|
اتمنى الكل يساعدني السلام عليكم ورحمة الله وبركاته يااخواتي ابغى منكم مساعدة واعطاء الراي السديد انا موجوده عند اهلي من نصف شهر واحد كنت عند ستي ورجعت البيت ونومت الاولاد وجا زوجي وقالي اجمعي اغراضك علشان تروحي لاهلك انا ساعتها عرفت انو نفسو طابت مني مشكلتي انو ماادري كيف اتعامل معاه موعاجبه العجب ولا الصيام برجب من كلامو انت ماتعرفي تطبخي انت تحبي تنكدي عليه انت اهلك غشوني انت ماتهتمي بشي ان غيرت بشكل البيت قال ايش عندك وان طبخت قال ايش وراكي وانت عمك قال تعال اخطبها انا ماجيت وخطبتك هو يخرج من الدوام قريب المغرب يصلي وينام يصحى بعد العشاء او على الساعه تسعه ياكل ويخرج للشيشه ويرجع على الساعه وحده تقريبا ينام ويقوم يروح الدوام بعد الساعه سته انت بس نايمه انت بس على التلفزيون والله لا اشيل الجوال سوق ماانزل الا من رمضان لرمضان مايحب الا الغالي انا اوقات ماالقى مقاسي وان اهلي جابو شي قال زباله وموحلو الاولاد مايحترموني انت ماتهتمي بالاولاد لا تعقديهم سيبيهم رائي مومهم عندو انا على هذا الحال من خمسه سنوات وعندي ولد وبنت هوه انسان كان مطلق وبعد اربع سنين رجعت تراسلو وراسلها ويقول مافي وحده غيرك بحياتي واستلطت وحده غيرها على اساس مراجعه عندو بالمستشفى وبعد كذا رسايل مالهاداعي ومقاطع عرايه رجال وحريم ابي منكم مشوره انا حاطه في بالي 95% ماارجع و5%ارجع راح يجي بعد الاختبارات وافكر ارسل الاطفال معاه |
الله ييسر لك مو عارفه ايش اقولك من جد صعب بس استخيري والله يختار لك الي فيه الخير |
وين مشوره العضوات الله يعطيكم العافيه |
السلام عليكم ورحمة الله وبركاته استخيري الله رب العالمين فهو لن يختار الا مافيه الخير |
انا استخرت وراح استخيير كذا مره والله يفرجها |
الله يفرج همك يارب حبيبتي انا بشوف انك تراسلي المشرفه ن عالخاص وهي حتساعدك اكيد اما ازا عن رايي: انا بوصيكي بالاولاد لانهم ماالهم ذنب بكل اللي صار واللي بصير بينك وبين ابوهم وحرام تحرموهم من حنانك وحبك وتخليهم يجربو احساس الحرقه ببعدك عنهم وعليكي بالصلاه والاستغفار خاصه باخر الليل والله ماالك غير رب العالمين اكتري من الاستغفار والدعاء في النصف الاخر من الليل وربي العالمين يسمع منك ويفرج همك |
تسلمي مزون وام فراس و ريماس بس ممكن تعطيني اسم المشرفه وسلمتوا |
| الساعة الآن 08:05 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO