منتديات شبكة حياة - مين تبدا معي رجيم ؟ متابعة يومية للوزن

السلام عليكم ورحمه الله وبركاتة
خواتي حبيت انقل لكم تجربتي مع الرجيم اللي سويته
وما زلت مواصله عليه للاسبوع الثالث ان شاء الله.
وهو رجيم الزبادي ابصراحه انا ما التزمت بالزبادي فقط
بل كنت اكل اي شي من منتوجات الحليب مثل الزبادي واللبن
والجبن بانواعه والقشطه ( القيمر ) ومو مهم عندي انها تكون
خاليه من الدسم او كامله الدسم ما تعبت روحي اللي احصله
اخذه على طول. واذا كنت جوعانه حددددددي واخاف اخرب الرجيم
كنت اضيف كورن فليكس اللي بالنخاله فقط او حبوب ويتابكس للحليب
واكله هذا يشبعني ويسد النفس مره وحده.
بعد شنو........
ايه.. واشرب عصير اناناس الربيع وااااااايد حلو وممتاز لحرق الدهون
العصير هو الشي الوحيد اللي خارج عن منتوجات الحليب بس الحمد لله
ما يأثر على الرجيم بالعكس يهضم ويحرق كل اللي اكلتيه.
الرجيم اسويه لين نهايه الاسبوع الى يوم الاربعاء فقط اما الخميس والجمعه
فماخذه اجازه منه واكل فيه على راحتي بس هذا مو معناته اني اهفففففف
الموجود لاااااااااااااااااع على الغذا اكل سلطه واي نوع لحوم عيش مستحيل
اكله وفى العشا نفس الشي لحوم مشويه وخضار او سلطه اهم شي اني ما اكل
لا خبز ولا عيش ولا معجنات هي سبب السمنه عندي.
هذا رجيمي اللي سويته اللحين بقول لكم الكلااااااااام المفييييييييييييد وهو
نتييييييييييييييييييييييي يييجه الرجيم على جسمي ابصراحه كلمه رووووووووعه
قليييييييييييييييييييييله عليه سوا العجايب فيني
طبعا نحفت نحف واااااااااااضح زنودي وصدري وخصري واردافي كلللللللللللل
شي نحف عندي مدري جم بالسنتيمترات بس وااااااضح النحف عليهم. واهم شي
يا بنات ان وجهي نحف وااااااااايد وهذا اكثررررررر شي مفرحني والله لاني من
فتره كنت انزل مواضيع ابي شي ينحف الوجه وما لقيت الحل لكن هالرجيم نحفه
لي والحمد لله خدودي راحوا بالمره يمكن بتقولون حلاه البنت بخدودها بس انا
جربت لخدود يعطون حجم وعمر للبنت اكبرررررررررر من الطبيعي اللحين جذيه وايد
احسن وافضل لي
والله يا بنات ان كل من جافني قال لي اشفييييييييييج اش سويتي ضعفتي واااايد عن قبل
ووجهج انصفق على قولتهم ههههههههه اقولهم الله يخلي الحليب ما عندي اسرار
احب افيد واستفيد وايه تراني امشي يوميا ساعه كامله ما يخفى عليكم فوايد المشي.
والحليب يا بنات معروف عنه انه يبيض ويصفي البشره وجهي صار ابيض ونااااااعم
مع اني بيضاء البشره بس بعد الحليب بيضني اكثر وعطاني تورد حلو وخفيف على
وجهي وجسمي عامه لدرجه ان زوجي قام يناديني يا قششششششششطه بدل عسوله
نزلت للان 3 كيلو تراها قليله بس والله شكل الجسم يقول نازله 10 كيلو.
جربووووووووه بنات وان شاء الله تنزلون عليه مثلي.
دعواتكم يا بنات
.رحلة امل _هذا يا قلبي رجيم الزبادي وحدة من البنات عملتوة ونفع معاها كثير
رمش العين اشكرك من كل قلبي عالوردة الجميلة
ون شاء الله ربي يوفقك وتنحفين اكثر مني في اسبوع بالصحة وعافية
والله يوفقنا جميعا