باميه لذيذه

[منه7]

باميه لذيذه

طبق البامية الخضراء بالحمة و الليمون



المقادير:-

• كيلو لحمة (ضاني – بتلو – بقري)

• كيلو بامية

• 2 معلقة كبيرة زيت ذرة

• 2 معلقة كبيرة صلصة طماطم

• 3 أكواب عصير طماطم

• فلفل أسود وملح

• 3 فصوص ثوم مدقوقين

• 3 معالق زبدة

• 1 فلفل أخضر مقطع قطع صغيرة

• 2/1 معلقة صغيرة شطة مطحونة

• 3 بصلات مقطعة قطعاً صغيرة



الطريقة:-

1. هاتي اللحمة واغسليها وقطعيها إلى قطع متوسطة الحجم، بعد كده هاتي حلة وحطي

فيها اللحمة وحطيها على نار متوسطة الحرارة مع التقليب المستمر لغاية ما اللحمة تطلع

ميتها وتشربها تاني، بعد ما تشربها تضيفي إليها 3 كوباية مية وسيبيها على النار،

وضيفي إليها الملح والفلفل والبهارات، وسيبي اللحمة على النار هادية لغاية ما تلاقيها

استوت.

2. أثناء ما اللحمة بتستوي هاتي البامية واغسليها كويس، وبعد كده سيبيها علشان تنشف

بعد ما تنشف نظفيها كويس، وشيلي الجزء العلوي والجزء السفلي واغرسيها بالسكينة من

المنتصف.

3. هاتي حلة وحطي فيها الزبدة والزيت، وضيفي ليها البصلة المقطعة وقلبيهم مع بعض

لغاية ما البصلة لونها يبقى ذهبي، ضيفي إليها الثوم المدقوق والبامية وقلبيهم مع بعض

لمدة ربع ساعة، وضيفي إليهم الفلفل المقطع مع استمرار التقليب لمدة خمس دقائق.. بعد

كده ضيفي عصير الطماطم وصلصة الطماطم والملح والفلفل والشطة الحمراء، وسيبيهم على

النار لغاية ما تلاقي إن الطماطم قوامها بقى سميك، ضيفي إليها اللحمة وكوباية كبيرة

شوربة اللحمة وسيبيهم على النار لغاية ما البامية تستوي.

4. قبل أذان المغرب بربع ساعة اغرفي البامية في أطباق التقديم، وضيفي ليها عصير

الليمون، وقلبيه كويس. على فكرة مع الطبق ده ممكن أنك تعملي طبق رز أبيض أو رز

بشعرية.
واممممممممممممممممممممممم مممم
ورونى الردوووووووووووود

مواضيع قد تعجبك:

• باميه على طريقه أهل مدينه اللاذقيه في سوريه - طريقة عمل باميه على طريقه أهل مدينه الل
• تبى طريقة سهلة لعمل باميه بالحمه الضانى
• احسن باميه و ارز المضغوط من يديني

منتديات شبكة حياة - أطباق رئيسية

[عطر الورد79]

[منه7]

شكرا لمرورك عطر الورد اخت غاليه عليا

[اشجان الحسن]

تسلم الآيااااااااااااااااااادى يا منه
ننتظر جديدك يا قمر

[منه7]

شكرا لمرورك وردك اشجان الحسن ومعكم بإذن الله بكل ما هوا جديد

[توتاا]

تسلم الآيااااااااااااااااااادى يا منه
ننتظر جديدك يا قمر

[منه7]

شكرا لمرورك توتااا