منتديات شبكة حياة

منتديات شبكة حياة (http://www.hayah.cc/forum/)
-   العنايه بالبشره العنايه بالشعر العناية باليدين العنايه بالقدمين خلطات تبيض و تصفيه Skin Care (http://www.hayah.cc/forum/8/)
-   -   تنظيف المنطقة الحساسة لنعومة فائقة (http://www.hayah.cc/forum/t21184.html)

ميساء1987 11-03-2013 07:32 PM

تنظيف المنطقة الحساسة لنعومة فائقة
 
بسم الله الرحمن الرحيم
السلام عليكم ورحمة الله وبركاته

اكيد من العنوان باين اني وصلت لأعماق كل بنت همها موضوع هالشي وبالذات البنات الي على ويه زواج

بداية استهل موضوعي بمقتطف بسيط من حديث النبي صلى الله عليه وسلم في هذا الموضوع بحيث علق وقال ((...نتف الابط وحلق العانة))
اذاً الحكمة في موضوعنا هذا والي الكثير من الحريم فزمنا هذا غافلات عنها بحجة انه النظافة الاكيدة بتكون بالحلاوة او الشيرة وأيما خطأ عظيم تجنيه على نفسها هاي الاخت بدون ماتدري!!!!!!!
وحتى الاطباء تأخروا في اكتشافهم لمدى خطورة هالامر و توصلوا أخيراً لنتيجة وهي انه كثرة الشد والمط في هذه المنطقة يؤدي الي موت وتدمير الخلايا الحسية والاعصاب المتصلة بالدماغ ,,لذلك كثيراً ما تمسعين من الخوات انه بداية الموضوع يكون مؤلم بس مع الاستمرار ما راح اتحسين بألم كون المنطقة اتخدرت!!!!!وحليلها ما تدري انه ماعادت عندها خلايا اتحس بالالم او حتى اللذة (السموحه),,
وكثيرون هم الازواج الي يشتكون من برود زوجاتهم وما كان ذلك الا بسبب هالعادة الخاطئة في تنظيف المنطقة والعناية ابها ..متناسين مع الايام الترهل الي بيصيب هالمنطقة ..

مابطول عليكم أكثر ...بس هاذي بداية حبيت استهلها بحديث النبي عليه الصلاة والسلام وكلام العلماء حول هذا الموضوع في آخر الزمان^____^

واحينه بندخل فصلب الموضوع ,,طبعاً الطريقة الي بنتبعها بتحتاي منا مجموعة اغراض من الجمعية بس كلها بسعر ممتاز وفي متناول الجميع ^____^

خلونا نبدى بسم الله

اول شي قبل ما تدخلين الحمام عزج الله لازم اتكونين امحظرة عدتج كاملة عسب ما تدودهين اذا ناسية شي ^__^
http://www.hayah.cc/forum/imgcache/89925.png

من عقب ما تسبحين واتخلصين سبوحج كامل وعقب الشور جل بالريحة الي اتعيبج بنبدى نشتغل عالمنطقة.. بتقوليلي ليش ما انظف المنطقة قبل عقب اسبح واستخدم الشاور جل ,بقولج لأ وغلط وما ينفع ^___^ لأنه الشور جل عبارة عن صابون سائل والصابون مثل ما كلكم اتعرفون يسمر المنطقة ونحن ما نبا انسمر المنطقة كونا نحن بعدنا ما بدينا التنظيف,,حلو الكلام؟؟ ^____^

اوكي خلصنا السبوح احينه بنييب الموس^___^ هي نعم الموس ولا تستغربين !!!!لأنه نحن بنتبع سنة الرسول عليه افضل الصلاة والتسليم فالموضوع,,واحينه بييني السؤال المعتاد انزين شو شكل الموس الي بنستخدمه صح لا ؟؟ ^___^

اوكي شوفوا معاي الصور قبل لأنه نحن بنستخدم اكثر عن شفرة فالموضوع وكل وحده لها شغلتها^___^
http://www.hayah.cc/forum/imgcache/89926.png

سامحوني بس هاي الصورة الوحيدة الي حصلتها حق قوطي الشفرات>-< ادري صغيرة
http://www.hayah.cc/forum/imgcache/89927.png


هاي الصورة الاولى لموس فينوس ومعروفه ما يحتاي عليها اسئلة وكل من تحلي(اتصدي) الشفرات اترومين اتغيرينها ,,اتييج علب معاها فيها تقريبا 8شفرات مادري6 مب متذكرة لأني افر العلب ب40درهم او اكثر المهم ابهالحدود^____^

http://www.hayah.cc/forum/imgcache/89928.png



وهاي الامواس بعد من غير(للأسف ما حصلت لهم صور فالنت من جذا انا صورتهم والسموحه اذا الصور مب واضحة) بعد بتلاقينها فكارفور او حتى فالسفير هايبر ماركت جريب الشباصات ^____^


http://www.hayah.cc/forum/imgcache/89929.png

وهاي آخر شفرة بعرضها الي هي مكينة براون المعروفة ويلي البنات يشكّون اونه ما اتشل عدل وانا الي بعلمكم عليها ^____^

طبعاً رقمت لكم الشفرات عسب يسهل علي الشرح ^____^

اوكي خلونا نبدى من يديد ^___^

اول شي هاتي النشا^__^ نشا الذرة
http://www.hayah.cc/forum/imgcache/89930.png



وانثريه فوق المنطقة كاملة وابدي شلي باتجاه نمو الشعر باستخدام موس فينوس الي بالرقم (1) بتقوليلي يتقطع الشعر؟؟اقولج هيه لأنه هاي اول خطوة ^____^ وكل من طاح النشا وخلص ردي حطي مرة ثانية وانفضي الموس بالقاع عسب تتخلصين من الشعر العالق بالموس,,لين اتخلصين المنطقة الفوقية كاملة ..
احينه بتنزلين اشوي فهالمنطقة (بين الشفرات) سوي نفس الحركة بس هالمرة بتستخدمين الشفرة رقم (3) ,,انثري النشا وردي شلّي باتجاه نمو الشعر وللعلم هالشفرة يوم بتيين تستخدمينها خليها مايله على الجلد لأنها بهالطريقة اتشل اما ان خليتيها عامودية تراها ما بتشل شي ^____^ ,,اوكي خلصتي هاي المنطقة احينه ,,خلينا انروح عمنطقة البكيني والي انا اشوفها ما اتعور بالاساس ^___^ وهاي عادي لو اتشلينها بالحلاوة ما منها ضرر لأنها بعيدة عن المنطقة بس للي اتفضل الموس بعد ماشي خلاف ,,بتستخدمين الشفرة رقم(2) وبتسوين نفس الشي بخصوص النشا ,,بتنثرينه وعقب بتشلين باتجاه نمو الشعر ,,احينه خلصنا كامل المنطقة بالشل ((فاتجاه نمو الشعر)),,يالوقت الي بتشلين فيه عكس نمو الشعر وبتحسين بالفرق من احينه ^__^ وانتي اتشلين (( بعكس نمو الشعر)) بتلاحظين انه المنطقة ناعمة وانتي اتشلين,,لأنج اتخلصتي من معظم الشعر ^__^ فبتردين اتحطين النشا واتشلين ^____^ بتقوليلي شو خانة الشفرة رقم(4) صح؟؟ اباكم تتحرقصون وعقب بخبركم ^____^

احينه من عقب ما خلصنا تنظيف المنطقة من الشعر ,,لازمنا انقشر المنطقة ,,عسب السواد يخوز وعسب انه انجدد البشرة ونتخلص من القشرة الفوقية للجلد الميت وبنفس الوقت انحس بالنعومة^____^,,عندج طريقتين للتقشير ,,وانا عن نفسي ساعات استخدم هاي ومرة هاي واثنينهم لهم نفس المفعول ترى ^____^

شوفي معاي هذا المقشر معروف وبتلاقينه عند بدي شوب ,,احسن شي عندي اللوز والفيفاي ^____^

هذا باللوز
http://www.hayah.cc/forum/imgcache/89931.png


وها بالفيفاي
http://www.hayah.cc/forum/imgcache/89932.png


وهذا النوع الثاني الي استخدمه معروف ملح اليوكو ^____^
http://www.hayah.cc/forum/imgcache/89933.png

وهذا بعد فنان ووايد يمدحونه ,,اول ما بديت اقشر كنت ابدى فهذا وعقب خذت البدي شوب
http://www.hayah.cc/forum/imgcache/89934.png

وهذا مقشر الريل بس روووعة لو قشرتي به المنطقة ^____^ الصورة من عندي
http://www.hayah.cc/forum/imgcache/89935.png


هاتي اشوي من المقشر وحطي بيديج وافركي ^___^ انا استفاد منه بالاثنين منه عسب اقشر ايدي ومنه حق المنطقة من جذا ما احطه على طول فوق المنطقة ^____^ المهم شلي بيدج وافركيه عدل عالمنطقة بليفة ناعمة
http://www.hayah.cc/forum/imgcache/89936.png



او حتى بالليفة المغربية
http://www.hayah.cc/forum/imgcache/89937.png


بس اهم شي ما اتثجلين ايدج عليها >-< وااايد بنات يظاربون ويا الليفة وبالذات الليفة المغربية عبالهم السواد بيروح من زود الدفاشة الي يسوونها وها اكبر غلط لأنها اتفتح المسام اكثر من اللازم بالتالي بتييج النتيجة عكسية >-< وبخصوص الي بتستخدم الملح للي عندها وما تعرف تستخدمه ترى حطي اشوي ماي بيدج واشوية ملح وافركي عادي^___^((عندي ملاحظة بخصوص التقشير بس بخليها لآخر الموضوع ))


انزين خلصنا من التقشير احينه هاتي الغسول الخاص ابهالمنطقة وشي منه وايد ,,سيباميد والغسول الاندونيسي وكير فري ^____^ عن نفسي استخدم الاندونيسي وااايد فنان وريحته رووعة بالذات البرتقالي ^_____^ (وملاحظة بسيطة للي تبا تستخدم الغسول ترى لازم تستخدمينه مرتين فاليوم من تصبحين وجريب ترقدين عسب النظافة والريحة الحلوة )

ريمه 11-05-2013 10:04 AM

بارك الله فيك ميساء

موضوع جميل و مفيد

المتيمة 11-06-2013 12:32 AM

الله يعطيك الف عاااااااااافيه اختي
مره مره مره استفدت منك.

ام ضحكه جنان 11-09-2013 03:36 AM

يووووووووووووووووه كل هالانواع من الامواس الله يهداكِ مابقيتي موس الا واستخدمتيه ياميساء

بس صراحه موضوعك رهيب واكيد اتعبك كثير
واعجبتيني انك قلتي نشيل الشعر بالموس كما في الفطرة مو بالحلاوه او غيرها

haiat 11-09-2013 02:09 PM

شكرا على الطريقة

ميساء1987 11-10-2013 03:14 PM

شكرا الكم وللامانة شفت الموضوع في منتدى ونقلتو من البنت الي كاتبتو
يعني نشر للفائدة

nana m 11-15-2013 01:13 AM

مشكوورة اختي موضوع مفيد


الساعة الآن 01:48 AM.

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO