دجاجة الزجاجة

وهيها بتستعرض حالها من كل الجهات ‏‎:)

هادي الفكرة تتميز لأنها بتستوي بطريقة البخار من الزجاجة فبتضل الدجاجة طرية ومحمرة منيح
بتتبلي دجاجة تكون عالاقل 2 كيلو ب
3 سن ثوم
نص كوب من اكواب الشاي زيت زيتون
ملعقة كبيرة خل
2 ملعقة كبيرة بهارات الدجاج
2 ملعقة كبيرة كاتشب
ملعقة كبيرة مستردة ( خردل )
نص كوب لبن
ملعقة كبيرة اوريغانو او زعتر ناشف
ملح
نص ملعقة صغيرة بابريكا
نص ملعقة صغيرة هيل مطحون
ازا ممكن رشة بهار مندي او صوص باربكيو حسب الرغبة
بالخلاط وتبلي الدجاجة واتركيها عالاقل ساعتين وكل ما كان اكتر افضل
الان بتجيبي زجاجة من الزجاج اللي للعصير وبتعبي تلتينها ماء ساخن
بصينية لها ارتفاع اما بتحطي ماء مع شوية اعشاب ... او خضروات زي ما انا عملت
بطاطا وجزر وبصل وثوم وفلفل اخضر تبلتهم بنفس تتبيلة الدجاجة وحطيت شوية ماء
بتحطي الدجاجة على الزجاجة
وبالفرن اول شي يكون الفرن حامي كتير تلت ساعة وبعد التلت ساعة وطي الفرن على 180 درجة لمدة ساعة
والف صحة