ملف لجميع انواع التورتات بمختلف الحشو.. ومختلف التزيين ملف لجميع انواع التورتات بمختلف الحشو.. ومختلف التزيين اخواتى فى الله نأتى لتورته اخرى على شكل مربعكثيرات منكن لا يعلمن طريقه عمل التورتات وتزينها وأنا الان سأضع بين ايدكن ملفى المجمع فمنذ فتره كبيره كل مره اعمل تورته اصورها واتركها واضيف عليها اى تورته اخرى حتى انزل ملف كامل منها تورتات عملتها فى بيتى ومنها تورتات عملتها ونا فى مصر اجازه عند امى وامى شاركتنى فى تزيينها وهناك تورتات مسحت وحذفت من الميمورى مع شرحها عموما الملف الان به شرح وافى لكل اشكال التورتات والجاتوه ومختلف التزيين وانواع الحشوات والتغليفات المعلومات والملحوظات 1-بدايه الكيكه الاسفنجيه لا يدخل فى مقاديرها لا زيت ولا زبد ولا لبن ولا عصير انا استغربت لما لقيت البعض بيضيف لبن او عصير الكيكه الاسفنجيه مختلفه عن الكيك العادى 2-جميع المقادير المستخدمه بيض او طحين لازم لازم تكون بدرجه حراره الغرفه يعنى انا دائما بحفظ الدقيق فى التلاجه ولكن قبل ما اعمل الكيكه الاسفنجيه بنص ساعه بخرج البيض والدقيق واوعى تنسى المعلومه دى لانها مهمه جدا حتلاقى قطرات ماء تجمعت على البيض بعد النص ساعه كده تقدرى تستخدمى البيض 3-لو عاوزه الكيك بنكهه البرتقال ضيفى برش برتقاله على البيض بدل الفانيليا وليس عصير البرتقال ولو عاوزه بطعم الفراوله ضيفى روح الفراوله ولكن روح الفواكهه تضاف بعد اضافه الطحين لكن برش البرتقال بيكون مع البيض كبديل للفانيليا 4-الدقيق والنشا والبيكنج باودر اللى حكتبلكم مقاديرهم تحطوهم مع بعض وضرورى جدا جدا تنخلوا الخليط مرتين يعنى حطى البيكنج باودر والنشا على الدقيق وانخليهم سوا ومهم اوى مرتين 5-مهم اوى ان المقادير تكفى صينيه لان لو الخليط اكبر من نص الصينيه يبقى الكيكه حترتفع وتهبط من النص وحتبقى معجنه 6- مهم اوى الفرن يتسخن اثناء تحضيرك للكيك ودرجه الحراره لازم تكون متوسطه لانها لو عاليه او منخفضه حتبقى مشكله والكيكه تبوظ اهم حاجه اظبطى الفرن على درجه 180 واغلقى الفرن لحد ما تنتهى من عمل الخليط اخواتى معلش انا طولت عليكم بس لازم لازم احكى معاكم بالظبط كل فتفوته لعمل الكيك واخيرا اللى بيخلى الكيكه مكتومه حاجتين مالهومش تالت الاولى انك مضربتيش البيض المده المحدده ليه وهى ربع ساعه يكون المضرب شغال بدون انقطاع على اعلى سرعه والثانيه انك مضفتيش الدقيق معلقه معلقه ممكن تكونى ضفتيه مره واحده او كميه كبيره كل مره وده بيخلى الكيكه طالعه زى الخبز مكتومه الان المقادير المظبوطه طبعا احنا خرجنا البيض والطحين قبل العمل بنص ساعه واول ما نبدا نشتغل نسخن الفرن ونجيب الصينيه ندهنها سمنه وبعدين نحط فيها دقيق اكيد انتوا فاهمين العمليه دى المقادير دى انا معرفش حتناسبك ولا لا بس عموما وانتى بتصبى الخليط فى الصينيه بتاعتك وطبعا انا معرفش مقاسها يبقى عموما اى خليط لازم يوصل لمنتصف الصينيه لو لقيتى لسه عندك خليط ممكن تحطيه فى صينيه تانيه اهم حاجه للكيك سواء عادى او اسفنجى ان الخليط ميزدش عن نصف الصينيه لانه حيرتفع المقادير الكوب المستخدم للدقيق لازم يكون هو هو اللى حتقيسى بيه السكر والنشا 6 بيضات بدرجه حراره الغرفه كوب الاربع دقيق كوب الا ربع سكر ناعم مهم يكون حبيباته ناعمه ربع كوب نشا ملعقه كبيره بس ممسوحه بيكنج باودر ملعقه كبيره ممسوحه فانيليا ربع كوب كاكاو غير محلى لو عوزاها بيضاء مش بالكاكاو يبقى بدل كوب الا ربع دقيق يبقى كوب واحد فقط وبرده نفس المقادير سخنى الفرن وبعدين حطى البيض وعليه الفانيليا او بشر البرتقال وعلى اعلى سرعه اضربى البيض والفانيليا لمده دقيقتين وبعدين متفصليش الكهربا عن المضرب وهو شغال بعد الدقيقتين ضيفى السكر مره واحده واحسبى حوالى ربع ساعه على اعلى سرعه فى البدايه حتلاقى المزيج عباره عن رغاوى لكن بعد كده حتلاقى المزيج بقى كريمه وحجمها بقى تلت اضعاف حجم البيض فى الاول لازم يبقى الحجم تضاعف لاننا عاوزين الهوا اللى جعل البيض ينتفخ اول ما تلاقى الخليط تضاعف بعد الربع ساعه شيلى المضرب خالص ومتستخدميهوش تانى فى ناس بتحط الدقيق وتشغل على اقل سرعه وده خطأ كبير جدا جدا الطريقه دى حتخلى الهوا اللى نفخ البيض يخرج تانى ومش حتبقى هشه ابدا باستخدام معلقه خشبيه ضيفى ملعقه دقيق واحده وقلبى ببطء جدا جدا جدا جدا جدا فى اتجاه واحد اوعى تغيرى الاتجاه او تقلبيها من تحت لفوق وافضلى ضيفى ملعقه دقيق وقلبى مرتين وضيفى الملعقه الاخرى وبرده قلبى تقلبتين بشويش وببطء شديد لازم يفضل الخليط مرتفع لحد ما تخلص ممكن هنا تضيفى روح الفاكهه لو عوزاها بالفراوله او الاناناس بعد ما تخلصى صبى الخليط بشويش وايضا بمنتى البطء فى الصينيه ودخليها الفرن واياك اياك اياك اياك تفتحى عليها قبل 40 دقيقه بعد اربعين دقيقه اختبريها بعود خشبى لو نضجت طفى النار و اوعى تخرجيها من الفرن خليها جواه لانها لو خرجت وهى سخنه حتتعرض لهواء بارد حتبوظ سبيها فى الفرن بعد ما تقفلي الحراره نص ساعه تقريبا وبعدين خرجيها ان شاء الله لو اتبعتى كل معلومه وطريقه انا كتباها حتلاقى احلى كيكه اسفنجيه عملتيها وكل ما تنجح معاكى افتكرينى وتانى يوم اعمليها بالكريمه وزينيها ولو مستعجله وعوزاها فى نفس اليوم حطيها فى التلاجه 3 ساعات مثلا بس اوعى تحطيها فى التلاجه بعد ما تطلع من الفرن مباشره يارب اكون افادتكم ملحوظه بخصوص الدريم ويب(الكريم شانتيه ) التورته تحتاج ربع كيلو للتغليف والتزيين او بما يعادل 6 اظرف هناك نوعان نوع بودره يأتى على هيئه علبه كل علبه فيها ظرف او ظرفان والنوع التانى على شكل كريمه الطبخ بالنسبه للباودر لمن تستخدم باودر بالكيلو مثلا يبقى كل كوب كريمه باودر معها فنجان الا ربع لبن مثلج ونخفق ولو عاوزاها بالشيكولاته ضيفى كاكاو وزودى اللبن بسيط اما فى حاله الأظرف الجاهزه نصيحه منى لا تتبعى التعليمات المكتوبه على ظهر الظرف لان الكريمه حتبقى سائله نصيحتى لك هى لكل ظرفان باودر ضعى فنجان الا ربع فقط لبن مثلج وملعقه كبيره ممتلئه من النشا (الكورن فلاور )وحتحصلى على احلى كريمه متماسكه وضعيها فى التلاجه فتره حوالى نص ساعه قبل البدء بالتغليف والتزيين اما كريمه الطبخ المخصصه ايضا للحلويات اتبعى نفس ماهو مكتوب عالعلبه بالظبط لا تقلقى الان ما قراتموه هو اساسيات عمل الكيكه الاسفنجيه ولكن ولكن ولكن انا شخصيا احب اضافه الزيت او الزبده لعمل اى كيكه ودى راجعه للذوق الشخصى وغالبا تورتاتى تتنوع مابين كيك اسفنجى وكيك عادى ونا شايفه ان الكيك العادى مناسب كمرحله اولى تقدرى تتعلمى الاول ازاى تعملى تورته وبعدها تنتقلى للكيكه الاسفنجيه ومقادير الكيك العادى لمن تريد هى كوب ونصف دقيق منخول مضاف له ملعقه ونصف صغيره بيكنج باودر _ كوب الا ربع سكر عادى _ نصف كوب زيت او زبد _نصف كوب زبادى _3 بيضات حجم كبير او اربعه صغير_فانيليا لو اردتى عملها بالشيكولاته انقصى ثلث كوب دقيق وضعى بدلا منه كاكاو باودر غير محلى والان مع طريقه عمل الكيكه الاسفنجيه بالصور كتطبيق لما ذكرته سابقا هنا الطحين والكاكاو والنشا والبيكنج باودر http://www.hayah.cc/forum/imgcache/120358.png نقوم بنخلهم كما ذكر سابقا http://www.hayah.cc/forum/imgcache/120359.png ونتركهم جانبا نقوم بضرب البيض والفانيلا حوالى دقيقتان وبعدها قومى بأضافه السكر نقوم بالخفق لمده ربع ساعه على اعلى سرعه الى ان يتحول الخليط للشكل الكريمى ويكون أضعاف حجم البيض http://www.hayah.cc/forum/imgcache/120360.png بعد ذلك نقوم باضافه الطحين المنخول ومعه البيكنج باودر والكاكاو ملعقه ملعقه ونقلب كما ذكرت فوق http://www.hayah.cc/forum/imgcache/120361.png والان الخليط اصبح جاهز ونصبه فى الصينيه http://www.hayah.cc/forum/imgcache/120362.png ونتبع طريقه الخبز والتى شرحتها سابقا وهاهى شكل الكيكه بسم الله ماشاء الله دى بالشيكولاته http://www.hayah.cc/forum/imgcache/120363.png وواحده أخرى بيضاء بالفانيليا http://www.hayah.cc/forum/imgcache/120364.png هذا هو اساس عملها ننتقل الان الى المراحل الأخرى الا وهى الحشو والتزيين الان سيكون معنا كيكه فكيف نقطعها؟؟؟؟؟؟؟؟ انا افضل تقطيعها بالخيط بدلا من السكين طبعا بعد مابردت تماما ونقطعها هكذا نلف الخيط حول الكيكه ونوسطه جيدا ويكون هكذا ثم نقوم بوضع الخيط على شكل حرف xهكذا http://www.hayah.cc/forum/imgcache/120365.png ونمسك الطرف الايمن بيدنا اليسرى وطرف الخيط الايسر بيدنا اليمنى يعنى العكس ونشد الخيط ونفضل ماسكينه بقبضه ايدنا ونشد http://www.hayah.cc/forum/imgcache/120366.png سنجدها بتقطع ومظبوطه ان شاء الله مائه بالمائه وهنا الحشو انا استخدمت كما فى الصورهدريم ويب باودر وفواكهه وشيكولاته مبشوره http://www.hayah.cc/forum/imgcache/120367.png وطبعا الصور شارحه نفسها وضعت ملعقتين من سائل الفواكه على الكيكه المقسومه نصفان لتطريتها واضفت جزء من الكريمه وفوقها الفواكهه http://www.hayah.cc/forum/imgcache/120368.png اضفت النصف الاخر وغلفت التورته بالكريمه وبدأت ازينها http://www.hayah.cc/forum/imgcache/120369.png http://www.hayah.cc/forum/imgcache/120370.png هنا تورته اخرى عملتها ونا عند والدتى فى مصر واقتراح التزيين كان من ماما هى تقترح وانا انفذ واليكن الشرح والصور طبعا احنا عرفنا طريقه عمل الكيكه فمش محتاجين شرحها تانى http://www.hayah.cc/forum/imgcache/120371.png http://www.hayah.cc/forum/imgcache/120372.png http://www.hayah.cc/forum/imgcache/120373.png ونا بفضل بعد تغليف التورته اضعها فى التلاجه عشر دقائق تتماسك وارجع ازين تانى وهنا وضعت فى جوانب التورته شيكولاته فارمسيل حبيبات وممكن تستبدليها بجوز هند او اى مكسرات مفرومه http://www.hayah.cc/forum/imgcache/120374.png نبدأ بوضع الكريمه فى كيس التزيين ونزين هكذا http://www.hayah.cc/forum/imgcache/120375.png ونضيف الفواكهه http://www.hayah.cc/forum/imgcache/120376.png طبعا كملت الاماكن الفارغه بالكريمه واضفت قطع من الكريز الاحمر وده شكلها ماشاء الله عاليه ومرتفعه http://www.hayah.cc/forum/imgcache/120377.png الحشو كريمه الجبنه مقادير الحشو كوب كريمه باودر كوب الا ربع لبن مثلج ملعقه سكر بودره كبيره حوالى اربع ملاعق جبنه فلادلفيا وممكن استبدالها باربع قطع كيرى نضرب مقادير الحشو بالمضرب الكهربائى الى ان تتجانس ويمكن اضافه ملعقه لبن لو حبيتى تكون سائله الى حد ما ويمكنك اضافه ملعقتان كاكاو باودر لو عاوزه الحشو بالشيكولاته هنا سويت الكيكه لأنها مربعه من عند الاطراف http://www.hayah.cc/forum/imgcache/120378.png وقسمتها نصفان وشربت القسم السفلى بعصير او ممكن مربى مخففه بماء http://www.hayah.cc/forum/imgcache/120379.png وزعت الكريمه http://www.hayah.cc/forum/imgcache/120380.png http://www.hayah.cc/forum/imgcache/120381.png غلفت الجوانب بجوز هند مبشور ومكسرات هناك ملحوظه مهمه ممكن سطح الكيكه معاكى ميكونش مغلف بالكريمه بشكل منسق ومتقن فلا تقلقى الفواكه اللى حتحطيها فوق لن تظهره ومع الوقت ستحترفى التنسيق ان شاء الله http://www.hayah.cc/forum/imgcache/120382.png وبدأت فى التزيين http://www.hayah.cc/forum/imgcache/120383.png وده الشكل النهائى يارب تعجبكن http://www.hayah.cc/forum/imgcache/120384.png وهذه تورته اخرى عملتها ايضا عند والدتى الحشو كريمه الشيكولاته البيضاء مقادير الحشوه عشر قطع جبنه كيرى وومكن استبدالها بعلبه فلادلفيا ربع كوب لبن كوب الا ربع شيكولاته بيضاء مبشوره (للاخوات اللى فى مصر اكيد عارفين محل درب البرابره او محل العتبه اللى بيتباع فيهم الحلويات الخام والشيكولاته وكل شئ لعمل التورتات والحلويات) الطريقه يسخن اللبن ويضاف اليه الشيكولاته المبشوره ونتركها تسيح وتبرد تماما تماما وبواسطه المضرب الكهربائى نضرب كل المكونات السابقه جميعا ونضعها فى التلاجه ربع ساعه قبل التغليف والتزيين اسفه صور طريقه الحشو اتمسحت بس اعتقد الطريقه واضحه وسهله طبعا عملت الكيكه وقسمتها وحشيتها مثل الطرق السابقه وغلفتها كمان وده التزيين http://www.hayah.cc/forum/imgcache/120385.png http://www.hayah.cc/forum/imgcache/120386.png ووضعت فى الجوانب شيكولاته فارمسيل وكريمه هكذا والان نأتى لتورته اغلبنا بيحبها والتورته دى انا بعتبرها أهم تورته فى ملفى ليه بقى لأنها اسهل تورته ممكن تتعمل انا انصح كل مبتدئه فى عمل التورتات انها تعملها وحتشوفوا بنفسكم ازاى سهله وازاى روعه تورته بحشوه الأيس كريم زى ماقلت التورته دى تنفع المبتدئات وكمان تنفع لو عندك كيك بايت او عملتى كيكه وباظت منك فى الفرن مرتفعتش او هبطت او او اى سبب لفشلها انا كان عندى كيكه باظت منى فى الفرن وده طبعا شئ وارد انه يحصل وده شكل الكيكه http://www.hayah.cc/forum/imgcache/120387.png واضح جدا انها مش مظبوطه فطبعا مرمتهاش عملت بيها ايه؟؟؟؟؟؟؟؟؟؟؟؟؟؟؟؟ اولا جبت نفس الصينيه اللى غملت فيها الكيكه وبطنتها بالبلاستيك الشفاف ووضعت فيها حلقات اناناس http://www.hayah.cc/forum/imgcache/120388.png وجهزت ايس كريم ثلاث اكواب كبيره انا استخدمته بالفانيليا وتركته يسيح الا حد ما يعنى خرجته من التلاجه نصف ساعه تقريبا قبل العمل علشان يبقى سهل معايا ووضعت جزء منه على الاناناس هكذا http://www.hayah.cc/forum/imgcache/120389.png وبعدها وضعت فواكهه طبعا نوع الايس كريم او الحشوه متروك ليكى اختى الكريمه ثم وضعت جزء من الكيكه قطعتها بنفس الطريقه اللى ذكرتها قبل كده وشوفو كانت مفتته بس عادى لانها ستجمد مع الايس كريم http://www.hayah.cc/forum/imgcache/120390.png وبعدين وضعت ايس كريم مره اخرى وفواكه وهكذا http://www.hayah.cc/forum/imgcache/120391.png وطبقه اخرى كيك وهكذا ثم نغلق البلاستيك الشفاف عليها ونتركها بهذا الشكل فى التلاجه اربع ساعات مثلا http://www.hayah.cc/forum/imgcache/120392.png وبعد ذلك نضع طبق التقديم فوقها ونقلبها وبعدين نشيل الصينيه وننزع البلاستيك عنها معلش صوره الخطوه دى اتمسحت منى عموما ده شكلها http://www.hayah.cc/forum/imgcache/120393.png لو تلاحظوا انا عملت ايه وضعت عالجوانب فارمسيل لزقت الى حد ما ووضعت داخل كل قطعه اناناس قطعه كريز وومكن تضعى فراوله وزينت بالفارمسيل ايضا وده شكلها من فوق http://www.hayah.cc/forum/imgcache/120394.png ودى قطعه منها http://www.hayah.cc/forum/imgcache/120395.png قد ايه سهله وبسيطه وومكن تعمليها باى شكل انتى عوزاه وممكن تستبدلى الايس كريم بالكريم شانتيه او اى نوع كريمه هنا انا غيرت شويه فى شكلها وضعت فى النص فراوله واتبعت نفس الخطوات السابقه بالظبط http://www.hayah.cc/forum/imgcache/120396.png وده شكلها بعد ماقلبتها http://www.hayah.cc/forum/imgcache/120397.png ايه رأيكم بقى يا بنات؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟ اتمنى تكون عجبتكن نأتى الان لتورته اخرى بحشوه مختلفه وهى تورته بحشوه كريمه الزبده بالشيكولاته كريمه الزبده كريمه لذيذه وبتدخل فى كتير من التورتات كحشو وتزيين طبعا هى دسمه الى حد ما بس انا بحبها جدا جدا طبعا نجهز كيكه شيكولاته زى ما عملناها فى اول الملف انا حبيت اعمل تزيين مختلف للتورته من اختراعى وطلع رائع عملت ايه جبت شيكولاته خام مبشوره حوالى كوب ونص ووضعتها فى قدر استانلس وبعدين وضعتها فى طاسه بيها ميه وسيحتها على حمام مائى هكذا http://www.hayah.cc/forum/imgcache/120398.png وبعدين جبت ورق الزبده ووضعت عليه الشيكولاته http://www.hayah.cc/forum/imgcache/120399.png ووزعتها بملعقه فرشتها عالورقه هكذا http://www.hayah.cc/forum/imgcache/120400.png وتركتها حوالى خمس دقائق فى الرف تحت الفريزر تتماسك فقط ولكن لا تجمد حتى يسهل تقطيعها هكذا انا استخدمت شكل النجمه طبعا ننزعها بخفه وبشويش حتى لا تتكسر لانها حتكون لا زالت لينه http://www.hayah.cc/forum/imgcache/120401.png وبعدين نتركها تكمل تجميد فى التلاجه http://www.hayah.cc/forum/imgcache/120402.png نضيف السكر البودره على مرتين ونخفق ثم نضيف الفانيليا والكاكاو واللبن ونخفق جيدا الى ان يتحول الخليط للشكل الكريمى المتماسك http://www.hayah.cc/forum/imgcache/120403.png نتركها فى التلاجه ربع ساعه تتماسك وبعدين نقسم الكيكه ونضع جزء من الكريمه ونا اضفت حبوب الشيكولاته فيها هكذا http://www.hayah.cc/forum/imgcache/120404.png نغلق الكيكه والجزء المتبقى من كريمه الزبده نضيف عليه كوب كريمه مخفوقه مسبقا ونقلبهم معا ونغلف الكيكه ونبدا بتزين الجوانب هكذا http://www.hayah.cc/forum/imgcache/120405.png http://www.hayah.cc/forum/imgcache/120406.png http://www.hayah.cc/forum/imgcache/120407.png نسيت اقولكم ان بعد ما الشيكولاته النجوم بردت عملت نقط عليها من الشيكولاته البيضاء وتركتها تجمد ايضا وبدأت فى وضعها فوق التورته هكذا http://www.hayah.cc/forum/imgcache/120408.png http://www.hayah.cc/forum/imgcache/120409.png بس بعد كده حسيت انى لو وضعت عليها شيكولاته حبيبات حتبقى افضل فرجعتها المطبخ تانى ووزعت عليها الشيكولاته هكذا ايه رأيكن مش كده احلى http://www.hayah.cc/forum/imgcache/120410.png تورته الفراوله بالكريم باتسيير والجناش بدايه الجناش هو نوع من الكريمه عباره عن شيكولاته وكريمه خفق وزبده و تحضر وتستخدم بطريقه الصب على التورته او نتركها فتره تجمد فى التلاجه ونضعها فى كيس التزيين ونزين بها مقادير الجناش انا استخدمت شيكولاته بيضاء ولونتها المقادير كوب ونص شيكولاته مبشوره بيضاء كوب كريمه لبانى(كريمه الخفق للحلويات) ملعقه زبده ملون طعام احمر او اى لون تفضليه الطريقه نغلى كوب الكريمه ونرفعه من عالنار ونضيف عليه الشيكولاته المبشوره ونتركها تسيح وبعدها نضيف الزبده ونترك الخليط يبرد تماما ولكن لا يتجمد يكون على شكل سائل وبعدها نضيف ملون الطعام نقطه نقطه الى ان نصل للون المطلوب ونتركها جانبا طريقه كريمه الباتسيير مقاديرها ثابته انما طريقتها تختلف كلا حسب طريقته وهذه هى اسهل طريقه له والمقادير هى كوب وربع لبن بيضه كامله صفار بيضتان ربع كوب سكر بودره ملعقه كبيره دقيق ملعقه كبيره نشا فانيليا انا وضعت كل المقادير معا فى الخلاط وبعدها وضعتها عالنار مع التقليب المستمر المستمر المستمر مثل المهلبيه الى ان يتكاثف الخليط بعد عشر دقائق تقريبا وننزله من عالنار ونتركه يبرد ونضيف عليه ملعقتان من روح الفراوله وهذا شكله http://www.hayah.cc/forum/imgcache/120411.png نتركه جانبا هو والجناش ونأتى للتزيين انا استخدمت شيكولاته بيضا وسيحتها فى حمام مائى وقسمتها نصفين نصف تركته ابيض وفردته وعملت نفس الطريقه فى التورته السابقه وقطعته بقطاعه هكذا http://www.hayah.cc/forum/imgcache/120412.png والنصف الاخر لونته بلون احمر بنفس درجه الجناش ايضا http://www.hayah.cc/forum/imgcache/120413.png وفردته ايضا وقطعته بنفس الشكل السابق الجزء الاحمر نقط عليه شيكولاته بيضا والابيض نقط عليه شيكولاته حمرا اسفه الصوره اتمسحت نأتى للكيكه قسمتها نصفين ووضعت الكريم باتسيير http://www.hayah.cc/forum/imgcache/120414.png وقطع من الفراوله هكذا http://www.hayah.cc/forum/imgcache/120415.png وقفلت الكيكه وغلفتها وراعيت ان يكون سطحها املس ومتساو ووضعتها على شبك سلك لانى حصب عليها الجناش ونضع تحتها صينيه او طبق بلاستيكى http://www.hayah.cc/forum/imgcache/120416.png واحضرت ورق بلاستيك ووضعته على منتصف الكيكه هكذا حتى يكون الجناش على نصف منها فقط هكذا http://www.hayah.cc/forum/imgcache/120417.png ونبدأ بصب الجناش http://www.hayah.cc/forum/imgcache/120418.png ونتركه على السلك يصفى وندخله التلاجه يتماسك وهنا بعد ان تماسك http://www.hayah.cc/forum/imgcache/120419.png ونبدا بالتزيين بالوردات اللى عملناها هكذا http://www.hayah.cc/forum/imgcache/120420.png وهذا شكلها النهائى بعد التزيين http://www.hayah.cc/forum/imgcache/120421.png تورته بالفواكهه وكريمه البارفان كريمه البارفان كريمه رائعه جدا ونا بحب استخدمها كحشوه وهى سهله جدا جدا جدا وشبيهه بالموس الفرق بينهم انها بتكون بالجيلاتين انما الموس حتشوفوه فى التورته القادمه مقادير كريمه البارفان كوب ونصف كريم باتسيير محضر (طبعا عرفنا طريقته سابقا) ظرفان دريم ويب او ثلث كوب ملعقتان جيلاتين بدون نكهه مذوبان فى ربع كوب ماء ساخن ونتركه يدفأ ثلاث ملاعق لبن مثلج فانيليا ملعقه روح اللوز ويمكن استبداله بروح الفواكهه اى طعم تفضليه الطريقه نخفق الدريم ويب مع اللبن خفق بسيط ونضيف كوب الكريم باتيسير المعد سابقا ونخفق الى ان يتماسك الخليط ويصبح بقوام الكريمه نضيف الفانيليا وروح اللوز والجيلاتين ونخفق مره اخرى ونتركه فى الثلاجه ربع ساعه قبل الاستخدام انا استخدمت كيكه مربعه قسمتها نصفان ووضعت كريمه البارفان ومعها فواكهه http://www.hayah.cc/forum/imgcache/120422.png ووضعت النصف الاخر من الكيكه واغلقتها وغلفتها بالكريمه http://www.hayah.cc/forum/imgcache/120423.png ونبدأ فى التزيين هكذا http://www.hayah.cc/forum/imgcache/120424.png http://www.hayah.cc/forum/imgcache/120425.png وده شكلها النهائى اتمنى يعجبكن التزيين والحشو http://www.hayah.cc/forum/imgcache/120426.png ناتى الان لعمل تورته بحشوه موس الاناناس تورته جميله وبسيطه وتنفع للبنوتات الصغيرين زى بنوتى نور كده طريقه تحضير الموس كوب ونصف كريم باتسيير محضر مسبقا كوب ونصف كريمه مخفوقه محضره مسبقا ربع كوب جيلى اناناس باودر قطع صغيره من الاناناس ملعقه مربى اناناس (يمكن الاستغناء عنها باضافه روح الاناناس) ملعقتان ماء ساخن الطريقه نذوب جيلى الأناناس فى ملعقتان الماء ونتركه يدفأ نضع الكريم باتسيير مع الكريمه المخفوقه مسبقا ومعهم قطع الاناناس الصغيره والمربى نضيف عليهم الجيلى المذوب http://www.hayah.cc/forum/imgcache/120427.png ونقلب ونتركهم فى الثلاجه حوالى نصف ساعه قبل الاستخدام انا كنت مجهزه قبلها بيوم كيكه ووضعتها فى قالب على هذا الشكل لانى كنت عوزاها مدوره http://www.hayah.cc/forum/imgcache/120428.png بعد ماتبرد الكيكه تماما نقطعها شرائح هكذا http://www.hayah.cc/forum/imgcache/120429.png ونحضر قالب انا استخدمت قالب العجانه غلفته ببلاستيك لاصق كما فعلت فى تورته الايس كريم سابقا ونضع شريحه من الكيك http://www.hayah.cc/forum/imgcache/120430.png وجزء من الموس وهكذا شريحه كيك وموس بالتناوب الى ان تكون اخر طبقه عباره عن كيك ونغلق عليها بالبلاستيك هكذا http://www.hayah.cc/forum/imgcache/120431.png وندخلها الثلاجه من اربع الى 6 ساعات او ممكن تتركيها ليله كامله حتى تتماسك تماما نقلبها على طبق وبه ورق شفاف وننزع عنها البلاستيك http://www.hayah.cc/forum/imgcache/120432.png نأتى بعروسه صغيره ونخلع ملابسها وارجلها الاثنان ونرفع شعرها ونغرسها فى قلب الكيكه هكذا http://www.hayah.cc/forum/imgcache/120433.png ونحضر كريم شانتيه انا قسمته نصفين نصف تركته ابيض والاخر لونته لون وردى ونبدا بالتزيين http://www.hayah.cc/forum/imgcache/120434.png http://www.hayah.cc/forum/imgcache/120435.png وهنا نزلت ايدها وفكيت شعرها http://www.hayah.cc/forum/imgcache/120436.png واضفت فراوله مقطعه نصفان http://www.hayah.cc/forum/imgcache/120437.png http://www.hayah.cc/forum/imgcache/120438.png ايه رايكم فى التورته دى بنتى اعجبت بيها جدا جدا جدا وكانت عاوزه تحضنها افتكرتها عروسه بالفستان وها انا الان اقدم لكن اخواتى طريقه عمل قطع الجاتوه انا عملت كيكتان مربعتان وقطعت كل واحده نصفين فأصبح عندى اربعه اقسام http://www.hayah.cc/forum/imgcache/120439.png نأخذ اول جزء ونضع عليه الكريمه انا استخدمت دريم ويب http://www.hayah.cc/forum/imgcache/120440.png ووزعت الكريمه هكذا http://www.hayah.cc/forum/imgcache/120441.png ووضعت تانى شريحه من الكيك وفوقها كريمه هكذا الى ان انتهيت من وضع الاربع طبقات http://www.hayah.cc/forum/imgcache/120442.png وبعدها سويت السطح جيدا جدا جدا http://www.hayah.cc/forum/imgcache/120443.png وبعده قمت بتقطيع الاطراف من كل اتجاه بحوالى اتنين سم حتى تكون الاطراف متساويه هكذا http://www.hayah.cc/forum/imgcache/120444.png ثم نقوم بتقطيع الكيك بسكين ويكون بجانبنا طبق به ماء ساخن نقطع ونضع السكين فيه ونكمل تقطيع مره اخر وذلك حتى لا تلتصق الكريمه فى http://www.hayah.cc/forum/imgcache/120445.png نقوم بتزيين كل قطعه على حسب الذوق الشخصى انا وضعت شيكولاته مبشوره وقطع اناناس وده اختيارى طبعا http://www.hayah.cc/forum/imgcache/120446.png وصوره اقرب للقطع http://www.hayah.cc/forum/imgcache/120447.png والجزء اللى قطعته علشان اساوى حروف الكيكه لم ارميه بل فتته ووضعته فى كؤوس ووضعت عليه كريمه وشيكولاته مبشوره هكذا كيكة السور الخشبي الكاكاوي@@@ (صينية التشيز كيك المتحرك اصغر واحد) http://www.hayah.cc/forum/imgcache/120448.png حبة كتكات أبوصبعين http://www.hayah.cc/forum/imgcache/120449.png 1 بوريو http://www.hayah.cc/forum/imgcache/120450.png قليل من الزبده http://www.hayah.cc/forum/imgcache/120451.png كيكة جاهزة فانيليا http://www.hayah.cc/forum/imgcache/120452.png 2قشطة قيمر كي دي دي ظرف كريم كراميل ظرف دريم ويب http://www.hayah.cc/forum/imgcache/120454.png 6 حبات جبن كيري http://www.hayah.cc/forum/imgcache/120455.png وللتزيين مالتيزرز أو أم أند أمز فليك الطريقه تصف اعواد الكتكات على حواف اناء الشيز كيك بعدين يصف الكيك في قاعدة الصينية بعدين نفتت واحد بوريو مع قليل من الزبده ويوضع فوق طبقة الكيك توضع طبقه ثانيه من الكيك يتم عمل الخلطه بالخلاط 2 قيمر+ 1 دريم ويب + 1 كريم كراميل+ 6 جبن كيري تصبون الخلطه فوق الكيك واخر شي يزين بالفليك والمالتيزر يوضع يالثلاجه ليله كامله قبل التقديم وبالعافيه http://www.hayah.cc/forum/imgcache/120458.png http://www.hayah.cc/forum/imgcache/120459.png كيكة حلوة وجديدة ..واكيد لذيذة http://www.hayah.cc/forum/imgcache/120460.png ^ زي مآ إنتوا شايفينhttp://www.hayah.cc/forum/imgcache/120461.png بسكوت شآي + نستلة + 2 قشطة + 6 حبآت كيري + حليب + صينيه لتشكيل القآلب http://www.hayah.cc/forum/imgcache/120461.png صوص شيكولاتةوهيرشي & كورن فليكس << للتزيين http://www.hayah.cc/forum/imgcache/120462.png نأتي إلى الطريقه : http://www.hayah.cc/forum/imgcache/120463.png تفرشي النآيلون عـ صينيه البآيركس افرشيهآ كويس http://www.hayah.cc/forum/imgcache/120464.png وثم كسري نص بآكيت بسكوت أواكثر شوية طبعآ زي ما أنتوآ شآيفين http://www.hayah.cc/forum/imgcache/120465.png .. ثم جمعي بآقي المقآدير واتحطيهم في ؟ في الخلآآاااآط < شآطريين http://www.hayah.cc/forum/imgcache/120461.png وبعد مايتخلط حطيه فوق ? البسكوووت < http://www.hayah.cc/forum/imgcache/120466.png كمآ هو موضح بالشكل أدنآه>> http://www.hayah.cc/forum/imgcache/120467.png ملآحظه* هاتشوفى البسكوت طلع على الوش لاتقلقي هذآ طبيعي لخفه وزن البسكوتات << المهم اقفليه كويس بالنآيلون >>فهمتوني عدل http://www.hayah.cc/forum/imgcache/120464.png http://www.hayah.cc/forum/imgcache/120468.png وبعدين..؟ تروحي تحطيه بالفريزر الكبيرهـ او الثلاجة بس لمدة اطول شويتين < أعتقد الكل عندهـ فريزر ههههههههه وتخليه محبوس فى البررد 24 ساعه يعني يوم كامل http://www.hayah.cc/forum/imgcache/120461.png والآن نأتي إلى أهم وآخر طريقه للتزيينhttp://www.hayah.cc/forum/imgcache/120469.png تقلبي القآلب في صينيه التقديم وإنتي وشطآرتك إقعدي تفنني تعآلوا نشوف http://www.hayah.cc/forum/imgcache/120469.png 7 7 7 ^ http://www.hayah.cc/forum/imgcache/120470.png http://www.hayah.cc/forum/imgcache/120471.png http://www.hayah.cc/forum/imgcache/120472.png http://www.hayah.cc/forum/imgcache/120473.png يلآ كل وآحد يجيب ملعقته وبسم الله ياكل ^.^ وسلااامتكم ^.^ *تدخل الفرن http://www.hayah.cc/forum/imgcache/120474.png ***نقسم التورتة الى نصفين http://www.hayah.cc/forum/imgcache/120475.png ***نضع على التورتة بعض تقسيمها شوى ماء بسكر للتزين 3 شوكولاتة جالكسى بالبندق 2 علبة قيمر نستلة (قشطة ) صوص شوكولا جاهز كيس ونصف كريم شانتية كاكوووووو ***نصع الشوكولاتة فى حمام مائى الى ان تذوب نضع القشطة وشوى من صوص الشوكولا الجاهز http://www.hayah.cc/forum/imgcache/120476.png ***نضرب الكريم شانتية باللبن ونضع معاة شوى من الكاكو مش كتير http://www.hayah.cc/forum/imgcache/120477.png ***نضع الكريم شانتية فى النص على التورتة http://www.hayah.cc/forum/imgcache/120478.png ***نضع شوى من صوص الشوكولا الجاهز http://www.hayah.cc/forum/imgcache/120479.png ***ونضع النص التانى من الكيكة على الاولانى ***ونسكب على الوجة بتاعة الصوص بتاع الشوكولا الجالسكى http://www.hayah.cc/forum/imgcache/120480.png ***زينتها بالكريم شانتية من على الوش http://www.hayah.cc/forum/imgcache/120481.png كلهاالنهائى بس نسيت الصور لكم القطعة اتاكلت علطول http://www.hayah.cc/forum/imgcache/120482.png ياريت تكون عجبتكم |
[marq="3;right;3;scroll"] السلام عليكم ورحمة الله وبركاته مشكورة احتي عصفورة الجنة على الملف الرائع وبصراحة اعجبني والصور بعد واضحة ماشاء الله عليج لاني انا من مدة احاول اصور طبخاتي بس ماعرفت كيف ادخلها للكمبيوتر او للمشاركة والله يعطيج العافيه وانشاء الله بحاول اجرب وصفاتج ورد عليج سبحانك اللهم وبحمدك ، أشهد أن لا إله إلا أنت أستغفرك وأتوب إليك [/marq] |
مشكووووووووووووووووووووور ة |
ررررررررررررررررررررررررر ررررووووووووووووووووووووو ووووعععععععععععععععععععه |
الساعة الآن 11:09 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO