منتديات شبكة حياة - صينية البطاطا بالفرن

ازيكم يا قمرات المطبخ
انا عملت لكم صينية بطاطس مبشورة بالجبنة والزيتون بس اية تحفة
الصينية دي عبقرية بتنفعني لما بكون مليش مزاج اقف اطبخ http://www.hayah.cc/forum/imgcache/379.png
بتتجهز في 10 دقايق بس بتقعد في الفرن شوية
هوريكم الطريقة خطوة خطوة كالعادة
وازاي انا عملتها في صينية واحد من غير ما استهلك اطباق كتير
عشان انتم عارفين المواعين وتعبها ههههههhttp://www.hayah.cc/forum/imgcache/380.png

مقاديرها لعمل صينية صغيرة لفردين

* حبة واحدة بطاطس كبيرة
* جزرتين
* 1/4 جبنة شيدر او رومي اختياري
* 1/8 زيتون اسود حلقات
* فلفلتين رومي او حار اختياري
*بيضة
*1/2 كوب لبن
*رشة ملح
*رشة فلفل اسود

الطريقة
نبشر البطاطس وهي نية بالمبشرة

http://www.hayah.cc/forum/imgcache/381.png

وبعدبن نقطع الفلفل حلقات

http://www.hayah.cc/forum/imgcache/382.png

وبعدبن نبشر الجزر
http://www.hayah.cc/forum/imgcache/383.png
وبعدين نضيف الجبنة الشيدر او الرومي مبشورة

http://www.hayah.cc/forum/imgcache/384.png
وبعدبن نضيف شرايح الزيتون

http://www.hayah.cc/forum/imgcache/385.png

وبعدين نقلب الخليط
http://www.hayah.cc/forum/imgcache/386.png

وبعدها نرب نصف كوب اللبن مع البيضة بالشكل دة

http://www.hayah.cc/forum/imgcache/387.png

ونصبة علي الخليط المبشور ونقلبة جيدا
بالشكل دة
ودة الشكل النهائي للصينية قبل دخولها الفرن

http://www.hayah.cc/forum/imgcache/388.png

بتقعد في الفرن تقريبا 45 دقيقة بس قبل ما تطلع لازم نختبرها انها استوت كويس
بتبقي بالشكل دة

http://www.hayah.cc/forum/imgcache/389.png

ودة طبق منها
بس ملحقتش ازوقة ههه
http://www.hayah.cc/forum/imgcache/390.png

ودة طبق لاول عضوة ترد علي الموضوع
http://www.hayah.cc/forum/imgcache/391.png

يارب تعجبكم

جربوها مش هتندمووووووووووووووا ابدا

ولا تنسوني في صالح دعائكم