|
طريقة عمل حمام محشى - حمام محشى بالصور طريقة عمل حمام محشى - حمام محشى بالصور طريقة عمل حمام محشى - حمام محشى بالصور http://www.hayah.cc/forum/imgcache/156611.png فى بنوتات كتير عاوزين يعرفو طريقة عمل حمام محشى فريك او محشى رز بالكبد والقوانص او بدون كبد وقوانص الطريقه سهله وبالصور المقادير اللى هقولها دى تنفع مع كل جوزين حمام المقادير هنجيب اولا زوج حمام ونجيب كوب متوسط مليان ارز او فريك حسب رغبتك وحسب كمية و حجم الحمام معلقة سمن متوسطه او صغيره بصله متوسطه مفرومه نص معلقة صغيره فلفل اسود + ملح وهنجيب كبد وقوانص فراخ او حمام كمية حسب ما تحبى او ممكن تستغنى عنهم وبارضه الطريقه كما هى طريقة تحضير الحمام المحشى اولا هنضف الحمام بالماء بشكل جيد وبعدها ندعكه بالملح والدقيق للتنضيف ونسيبه نص ساعه او ساعه ونغسله من الملح والدقيق و نتركه يتخلص من الماء اللى فيه وهنرجعله بعد شويه يكون الميه نزلت منه ونيجى بقى لتحضير الحشو .. هنجيب رز او فريك وطبعا لو فريك يبقى هنحمره شويه فى السمنه قبل الحشو ونجيب البصله المفرومه وندعكه بالفلفل الاسود والملح ونحط عليهم الكبد والقوانص بعد ما تنضفيهم طبعا وبارضه ندعك الحمام من الداخل بجزء بسيط من الملح والفلفل الاسود قبل ما تحطى جواه الحشو ونحط بقى الحشو ونقول تانى الحشو هيكون البصله المفرومه ومعاها الملح والفلفل الاسود ومعاها الكبد والقوانص والرز او الفريك حسب رغبتك صورة الحشو http://www.hayah.cc/forum/imgcache/156612.png طريقة عمل حمام محشى - حمام محشى بالصور http://www.hayah.cc/forum/imgcache/156613.png ومتكتريش الحشو اوى لانه لسه هينفش جوه الحمام يعنى خلى فى مساحه بسيطه داخل الحمام اهم نقطه بقى انك تكتفى الحمامه من رجلها بشكل كويس ويفضل لو تقدرى تخيطيها وتسيبى جزء صغير مفتوح منها علشان تستوى من جوه يكون افضل والمهم تكتفى الحمام وتدخلى مباشرة على السلق http://www.hayah.cc/forum/imgcache/156614.png والسلق عباره عن بصله كبيره او متوسطه وماء وحبهان وفص مستكه ونسيب الحله على النار ساعه او اقل حسب ما الحمام يستوى وتقدرى تعرفى انه استوى بأنك كل شويه تجسيه وتشوفى لحد ما يستوى تقريبا ساعه او اقل بشويه ومتنسيش تحطى الملح فى نص فترة السلق ضيفى كمية الملح اللى تناسبك وبعد ما الحمام يتسلق هنطلعه وبراحه علشان ميتفكش والحضو ينزل منه وتسيبيه فى صينيه يجف من الماء اللى فيه وجهزى السمنه او الزيت حسب ما تحبى وتحمريه فى طاسه او ممكن تسلقيه نص سلقه وتطلعيه وتدهنى صنيه بالسمنه وتحطيه فيها وتدخليه الفرن لمدة مش كبيره وهيبقى معاكى روعه http://www.hayah.cc/forum/imgcache/156611.png ومعلش انا شرحت بالتفصيل الممل والموضوع كبير بس علشان تبقى الطريقه سهله وواضحه ويارب يعجبكم طريقتى وبيكون روعه لما بعمله والف هنا وشفا طريقة عمل حمام محشى - حمام محشى بالصور طريقة عمل حمام محشى - حمام محشى بالصور |
| الساعة الآن 03:07 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO