رمت ولاد اخى فى الشارع
 

اصدقائى الاعزاء
دائما من زمان انتم من لى فى الدنيا دى واستفدت منكم جدا جدا منكرش ولكن مصيبتى فى اخى الى هوا ابنى مش عارفه احلهالو اعمل اه

الحمد لله بعد وفاه ابى وامى اصبحت انا وانا فى عمر 20 سنه مسؤله عن اخ واخت الاخت فى اولى ثانوى والاخ فى 2 اعدادى
عملت واشتغلت ولم اتزوج الا وانا 33 سنه ربتهم و علمتهم ولم يكن لنا سند او حد بيسال علينا
الحمد لله ربنا كرمنى بجوزى الى هوا كل شئ سعدنى فى تربيتهم احسن تربيه الاخت تزوحت وسفرت مع شخص محترم فى بلد عربى ثم استقرت الان بجنوب افريقيا والاخ مهندس انا بالنسبه لاولاد اختى خاله وجده فى نفس الوقت
المشكله فى اخى
بختصار شديد
تزوج بعد قصه حب شخصيه اقل منه فى المستوى الاجتماعى وده مش مهم الى عرفناه ان ابوها مريض وهى الوسطا لاخواتها البنات
تزوح اخى منها وجهز شقته لوحده ولم يساعجه احد بصراحه منى او زوجى وكان تحصل مشاكل كاى بيت واى متزوجين
كان لا يرد لها طلب بيعشق بيته بيحب الجلوس فيه غير مدخن ولا يجلس على اى قهوه او كافيه وبيحبها جدا وبعد زواج دام 5 سنوات اكتشف خيانتها له وتاكد انها على علاقه بشخص هوا عرفه من جيرانهات ولاول مره فى حياتى ارى اخى بكل هذا الغضب عرف انها بتخرج معاه وهى مفهمه اخى انها عند امها
المهم طلقها فى خلال يومين واخد اولاده وهيا تنازلت عن كل شئ ومش ده المهم اخى اكتشف بعض الطلاق ان اختها على علم بكل المصايب وهيا الى كانت مقوما بيتها حريقه منها انها كانت السبب انها خلتها تسيب اولدها وتدخل تكمل تعليمها وانها تقنعه انها تشتغل وبيته بقى جحيم
والجديد الى اكتشفناه انها كانت قلتلها خبى من وراه فلوس وامنى مستقبلك و اشتر بيها دهب واختها تخبيه ليها وفعلا لقينا بمبلغ كويس شربه بيه دهب وعرفنا من اخوها انها كانت على علاقه مش بواحد لا باكتر من واحد وبتخرج معاهم وزوجها فاهم انها عند امها والمهم انها اطلقت لمده سنه وكل الى كان بيحصل ان امها تصبحها وتمسيها بعلقه ولم تخرج من البيت او حتى لم ترا اطفالها غير مرتين فى السنه دى وما الناس وجهت اختها بالى عملته فيها قالت هى صغيره مهى عارفه الصح من الغلط انا مالى واحنا قلنا دى غيره لانها لم تتزوج الى الان فحبت تخرب على اختها
المهم ناس ادخلت وحاولت اصلح مابينهم ورجعو لبعض وهى الان فى بيتها مع اولدها وعاشت فتره محدش سامع ليها المهم حبت ترجع كل حاجه واخى مدهاش فرصه طلبت تشتغل اخى بهدلها حبت تروح عند اهلها حمايا تدخل وقلو انها بقلها كتير جدا راجعه داخله على سنه
ومن حقها تشوف امها واخى منع اى حد منهم يجى عنده
الجديد بقى ان الهانم حبت توجع اخى فمنعا نفسها عنه بقلها 5 شهور على الرغم انه بقى يعملها بما يرضى الله ولم يمد ايده عليها
يعمل اه ومش عارف هيا عايزه اه
اتكلمت معاها وكانت كويسه معاه دلوقتى هى قلبى وشها معه ممكن تسعدونى ودلونى اعمل اه اخى بقى عصبى وعايز يطلهها واحنا بنقوله العيال هى الى هتدفع التمن اعمل اه
.................................................. ..........
الجديد بعد ما رجعت الامور لنصابها اتضح انها تمثيليه كبيره برعايه خالها
رجعت بيتها وعاشت واتارى هناك من يخطط لها لكى ترجع ما تنازلت عنه اثناء الطلاق
خلت اخى راجع من السفر وتحججت بمشكله ولم تراعى اخى انه جاى تعبان الى ان قام اخى وزعق فيها وسبها وشتم وهنا استغلت الفرصه وتركت البيت واخذت الذهب والمصروف الشهر والاولاد ونزلت وتركت الاولاد فى الشارع عند بيت اهلى فلما كلمناها اه الى حصل اتضح ان خالها قال لها انزلى بالاولاد وارميهم عند اهله واتضح ان خالها بيمش كلامه ف بيت اخى يعنى اخى يقولها لا تنزلى وهوا يقوله لا تزل تسمع كلام خالها وبقالها اكتر من شهرين وفتحت فى حوارات قديمه وشتيمه وكلام غريب ولما تكلمت معاها بانت كل شئ الهانم عايزه تعمل قاعده علشان ترجع بشروط خالها ( يرجع الى تنازلت عنه ) واخى رد قالو الى يرمى عيالى فى الشارع ميلزمنيش
اه رئيكو فى الى حصل ده