بس للامانه اللكل يسمع القصه ------------------------------

ملاك نهى · 12-24-2013, 07:23 PM

بس للامانه اللكل يسمع القصه ------------------------------

السلام عليكم
بس للامانه اللكل يسمع القصه
------------------------------

يالله مااطول عليكم
(قصة غشيم في المغازل)

المهم وأنا في عز النوم والسعابيل إلا فجــأه .. رن التلفون ..
. وطبعا تلفوننا شايل أبوي منه كل
الأرقام .. بس مخلي رقمين التسعه والثمانيه .. يعني مالك إلا تدق على
الشرطه وإلا الدفاع المدنـي وغيره مافيه ... المهم إني رفعت السماعه وأقول نعم
.. إلا وذاك الصوت اللي يرد الروح .. صوت بنت .. وأخوكم إذا سمع
صوت بنت أوجعه بطنــه وأنواع الاسهال ... وقالت الو
.. أنا ماعاد عرفت وش أقول أنشلت براطمي وطلعت كني
ياسر عرفات .. ال ال ال الو الو .. قالت .. مين معاي ..؟؟
قلت.. معاك أنا .. (( صراحه جواب يدل على ذكائك.! )
وهي اللي تضحك .. وأنا قلبي أحسه موهوب طبيعي قـالبها
سامري وإستنزل عندي الكبد والبنكرياس
أنواع الربكه .. وقالت لي .. سوسو موجوده ..؟؟ قلت لها..
ما ينفع حوحو ..؟؟ قالت مين حوحو ..؟؟ .. قلت ..
هذا أسـم الدلـع حـق الحمار اللي هـو أنا
. !! وضحكت للمره الثانيه على التوالي .. وقالت .. يؤيؤ ..
شكلي غلطانه.. طيب آسفــه ... قلت لها.. لا عادي.. لا شكـر على واجب .
. (( دايم أسمع هالكلمه .. وجالس أحتري الفرصه إني أقولها..!!)) ..
وقفلت السماعه :
تصدقون .. ماأدري وش صار فيني ..حسيت بشعقريــره في جسمي ..
وإن أفرازات الخشـم عندي زادت .. وأن ودي أروح أنبطح في الحوش
وأكتب قصيده هجائيه .. لايكون هذا هو الحـب اللي يقولون ..
(( نعن أبو الحب اللي تعرفه يالضفـدع ..!! :عاااد أنا ماني متعود على
البنات .. لأن ماشاء الله بيتنا فيـه خـمسطعشـر رجاال اللي هم أنا
وأخواني وأبوي وأمي .. ( الله يخلف على أبوك وأميمتك هذا وأنت أكبر
أخوانك عليه العوض ومنه العوض: ))
المهم .. يعني أنا وأخواني ماأشفنا بنت أبد .. وهذا اللي سبب لنا عقــده
تسمــى العقـده الفيسلووجيـه .. (( من وين جت ذي..!! ))

المهــم .. إني قررت أتعرف على بنات ... بس فيــه مشكلـه وحـده
اللي هـي إني ماعنــدي أسلوب أبـد..(( يعنـي وقفـت على الأسلوب ..
نعن أبوك أنت عندك ألف مشكلـه مو مشكله بس .. وأهمها مشكلــة
وجهـك اللي كنـه لوحة أنتبه أمامك نقـطة تفتيـش ..!! )) الأكيد إني
مالقيت قدامي إلا واحد مـن العيال أسمه عبدوش .. معروف
إن البنات مايعوقون معـااه .. وأنا اللي اللقـط مفتاح سيارتي وأروح
لــه المهم .. إنــي رحــت لعبدوش .. وعلمتــه بوضعـي وإن أمنيتــي في
الحياه أتعرف على بنـت قبل ما أموت .. (( أخس يالشايب.!! )::
فقال لي .. السالفه بسيطــه .. إذا بغيـت البنـت تحبــك حسـسـها إنها
أحسـن وحــده فـي العالم .. قلت لـه.. يعنـي
.. يعني كيــف .. يعنـي اقولها إنتـي أحســن مـن مارادونا ...!! وهو
اللي يرفسنـي برجلــه فـي بطنـي .. وقال لي .. أنت ثور .. وش دخل
مارادونا يالغبـي .. !! أنا قصدي إنـك تحسسها بأنوثتها وأن مافيه
بنت غيرها في العالم .. قلـت لـه.. برضو

مأفهمـت .. يعني تبينـي أذبـح كل البنات وأخليها لحالها ...!! وهــو
اللي يمووه علـي برجلـه ويمحطنـي بيـده علـى جبهتـي... وقال لي ..
شووف أنت حمار .. وماراح تفهـم إلا بالدروس العمليـه ... ويطلــع جواله ويـدق .
. وقال لي .. شوف أنا هاللحين باكلـم وحــده..
. وتعلـم .. قلت لـه .. طيـب ..
وكلم .. وقال .. هلا حياتي هلا عمـري هلا روحي ..
أنا لـؤي حبيبـك ومجنونك .. (( الحمدلله على العقل .. نعن أبوك وين لؤي معـه
. والله لو أشوف وجهـه في أحسـن الاحواال بعــد ما أعطيـه غير اسم جعـفــر ..
قال إيش قال لـؤي ..!! )): وقام يقول لها .. أحبــك وأموت فيك ..
أنا بدوونك مثــل البيـت بدون حاره .. مثل التلفون بـدون حراره ..
مثل السواق بدون سياره .. أنا البنـزين وإنتي الشراره ..
أنا الشارع وإنتي الأناره ..أنا الرومانسيـه وإنتـي الأثاره
أنا مبنى التجاره العالمي وإنتي الطياره ... ((قسم بالله إني بغيت أضمـه وأبوسه يوم سمعـت كلامه..
حسيت بشعور غريب .. نعن إبليسه لو يكلم جدار كان ذاب))
المهم .. إنه خلص المكالمـه .. والتفـت لي .. وقال لي .. يالله دورك ..
بأعطيك رقم بنـت وكلمها .. وقول لها نفــس كلامي ...
قلـت لـه بكـل خجـل.. طيـب.. وهو باللي يـدق علــى بنـت ويعطينـي
الجوال عشان أكلمها.. وأنا اللي أقول الو .. ويوم سمعـت
صوتها ضاعت علومي .. ونسيـت كل الكلام .. وقلت لها ..
بابا فيـن ..!! وما حسـبيت إلا بذيـك الجزمـه اللي لازقـه في مقفاي ...
وقال لي .. قـول نفس الكلام اللي قلتـه يالثور ... وأنا اللي أقول لهـا
... هلا حياتي هلا روحي هلا تعاالي .. وقالت .. طيب وبعــدين ... قلت لها.. أنا بدونك مثل الكيبورد بدون فاره .. مثل التقاطع بدون إشاره ..
مثل الحمار بدون حماره ... مثل السلطـه بدون خياره .. أنا
محترف وإنتي نظام الإعاره .. أناا الولاعه وإنتي السيجاره ...
أنا الددسـن وإنتي الغماره ... أنا الصرصور وإنتي البياره ...
أنا طوط طوط طوووووط ... قفلـت الخـط في وجهـي ....
قال عبدوش .. وش فيك ؟؟ ..قلـت لـه.. لا أبـد الخــط مشغوول ...!!
((ماايعرف يصرف أبـد!! )) وماأدريت إلا وعبدوش مطلــع لوح فيه
مسامير ودبجنــي فيــه اللين قلت للعنـز ياخاله ...:
المهـم .. إني رجعت للبيـت ودماني تصـب وماليه وجهـي من كثر الطق
اللـي جاني مـن عبدوش
لدرجة إن اللي يشوفني ما يعرفني .. طالع كنـي مسابقـه ..
مـن صاحب هــذه الصوره .. اللي يحطونها في المجلات ...
وأنا اللي أدخـل البيــت بشويش عشان مايشوفني أحــد ..
وأطلـع غرفتي وأسكــر الباب وأنام ... وفـي عــز النوم ..
دق جرس التلفون .. وأرفع السماعه .. إلا هـي نفـس البنـت
اللي كلمتنـي أول مره .. قلـت ..نعــم.. قالت .. سوسو موجوده ..؟؟
قلـت لهـا .. شوفي .. بيتنا كله شباب .. ومافيه أحـد يبدأ أسمـه
بحرف السيـن .. أنا وأخواني كلنا إسمنا خالد .. وما فيه إلا
أخوي الصغيــر فهــد هو اللي أسمـه نايف ونناديه عبدالرحمـن...
(( وش عنده عادل امام..!! )) والبنت كرتها ضحكه .. وقالت
ما شاء الله دمك خفيــف ... (هي تحسبني أستهبل مادرت إني دلخ من جد))
وقلت لها.. شكــرآ .. (( مسوي مؤدب..!! ))
وسألتني البنــت .. وش تسوي هاللحيــن ..؟؟ .. قلت لها .. والله كنـت نايم
... قالت .. يؤ يؤ تنام في الليل أنت ..!! .. قلت.. أجل متـــى أنام ..؟؟
قالت.. لا أنا أنام في النهار وأسهر في الليـل ... قلـت لها..
ليـش الأخـت بومـه ..!! قالت.. لا بس الليل وقـت الرومانسيه ..
أنت تعرف الرومانسيه ..؟؟ قلت لها .. لا والله ما أعرف بنات
أنا...!( مسوي فيها فاهم..!)
وسألتني .. أنت وش أسمــك..؟؟ قلت لهـا مصيول قالت وش معناه ..
قلت لها.. هذا أسـم كلـب كان عنـد جدي وسماني أبوي عليـه لإنـي أشبـهه
.... وسألتها .. وإنتــي وش أسمــك.. قالت .. داليد .. قلت لها..
أنا إبي أعرف أسمــك مو عيارتك ...!! قالت .. هــذا أسمي ..!!
(( هذا وللي البنات .. تسألها وش أسمـك .. تقول رهـف ولا شوق ولا أفنان .. ولو
عذري بس أنه من جنبها ..!! )) سويت فيها أسلوب وقلت لها إني حبيت وحده
بس أنتهى هالحب .. لان اللي حبيتها خانتني ... قالت لي .. من حبيـت ..
؟؟ قلت لها .. حبيـت عنـز جيراننا .. بس إنها خانتني مـع تيس
سوري عشان لـه قــذلـه ...!! المهم .. إن البنت قالتلي .. أوكي
أكلمك بكره لأن أمـي تناديني .. قلت مو مشكلــه ..
وتطورت العلاقه .. وصرنا نكلم بعــض كـل يوم .. وأنا
أنقلــب حالي .. ولاأحظوا أهلــي إنــي تغيــرت .. يعني نكوون
جالسين على الغـدا ولا العـشاء وأنا ما آكــل .. سارح وأنغــف ..
وبعـض المرات أنسى أصبعـي داخل خشمــي
ولاأحظوا أهلــي إنـي صرت مؤدب وأقرا واجد .. وأنا أقرا عشان
أعرف كلام جديد في الحب .. تلقاني أقرا كتـب الشعر والحب
والطبـخ .. (( لا تستغربون لأن كتب الطبخ أتعلم منها كلام حلو بعـد مثـل
.. ياعسل , ياحليـب , ياقشطه , ياكريم كرامل..!! ))
وبرضو صرت أدخـل كتــب ممنوعه للبيـت .. مثل كتااب ..
ماذا تفعـل في ليلـه الدخلــه .. وكتاب .. سنـه اولى زواج ...
بس المشكله إنها ضاعت هالكتب مني وصرت أروح
عند بيارة جارنا اللي طافحه وأقعـد أفكر واتـأمل وارمي
حصى وسط البياره ....(( مسوي رومانسي .. مثل اللي يجلسون
على البحر ويرمون حصى.!)
المهم .. إنه في ليلـه من الملاليل .. قالت لي البنـت مصيول..
أوصفلي شكلك ..!! ياولله البلشــه.. وش أقولها هذي هاللحين..
أقولها إني قرد .. أعترف لها بالحقيقه المره واقولها
إني جدار مالي ملامح ... أعترف لها إني شكلي مو زين ((الف حمد لله وشكر )) المهم إنـي قلت في نفسي .. ياولد خلني
أسوي مثـل كل الشباب .. وأنصب
عليها يعني تلقـى الواحد من الشباب شيون وأذا شفته في الشارع
ماتدري هو رايح ولا جاي لأن وجهـه ماله معالم .. ولو تشوف وجهه
تحسبـه واحد معطيـك مقفاه .. يعني مفروض يحط لوحه على وجهـه
ويكتب .. ترى هذا وجهي .. عشان الناس مايلخبطون بين وجهه
ومقفاه ...وأنـا مثلكم واردى بعــد .. أنا إذا قابلت احد يجلس ساعه
محتار وين وجهي
من قفاي وما يعرف الا إذا لقـى الورقه .. لأن فيني ورقه مثل
اللي تجي في الفنايل والسراويل عشان تعرف ورى من قدام ...
