يا هاجر ٍ امك ترى قلبها ذاب

[توته]

يا هاجر ٍ امك ترى قلبها ذاب

ابدى بذكر المعتلي ربّ الأرباب ..
الواحد المعبود منشي السحابي


ومن بعد ذكره يا قلم خط بكتاب ..
نصيحة ٍ منّي لبعض الشبابي


نصيحة ٍ تنفع عريبين الأنساب ..
ارجي وراها من الآهي ثوابي


مضمونها أم ّ ٍ شكت ابنها الشاب ..
له مدّة ٍ يمكن سنه في الغيابي


أحس قلبي عقبها اليوم منصاب ..
ونظّمت قافي ابغي أبوح مابي


يا هاجر ٍ امــّك ترى قلبها ذاب ..
خاف الولي من قبل يوم الحسابي


باسباب هجرك اتلفت كل الأعصاب ..
وخيّم عليها الحزن والأكتئابي


عقبك تعاف الزاد وتعاف الأطياب ..
ولولا الحيا طرّة سببك الثيابي


طيفك يباريها وصوتك فلا غاب ..
تصيح باسمك عل ّ تلقى جوابي


تنشد عليك بعاد واصحاب واقراب ..
وصار الأمل بعيونها كالسرابي


امّك جعلها الله مــيــزان وأسباب ..
إمـّــا الـــى جـنــّه وإمّا عذابي


امّك عن النيران لك ستر وحجاب ..
االزم رجــلــها لا تــعـــز الجنابي


حذراك تزعلها ولا تكشّر الناب ..
ويجزيك ربّ الكون باقسى عقابي


حذراك تعصي امرها لأجل الأحباب ..
ويبلاك ربّي بالفتن والمصابي


ياما سهرت ترعاك والدّمع سكاب ..
وفي قلبها همّ وكثير اضطرابي


تطرق عشان دواك باب ٍ ورى باب ..
ما همّها لأجلك جميع الصعابي


تفرح إذا تفرح وإذا ضقت ترتاب ..
وأمرك على طول العمر لك يجابي


امّك تحمّـلتك شقى هم واتعاب ...
والــيــوم تـنـكر فضلها ما تهابي


اتعبتها مولود واتعبتها شاب ...
حطّمت قلب امّك عساك الذهابي


تعال لأمّك كان للخير رغـّاب ..
ويا سعد من يسلك طريق الصوابي


تم الكلام الصدق والكذب ينعاب ..
ونورالحقيقه ما يضرّه ضبابي


يا هاجر ٍ امك ترى قلبها ذاب ..
خاف الولي من قبل يوم الحسابي

مواضيع قد تعجبك:

• هل تستطيع الفتاه ان تبوح لاهلها عمت في قلبها
• **اكتشف اسرار المراه لتكسب قلبها**
• الان تجميع طلبات مفرزنات ام هاجر لأيام عيد الاضحى المبارك
• مفرزنات ام هاجر >حياكم< استقبل طلباتكم طوال ايام السنه
• مفرزنات ام هاجر >حياكم< استقبل طلباتكم طوال ايام السنه

منتديات شبكة حياة - القصائد و الشعر

[الدمعة الحزينة]

الله يا توته في بعد الام الام حنان اجلال عطف حب الام كل شيء ابكيتيني لعل الشباب كان بنات او اولاد المفروض يقدرو نعمة حب الام لان الام بحد ذاتها نعمه جزاكي الله كل خير

[اشجان الحسن]

جزاكى الله خيرا وتسلمى ويارب ما حد ينحرم من اغلى الناس

يسلمووووووووووووووووووووو و

[توته]

هلا والله ومليون غلا تو مانور الموضوع
مشكوووووور والله يعطيك الف عافيه عل المرور
سبحانك اللهم وبحمدك ، أشهد أن لا إله إلا أنت أستغفرك وأتوب إليك