صفيحة اللحم السورية

[فاتن بشير]

صفيحة اللحم السورية

مقادير العجينة : ٣كوب ونص طحين، ٣ملعقة كبيرة حليب بودرة، ٢ ملعقة كبيرة لبن رايب، ملعقة كبيرة خميرة، ملعقة صغيرة ملح، ٣ ملعقة كبيرة سكر، نص كوب زيت، ماء دافيء للعجن، بعجن كل المقادير وبترك العجينة تخمر ساعة، مقادير الحشوة: ٣٠٠ غم لحمة مفرومة، ٣ حبات كبار بندورة مقشرة، بصلتين كبار، وعرقين بصل أخضر، قرن فلفل حار صغير، ملعقة كبيرة خل تفاح، ملعقة كبيرة دبس الرمان، نص ملعقة صغيرة فلفل أسود، نص ملعقة صغيرة بهار حلو، أكتر شوي من نص ملعقة صغيرة قرفة، ملعقة ونص صغار ملح، وربع كوب زيت زيتون، بطحن البندورة والبصل والفلفل الحار في محضرة الطعام وبضيفهم على اللحمة مع باقي المكونات وبخلطهم منيح وممكن تصير الحشوة فيها مي كتير وهاد شي عادي، باخد قطعة من العجينة بحجم البيضة وبفردها بإيدي بشكل مستطيل مبروم الجوانب أو بصير مدور متل ما بتحبو وبشيل ملعقة كبيرة من الحشوة وبصفيها من المي الزايدة وبفردها على العجينة وبترك شوي من الأطراف وبحطهم في صواني يفضل تكون تيفال أو تكون سميكة عشان ما تلزق أثناء الخبز، وبدخلها على فرن محمى مسبقا من تحت والشواية مع بعض بخبزهم لحد ما تبلش أطراف العجين تشقر، وصحتين وهنا ريما عواد

مواضيع قد تعجبك:

• صفيحة اللحم الشامية , طريقة عمل صفيحة اللحم الشامية
• تحضير صفيحة اللحم
• ,طريقة تحضير فتة اللحم السورية
• صفيحة اللحم ...
• صفيحة بالطحينة بالصور - طريقة عمل صفيحة بالطحينة - صفيحة بالطحينة

منتديات شبكة حياة - معجنات و سندويشات و فطائر

[اسماء سمسمه]

شكلها بتشهى كتير

[فاتن بشير]

كتير مممممم