!! المهـــم .. إنـي قلـت لهــا .. أنا عيوني مثل عيون جواد ..
وطولي مثل طلال الرشيـد .. وخشمـي
مثـل خشـم خالد عبدالرحمن .. وملحـي مثل ملـح رااشد الماجد ..
ومهضوم كثير مثـل رامي عياش... (والله مانااقص الا تحط
ملحـن معاهم ويكمـل الأوبريت .!)
المهم .. أن البنــت شكلها خقت معي وقامت تشاهق من الفرحه
.. وسألتها أنا وأنتي أوصفيلي شكلـك .. .. قالت ..
ما أقدر .. لما تشوفيني بتعرف .. لأن مالي شبيـه ..
(( أخس يا بريتنــي ..!! )) .. وأنا اللي أفـك خشتــي وسعابيلي
تقوطر .. كني كلـب شايف له عظم ... وقلت لها .. يعني
باشوفك ..؟؟ قالت .. أكيــد .. أنا بكره بأروح شاليهات
اليمامه اللي على طريق الرياض الخرج .. ونتقابل هناك .. قلت
لها .. بس هذيك للعوائل بس.. قالت عاد أنت دبر نفسك..
قلت أوكيه مو مشكلــه بس كيف أعرفك ... قالت بيننا
الجوال .. أذا وصلت كلمني وانا اعلمك وين تلقاني .. قلت لها
خلاص الوعـد هناك ....
المهم .. اني انا توهقت .. وش لون ادخــل الشاليهات وهي للعوايل .
.. وقلت مالي الا عبدوش .. اتصل عليه واتفاهم معاه ... ودقيت عليه .
. ورد علــي وقال بعصبيه .. نعم وش تبـي يالغبـي ..؟؟..
وعلمتــه بالسالفه من سلسل اللين طقاق عليكم ..
((تراني اقصد من طقطق اللين السلام عليكم بس مدلخ شوى))
وقال لي .. والله صعبـه وش بتسوي .. قلت له .. وش رايك تلبس
عباه وتسوي نفسك حرمه وترووح معي على انك زوجتي ...
وهو اللي يتغير وجهه وقال .. انا ولـد ابوي .. قلت له .. بالله ..
توني ادري .. كنت احسبك ولد ابوي انا ..!! قال ..
تستهبل يالزبال .. انا اسوي نفسي حرمه .. ياويل ويلي ويلاه ..
خيل الخيـل خياالها .. قلت له.. يارجال كلك تبـن لادوس في بطنك ..
جالسين في مضارب
الباديه احنا ..!! .. قال لي .. لا يا مصيول هذا شي ما اقدر عليـه ..
وش اقول للجماعه ..؟؟ قلت له .. ومن قالك اننا بنحضر عرس ..
حنا بنروح الشاليهات .. وانت ماراح تكشف وجهــك ابـد.. قال ..
طيب ليش انت مااتسوي نفسـك حرمه وانا الرجال..!! قلت لـه ..
ياخوي انا ما اقدر .. لاني لا رجال نافع ولا حرمه نافع..
وبعدين حتى لو غطيت وجهـي بيكشفون اني مااني حرمه من
ريحتي اللي كنها ريحـة شرابات عزوبي ... قال لي .. خلاص.
. بس لااحد يدري ... قلت له.. ابشر.. بس جهز نفسـك بكره
بامرك ونروح ...
وأخذت سياره واحد من العيال .. ورحــت لبيت عبدوش ولقيت
عنـد بابهم شحاده
وهي اللي تجـي تبي تركب .. قلت لها .. الله يعطينا ويعطيك ياخاله ..
وهي اللي تطق قزازة السياره شوي وتكسرها .. وانااا اللي اطلع من
جيبـي ريال ونص كنت ناوي اشتري فيـه توكـس .. بس قلت موو خساره
فيها عشان الله يوفقني .. وتوني افتح الدريشـه باعطيها..
الا وهي تقول افتح الباب الله يأخذ هالراس .. الصوت مو غريب علي ..
يوه عبدوش.. قاال .. اييه عبدوش الله لا يبارك فيك..
افتح بسرعه قبل ما يطلــع احد من هلـي ... وفتحــت لـه الباب وركب ..
وانطلقنا للشاليهات ...
المهم وصلنا الشاليهات .... ونزلنا من السياره ..
وامسك يـد زوجتي .. اللي هـي عبدوش سابقا ... ودفعنا التذاكر ..
ويوم جينا بنـدخل .. وقفنا الحارس اللي على الباب .. وقال ..
لحظـه لازم زوجتك تـدخل محل تفتيـش النساء لاننا شاكين فيهـا ..
قلت له .. ليش في مطار حنا.. تراه شاليهات .. بعدين وش فيها
زوجتي...؟؟ قال الحارس ... ياخوي وش هالحرمه اللي لاابسـه
زبيريات ....!! وانا اللي اناظر في ارجول عبدوش الا
فعــلا لابس زبيريات ..!!!! يالله لاتفضحنا بـس ... وانا اللي
قول للحارس ممكن تتركني معاا زوجتي .. ابيها في كلمـة
راس .. قال لي ادخل هالغرفه الفاضيه وتفاهم معاها ...
وانا اللي اسحب عبدوش للغرفه .. واترفس في بطنـه وانواع
لاكوع .. نعن ابوك يالغبي زبيريات مره وحــده ... قال ..
وش اسوي مالقيت جزمـه كعـب على مقاسي.. وقلت له..
اسمع نزل العباه على ارجولك عشان مأحد ينتبــه يالغبي
المهم.. اننا رجعنا للحارس .. واعتذرنا منه على سوء التفاهم ..
ودفيناه بميـة ريال عشان يسكــت.. واول ماادخلنا استاجرت
شاليه صغيـر وقلت لعبدوش يجلــس فيــه .. وانا باروح ادور خويتي
.... وطلعت .. ودقيـت جوال على خويتي .. ووصفت لي مكانها ...
تقول انها عنــد الشجـر اللي جنـب المطعم ... وانا اللي اروح هناك
.. واجلـس
ساعتين ادورها ومالقيتها ... وادق عليها جوال قلـت لها ..
وينك فيه لي ساعتين ادورك... قالت .. انت ويـنك بالضبـط ؟؟؟..
قلت لها.. انا واقـف جنـب كيـس زباله .. وانتـي وينــك..؟؟..
قالت .. انا واقفه جنـب واحد شكلــه مجنون وعليه قل صح... وانا اللي التفت وراي .. اوب .. هــذي هي .... ((
افا طلعـت انا المجنون اللي تقصـده .. وطلعـت هي كيس الزباله اللي اقصده..!)
وهي اللي تنصـدم .. وقالت.. هـذا انت ..!! وين الوصف اللي تقول ..
اجل طلال الرشيد هاه .. امحق طلال اللي تشبـه لـه انـت ...
( صادتني ان عيوني مثل عيون خالد الملا .. وجسمي مثل نبيل شعيل .
. وخشمي مثل عبد المجيد عبدالله .!)..قلت لها ..
لا انا فعلا مثل ماقلـت .. بس صار لي حادث هو
اللي اثر على وجهــي .. ولا انا كنـت حلو.( ايه هيــن ..!)
قالت .. مو مشكلــه اهـم شي اسلوبك اعجبنـي .. قلت لها.
اشوى ان اعجبـك شـي فينـي ..وطلـبت منها انها توريني
وجهها .. قالت .. طيب بس لا يشوفناا احـد .. وانا اللي
اغطــي عليها .. وقلت لها.. يالله بسرعه .... وهي اللي
ترفــع الغطوه .. وانا اللي اضحـك ..!! قالت .. وش
فيك تضحـك ..؟؟ قلت لها .. يالله عاد بدون استهبال ....!!
قالت .. وش فيـك ؟؟ .. قلـت لها .. يالله بسرعه شيلي القناع
اللـي على وجهــك لاتستهبليـن .! وهي اللي تقول .. هــذا وجهــي
الصدقــي يالقرد ... وانا اللي انصـدم واحـس ان الأرض تدور
فينـي ... وش ذا الوجـه الشين .. اول مره اشوف وجـه
يطلـع منــه ريحــه مخيســه ... نعـن ابوها حتى الشجره اللـي كنا
واقفيـن جنبها رفعـت ثوبها وانحاشت .. وكل الشجر اللي كان
حولنا انحاش وراح وقف في مكان ثاني بعيــد من شيــن وجهـها ....!!!
وانا كنـت حاط في بالي كلام رومانسي جلست عشرين دولار
يوم احفظ فيـه .. عشان اذا شفتها اقوله لها .. بس يوم شفت
وجهها اللي كنـه وجـه واحد جالس في مجلس رجاجيل وفيه
اسهال ... وضيعت كل الكلام اللي حفظتـه وقمـت الخبط في
الكلام.. سألتـها .. ليـش الغمـص ساكـن عيونك..؟؟
جاوبتنـي..مـن الأرق..!! سألتـها.. طيب وش هالببسـي اللي
مكبوب علـى ثوبك ..؟؟ جاوبتنـي .. هـذا مهوب ببسي..
هــذا مـرق ..!! سألتهـا .. طيب مااعندك غيـر هالثوب..؟؟
جاوبتني .. الا كان عنـدي بـس انسـرق ..!! سألتهـا .. طيب
مادامك شينه وشوله تغازلين.؟؟ جاوبتني .. اناا كنت
حلوه .. بس ان وجهـي انحرق..!! وسألتنــي .. وش رايك فيني..
ما اشبـه باسكال..؟؟ جاوبتهـا .. انتـي جسمـك جسـم باسكال ..
بس الوجـه الله خلـق وفرق ..!!
المهـم اني ماقـدرت اتحمـل وجههـا وقلـت لها .. انتـي جدك الاكبر
كان غوريلا ..؟؟ قالت لي.. لا تطنز انت وجهــك.. انا اول
كنت مصـدقه ان الديناصورات انقرضت .. بس من يوم شفت
وجهك عرفت ان هالكلام اشاعات
اشاعات ...!!! قلـت لها .. شوفي ياآنســه جراده .. انا ودي
اجاملك واقولك كلام حلـو .. بـس وجهـك يقول مالك
امـل ..!! قالت لي .. والله حتى أنا بعـد ودي أقولك كلام
حلو.. بس وجهــك ما يساعد.. وجهـك كنــه دعاية لا للمخدرات ..!!
المهــم .. ان كـل واحد منــا تفـل فـي وجـه الثاني ورحنا ...
وانا مـن الصـدمـه توقف تفكيري.. كل آمالي واحلامي
راحت ادراج الدواليب .... وركبت السياره .. ورجعـت للبيت
وانا متحــطم .. كنـت متخيلها مثل مايا
نصري ولا اليسا .. وطلعـت مثــل فطومـه ... لا
خلاص ماعاد أبــي أتعرف على بنات...(( تكفـى آخر مره ..
حرام تحطـم قلوب المعجبات يا رااغب علااامه .. اقول أنطم بس))
المهم .. إنـي سكرت باب الغرفـه .. ونمــت نومة عدوكم ..
( مسوي علوم رجال.!) ومادريت اليوم الثاني الا باللي يرفس
الباب .. وانا اللي انقز من فراشي ... وش السالفه يالربع ..
الا وهو ابوي يصايح .. افتـح يالسمرمـدي .. افتـح لابارك الله فيــك ...
وأنا اللي افتــح الباب .... الا وأبوي في وجهـي وجـه ماايطمـن .. ويطلـع ذيـك
العجرا من وراه .. وأنواع التلحيـط .. وأخواني وأمي
واقفيـن عنــد الباب يتفرجون الأنذال ... من لقاها مصارعه
على الطبيعــه .... المهم .. ان ابوي شغال ضرب فيني ويقول
تتزوج من ورانا يالخسيــس .. قلت لـه .. والله ما تزوجت ... قال ..
الا.. لان الشاليهات اتصلوا علينا وقالوا خـلوا مصيول يجي
يأخذ زوجته اللي نساها
امـس ... وانا اللي تضيـع علومي .. وابي افهـم ابوي السالفه ..
