كل واحدة تحدد ريجيمها بنفسها

[المتألقه]

كل واحدة تحدد ريجيمها بنفسها

بسم الله الرحمن الرحيم
السلام عليكم ورحمة الله وبركاتة
عزيزاتي أعضاء شبكة حياة

انا قريت كتير عن الريجيم ورحت لدكتور تغذية مرة بس ممكن انصحكوا بمجموعة افكار مهمة لو انتِ عرفتيها هتقدري تعملي ريجيمك المناسب والمريح ليكي وهي:
1- اوزني نفسك وحددي انتِ عايزه تخسي كام كيلو (بس بلاش تحددي المدة).
2- اوزني نفسك بعد الأسبوع الأول وبعد كده بعد أسبوعين(عشان متيأسيش).
3- لازم مع تنظيم الأكل تمارسي المشي السريع بالتدريج(يعني أول اسبوع تمشي ربع ساعة، تاني أسبوع تمشي نص ساعة.........وهكذا).
4-كتري شرب الميه زي ما تقدري (ممكن تاخدي علي الريق كوب ميه عليه معلقة عسل نحل).
5- امنعي الرز والمكرونة والحلويات والدهون واستخدمي العيش الأسمر أو السن.
6-بلاش تخلطي الأكل (يعني بلاش سلطة و عيش وخضار ولحمة في نفس الوقت لكن ورا بعض).
7- ممكن في نص الريجيم تخلي يوم كامل لنوع واحد من الفاكهة بأي كمية.
8- الجبنة القريش والبيض المسلوق والزبادي والفاكهة علي الفطار والعشا ممتازين.
9-اللحوم والاسماك والفراخ تكون أفضل لو مشوية (أو مسلوقة بدون تحمير).
10- الفاكهة مفيدة بس نوع واحد مرة واحدة في اليوم (قبل الغدا يكون أفضل)
..........وعلي فكرة أول 3أيام ريجيم الوزن بينزل كتير ممكن من 2ل3كيلو وبعد كدا يقف النزول وينزل بالتدريج ....................عشان كدا بلاش توزني نفسك كتير......
أنا شخصياً بدأت ريجيم من أسبوع ونزلت 2كيلو بس للأسف مكنتش بمشي لكن بدأت المشي من النهاردة وبعد اسبوعين هاوزن نفسي تاني ان شاء الله ادعوووووووووووولي.

مواضيع قد تعجبك:

• من الالف الى الياء لاهتمام العروس بنفسها قبل الزواج...
• هكذا تكونين اما واثقة بنفسها
• فترة المراهقة تحدد سعادتك أو تعاستك
• سته اسئلة تحدد غيرتك على اللي تحبيه
• الشخصيه تحدد طريقة الرجيم

منتديات شبكة حياة - صحة و رشاقة و رجيم وصفات رجيم و حميه Fitness and Diet