مديرة مدرسة عزباء

[عطر الورد79]

مديرة مدرسة عزباء

تدور القصة حول مديرة مدرسة عزباء غابت عن المدرسة يومين ولما عادت لمدرستها قابلنها المدرسات سلامات وينك يامديرة ؟
قالت لهن : باركولي تزوجت .
قالوا لها : مبروك يامديرة ولكن منهو زوجك ؟.
قالت لهن: بصراحة زوجي هو زوج إحداكن .
المدرسات تكفين علميننا أي وحدة منا ؟
قالت المديرة والله ما أعلمكن .
المهم أصروا عليها . فقالت لهن : أنا منيب متكلمة اللي تبي تعرف هل هو زوجها وإلا لا تجيب بكرا معها خمسمية ريال وإذا جت توقع تحط الخمسمية على الطاوله واللي آخذ خمسميتها فهي مهو زوجها واللي أخلي خمسميتها على الطاولة ولا آخذها فهو زوجها عيب علي اتزوج زوجها وآخذ بعد منها خمسمية ريال ..
وافقن المدرسات على الطريقة .
ويوم جاء بكرا وكل وحدة مزهبه معها الدراهم ..
جت الأوله والثانية والثالثة والرابعة حتى العاشرة والمديرة تاخذ الدراهم .
يوم جت المدرسة ال 11 وبدت المديره تأفف المهم حطت الدراهم على الطاولة .
وقالت لها : تكفين خذيها يالمديرة.
قالت المديرة : اعذريني .
قالت المدرسة : كانها قليلة حطيت ألف بدال الخمسمية .
قالت المديرة : أووووووووووووه معليش أثرك أنتي جواهر والله اني آسفه غلطت يوم تنفست المدرسة وقالت الحمد لله يعني بتاخذين الفلوس المهم اخذتها المديرة .
ودخلن بقية المدرسات حتى ال 23 والمديرة تلعب باعصاب كل وحده وفي النهاية تاخذ الخمسمية .
المهم بقي مدرسة وحدة فقط ماجت يوم اتصلن عليها المدرسات هاه وينك يا استاذه قالت والله اني تعبانه وماني جايه .
قالت المدرسة الغايبة : هاه من صار زوجها اللي متزوج المديرة ؟
قالن: لين الحين مابين شي والمديرة عيت تاخذ الفلوس لين نحضر كل المدرسات ( يلعبن عليها بس يبونها تجي عشان يتطمنون إنها هي لأنه مابقى إلا هي ) وقالن المدرسات لازم تجين تكفين .
المهم جت تسحب رجليها بالقوة ويوم جت تدخل المدرسات كل وحده مبسوطة انها مهي هي وبدن يسمن على المدرسة ال 24 عشان ماتنصدم ...
دخلت المدرسة الأخيرة غرفة المديرة وحطن باقي المدرسات ايديهن على قلوبهن وحطت المدرسة الخمسمية على الطاولة وضفتها المديرة ..

ودخلن المدرسات على المديرة وقالن اخذتي الفلوس من كل المدرسات تلعبين علينا منهو زوجك ؟
قالت المديرة المهم الدراهم ( 12000 ريال ) ماراح ترجع وأنا والله لا تزوجت ولا شي لين الحين عزوبية ووالله كنت مريضة هاليومين . ولكني اطلبككن قبل شهر تدفعن على مية ريال نصلح المصلى ولا وحدة منكن دفعت قلت والله لأدفعكن 500 ريال نصلح المصلى ونشتري مصاحف وقف للمسجد ...
قالن المدرسات بردها الله بالعافيه فداك الدراهم ولو تبين زود عطيناك هو صدق بس رجالنا ماتزوجوا علينا ..

وللجميع التحايا

مواضيع قد تعجبك:

• كيف تكونين مديرة ناجحة في المستقبل
• شنط مدرسة 2013 - اجمل الشنط المدرسية للبنوتات - شنط مدرسة 2013 نايس
• هل أنت مديرة المنزل أم خادمته؟
• مطلوب مديرة معهد تدريب ومدربات عاجلآ
• :::::::مديرة مدرسة ذكية مرة مرة ::::::::::::::::::

منتديات شبكة حياة - قصص و روايات - قصص حب - قصص رومنسيه - روايات رومنسيه - قصص واقعيه - قصص مرعبه

[جميلة2]

iiiههههه حلوة الحركه من المديرة سلمتي اختي

[اشجان الحسن]

ههههههههههههههههههههههههه حلوه عطر

المكر حلو بينفعع ههههههههههههههه
تسلمى غاليتى

[ام فراس وريماس]

ههههههههههههه
يسلمو قصه حلوة والله

[عطر الورد79]

شكرا لمرورك على موضوعي وهذا شرف لي ووسام على صدري

[موتي ولادمعت امي]

مرررره حلوة الحركه من المديرة
يسلموووووعلى القصه الحلوة والمفيدة

[عطر الورد79]

شكرا لمرورك على موضوعي وهذا شرف لي ووسام على صدري