منتديات شبكة حياة - الملوكية ... الملوخية باللحم من مطبخي وبالصور

الملوكية...الملوخية باللحم من مطبخي وبالصورررر

السلام عليكم ورحمة الله وبركاته
كيفكم يا غالييين من زمان ما نزلت طبخة بهالقسم فحبيت اليوم نزلكم الملوخية الشامية الاصلية ان شاء الله تعجبكم
اول شي بنجيب الملوخية وبنغسلها منيح وبعدين بتحطي شرشف نضيف على الارض وبتحطي وراق الملوخية بعد ما تصفيهم من الماء وبتخليها لتنشف مزبوط على الشرشف مو تبس بعدين بتجيبي الطنجرة وبتحطي شوية زيت وبتحطي الملوخية وبتقليها على مراحل يعني بتحطي شوي بتقليه بعدين بتقيميه وبتحطي زيت مرة تانية وهيك على وجبات حتى تخلص الملوخية
بعدين نفس الطنجرة بتحطي شوية زيت وبتقلي التوم المقطع وبس ينقلى بتحطي الملوخية المقلاية وبتبلشي تأخدي من ماء سلق اللحمة وبتبخي فيها الملوخية ما بتكتري ماء يعني بتحطي مقدار 2كاسة شاي وبتقلبيها وبتغطي عليها علنايص وكل شوي بتفتحي عليهاوبتشوفي اذا استوت واذا بدها مي بترشيها رش(ما بتاخدوقت)
بس تدبل وتستوي بتكوني فارمة الكزبرة الخضرة وغاسلتيها ومجهزة التوم المدقوق بتحطيها عليها وبتخليها على النار الهادية شي 10 دقايق
http://forum.hawahome.com/nupload/115785_1238016655.jpg
وتسكب وتقدم مع الارز بالشعيرية والليمون
http://forum.hawahome.com/nupload/115785_1240845809.jpg

http://forum.hawahome.com/nupload/115785_1240845589.jpg

http://forum.hawahome.com/nupload/115785_1240845043.jpg

http://forum.hawahome.com/nupload/115785_1240845362.jpg
عن قريب للتعذيب ههههههههه
http://forum.hawahome.com/nupload/115785_1240646409.jpg

ان شاء الله تكون عجبتكم
دعواتكم اخوتي الله يخترلي يلي فيه الخير يارب
بامان الله وحفظه

الملوكية...الملوخية باللحم من مطبخي وبالصورررر