بس انــه شغال ضرب فيني ..ماترررك لي فرصـه.. وبعــد
جهد جهيـد قدرت انفك مـن ابوي.. ورحت لآخــر الغرفـه..
ويأخذ أبوي نعال ويرميها علــي ... وأنا اللي أوخـر عنها
بـسرعـه وامسكهــا بفمـي ...(( متأثر بالأفلام..!!))
وأخواني يوم شافوني
سوويت هالحركـه وهـم اللي يصفقون ويصفرون لي..
وأنا اللي أتحمــس .. وأنـط على أبوي وامسـكــه مسـكــه منومــه
(( خربها الغبـي مع أبوه ..!!
وينـط واحد مـن أخواني ويمسـك يـد أبوي ويرفعها أول
مره وطاحت ويرفعها ثاني مره وطاحت .. ويرفعها
ثالث مره وطاح... لا لا لا لا غيـر معقووول ...
رفـع أبوي يــده وقام يأشر باصبعــه يعني لا تراني مانمــت...!!
ويوم شفتــه مانام .. وأنا اللي أقوم وأمسـك أرجوله .. وأسوي
لـه حركـه مقصيــه عشان
يستسلــم .. بس ما استسلم .. وأخواني يقنعونه إنــه يستسلــم بــس هــو
عنيــد يحاول يـزحـف عنــد الحبال .. بس انا ماخليتــه ينفــس ... وفجــأه .
. اوه.. لا تــدخل خارجي ... أمــي جااابت المقلاة ومحطتنــي علــى
جبهتي محطــه مــدويه ... وتدخلوا أخواني ومسكــوا أمــي وطلعوها
برأ الحلبــه .. ((عائله دلوخ ))
المهم اني دخــت وماعاد أدري ويـن أنا وطحــت مكاني ..
ويزحـف أبوي بشويش .. ويحط يده على صدري .. ويعدون أخواني
.. واحد.. إثنيـن.. ثلاثـه .... فاز ابوي هيييه..
((الحمد لله والشكر))
المهم اني فهمت أبوى السالفه ((ما اصلح في جريات أبد اعلم واكع
على طول)) ونمر بيت أبو عبدوش ونعلمه وأنواع التمحيط فيني
المهم انا وصلنا الشاليهات وقلت له معى لك مفاجأه وهو اللي يضحك
قال والله إني خابرك ذيب ما تترك خويك كذا الرجال ولا بلاش
وأنا أقول في صدرى إيه هين وهو يقول أكيد بتعرفني على وحده من
خواتها قلت ايه أنا بعرفك على وحده صحيه وهو يبي يشوف
المفاجأه بيفصخ العباه قلت لها خلها عليك كذا أحسن((أنواع النذاله فيني))
وصلنا السياره .. إلا وأبو عبدوش مااسك مفــك العجـل في
يده يحتري ولده... وعبدوش مـن هول الصدمه ماعاد شالته
رجليـه.. طاح مكانه وقام يصيـح ويولول.. واستلمــه ابوه
أنواع تفقيــع الوجــه وأنواع الترفيع
والتنزيل.. وأنا جالس أتفرج ومبسوووط.. ومادريت الا
وأبوي مااسكني وأنواع الركب.. وأنا اللي أصيح فيه..
هيه يابو الشباب .. حلى هي ..!! توك طاقني قبـل شوي...!!
قال أبوي ... إييه صحيح.. بس عيـب الرجال يطق ولده وأنا جالس
أتفرج .. لازم أسوي شي أنا بعـد...(( لا صراحه إن أبوي فاهم
في الاصول.. طالع لي..!!))
المهم.. عقب الطق اللي كليته أنا وعبدوش.. تزاعلنا
مع بعض ..وأنا حرمت أتعرف على بنات..
ومثل ماقال
المثل .. ابعد عن الشر ياعمري وغني لوه..ودان دان لدانه
دان واويلووه مشكلني حبك ياروح الروح مشكلني.
يالبيه يالبنات اللي مع راشد في الفيديو كليب.. اروح
طحينيــه معاهم(شكله ماتاب ناوي ينطق مره ثانيه)

مــنـقــوووول

مواضيع قد تعجبك:

منتديات شبكة حياة - عالم الحياة الزوجية و المعاشره