جديد الخبز المزوق المغربي بالصور

[مغربية وآفتخر]

جديد الخبز المزوق المغربي بالصور

باسم الله الرحمن الرحيم




السلام عليكم و رحمة الله تعالى و بركاته،

الخبز المزوق أو المنقوش التقليدي المغربي الخاص بالأعياد و المناسبات السعيدة اللي تيعرفوه جميع المغاربة بدعوا فيه جداتنا من القديم، كانوا تيعجنوه بالدقيق الأبيض وتيضيفوا له الجلجلان و النافع و تيصاوبوه بأشكال جميلة و مختلفة: الشميشة، ليديدة، النجمة...إلخ واش عقلتوا عليه أالبنات؟ حاولت حتى أنا نصاوبو ولكن بطرق جديدة و مبتكرة تنتمنى تكون عند حسن ظنكم بحول الله، أولها العجين اللي استعملتو هو عجين العشر دقائق أو العجينة الكنز كما يطلق عليها، و للمحافظة على سمات الخبز المغربي غيرت فيها شوية, و طبعا يمكن يتصاوب بأي عجين خبز عادي، و حتى ديال الدقيق الأسمر.
هاد المقدمة هي فقط للجواب على أي أخت غادية تقول واه آ أم آدم، الزواق دخل حتى فالخبز؟!!!

نبداو بالعجين على بركة الله

عجين العشر دقائق مع تغييرات بسيطة على حساب الخبز :

المقادير:
- المجموعة الأولى تنديرها كلها فالميكسور:
2 ملعقة كبيرة خميره فوريه
1 ملعقة كبيرة سكر
2 كاس ماء دافي
ملح
1 كاس دقيق
أنا تنزيد رأس سكين ديال خميرة الحلوة يعني رشيشة بسيييطة باش تجي اللبابة مفكوكة و مجعبة من الداخل.
- المجموعة الثانية :
1/4 كاس زيت
دقيق حسب العجين ما تكونش قاسحة

الطريقة:

- تخلط المقادير المجموعة الأولى مع بعض و تترك لمدة 10 دقائق .
- بعد العشر دقائق يضاف لها مقادير المجموعة الثانية و تعجن جيدا.
-دهنيها بشوية الزيت وغطيها و خليها تخمر حتى يتضاعف حجمها.
- شكلي منها خبيزات حسب الذوق, حطيها فلاطة الفرن مدهونة بالزيت و مرشوشة بشوية الطحين و خليها تخمر مرة أخرى
-دخليها لفرن مسخن بدرجة حرارة200 إلى 210درجة حتى تطيب من لتحت و طلعيها للفوق شوية حتى تاخد اللون.
- أول ما تخرج لفيها فمنديل نظيف و خليها حتى تبرد و بالصحة و الراحة


أولا تنقسمو العجين بعدما يخمر طبعا لكويرات من نفس الحجم، و كل كرة تنصاوبو بها الشكل لي بغينا باش يجيونا الخبيزات متساويين فالأخير من ناحية الوزن.


بالنسبة لطرق اللف، هاهي موضحة بالصور و أي استفسار أنا رهن الإشارة.

الشكل الأول

مواضيع قد تعجبك:

• الخبز الايطالي - خبز ايطالى لذيذ - أنواع الخبز - تحضير الخبز الايطالى
• قفطان المغربي - قفطان المغربي للنواعم - موديلات جديدة للقفطان المغربي
• الخبز بالصور - طريقة عمل الخبر فى البيت - الخبز الإيطالي
• طريقة عمل البغرير المغربي بالصور، خطوات تحضير البغرير المغربي بالصور
• الخبز المظفر - طريقة عمل الخبز - بالصور خطوات عمل الخبز المظفر

منتديات شبكة حياة - حلويات وصفات حلى مكسرات

[مغربية وآفتخر]

الشكل الثاني









الشكل الثالث







الشكل الرابع





الشكل الخامس

سمحو لي ماخداش حقو من الصور، ولكن عملت غير كويرات صغار ووسطهم شريط طويل ملفوف على نفسو فحال لي فالشكل الثاني + الأوراق.




المناطق البيضاء فالأشكال كلها دهنتها بالحليب و الصفراء بأصفر البيض و البنية بأصفر البيض + شوية السكر+ شوية نيسكافي و رشيتها بالجلجلان.

مني خمرو دخلتهم للفرن حتى طابو



و قدمتهم مع الغذاء.



ا للهم أدمها نعمة و بارك لنا فيها و احفظها من الزوال

السلام عليكم و رحمة الله تعالى و بركاته.

بحاجة لدعائكن لي و لأهل بيتي

حبيباتي الموضوع منقول لا تنسو الدعاء لأم أدام صاحبة الوصفة