القهوة..





وهذا شكلها بعد ما خلصنا وبسرعه نحطها في المبرد انا ما عندي فحطيتها بالنجر ( الهون , المدق , المهباش الاسم اللي يعجبكم ) عشان تبرد ..
احب اوصل لهدرجه من اللون اذا كثرت تغمق القهوة وما يصير لونها حلو بالطبخه .


.








على بال ما تبرد القهوة نحط الماء في الابريق حق القهوه ( ترى هذه عدّة النار والبر يعني لا تدققون في المواعين)


.

ندق القهوه زين لين تصير ناعمه معكم ,, واسمعي نغمات النجر (صجيت جيراننا بدقي )





بعد ما يسخن الماء نضيف القهوة وهنا يتعمد على الذوق ,, بالنسبه لي احب القهوة لا تكون ثقيله ولا خفيفه الوسط حلو بكل شيء
بالنسبة للمقدار لكل كاس ماء ملعقة حلى مليانه قهوة مطحونة انا هنا حطيت 3 كاسات ماء وحطيت القهوة 3 ملاعق مليانه ..
نخلي القهوة تغلي لين تقطع ( تقطع يعني ما تصير تفور زي ما تحطي القهوة بالاول ) تاخذ امكن ربع ساعه ..


في اثناء ذلك ندق الهيل وَالعويدي وَالزعفران .
.








. ما ننعمه مره لا خليه نفس هالدرجه





. ناخذ ملعقه حلى ونص تكون مليانه منه ونحطها بالدله اللي بنطبخها على النار لان الافضل يكون هناك دلتين وحده تنطبخ على النار والثانيه نزّل القهوة فيها ونقدمها للضيوف ..







بعد ما مضى ربع ساعه على القهوة على النار نشيلها على جنب امكن ثواني عشان تركد القهوة ونزلها في الدله الاولى .

ونرجعها على النار عشان تفور بالهيل نخليها تقلب مره او مرتين وبس نرفعها من النار .








. نكون قبل ماخذين جمره صغيره وحاطينها بقصدير صغير او مبخره صغيره تكون مخصصه للدله والفناجيل عشان نبخرها بالمستكه وما تستخدم الا لها .
نحط عليها حبات المستكه ونقلب الدلة عليها ونخليها تتبخر بالمستكه وعلى طول نغطي الدلة ونخليها على جنب لين تخلص القهوة ونبخر الفناجيل ونقلبها بعد ما نبخرها عشان ما تروح الريحه .

وهذا شكلها بعد ما صبيناها في الدله اللي نقدمها لضيوفنا






في إضافه صغيره لمحبات التميز :



هذا الشيء ناخذ منه كمية بسيطه بين اصابعك ذرة صغيره فقط تحطينها في الدله لمن تبغين تفورين القهوة .

يسمى عطر او طيب القهوة ما اعرف مكوناته بالضبط لكن نشتريه جاهز من حريم يسوونه مكوناته بعضها عرفته وبعضها ما اعرفه ( شيبه , زعفران , اضفر ,مستكه , واشياء ثانيه ) يخلي ريحة القهوة شيء جنان وطعمها مميز ما ودك تشيلي الفنجال من يدك ..

.




. وهذا فنجال القهوة








. مع التمر



.


. وهذي بيالة شاهي على الماشي ههههههه.








. في النهايه كل سيده لها طريقتها واضافتها اللي تحبها للقهوة , حبيت تشوفون طريقة قهوتي اللي اقدمها لضيوفي الغالين على قلبي .









.

[أوتار حساسة]

ًًًً تسلم الإيادي عالوصفة الحلوة ًًًًً