فطاير المقلاة

[فاتن بشير]

فطاير المقلاة

العجينة انا عاملتها بكاستين طحين وتلت رباع كاسة مي وربع كاسة زيت قلي وخميرة ورشة ملح ومعلقة صغيرة سكر وعجنيها مظبوط اذا لقيتيها عم تلزق زوديها طحين شوي شوي بس تخلصي عجن غطيها وخمريها نص ساعة ساعة مابتفرق
الحشوة جهزيها وفرديها عاجنب منشان تبرد اذا انحطت العطينة سخنة عالعجين بعجن
ااحشوة عبارة عن حبتين بندورة وسط وبصلتين صغار اخلطيهم عالخلاط وحطين عالغاز طبخين وحطيلن معلقة زيت زيتون رشة زعتر رشة ملح ورشة سكر ويلي بحب الفليفلة الحارة يحط
بس تتخمر العجينة قطعي بمقدار ايدك دوائر ورقيها بس خليها سميكة مقدار سانتي يعني مقبولة تكون بسماكتها
ادهني المقلاية التيفال بالمحرمة يكون فيها شوي زيت قلي وعانار خفيفة بعد ماتحمي المقلاية حطي العجينة وبس تتحمر من تحت قلبيها عالوش التاني ليتحمر شوي بتطلع اظرف وحطيها عاجنب وغطيها ببشكير منشان ماتيبس بس تخلصي جيبي الحشوة ادهني شوي عالعجين يلي ساويتي وحطي جبنة اي نوع بتفضلي أنا بفضل الشلل طعمها عنجد بشلللل بس لاتكتري جبنة لانها بتسيح كتير
طبقيها عالنص وكبسيها عالسخانة السندويش يااما اذا ماعندك كبسيها عامقلاية التيفال ...الحشوة فيكي تغيري فيها حسب ماتحبي
وصحة وهنا هي طريقتي بالتفصييييييل حبيباتي

مواضيع قد تعجبك:

• تحضير الذ فطاير الكب كيك،طريقة عمل فطاير الكب كيك،صور فطاير الكب كيك روعه
• فطاير بطريقه غير _ فطاير بالدجاج روعه _ خطوات عمل فطائر الدجاج
• فطاير-فطاير جالكسى-فطاير جالطسى الهشة
• فطاير الشوايه فطاير الشوايه بالصور،طريقة عمل فطاير الشوايه بالصور،فطاير الشوايه سهلة
• فطاير الشوايه فطاير الشوايه بالصور،طريقة عمل فطاير الشوايه بالصور،فطاير الشوايه سهلة

منتديات شبكة حياة - أطباق من صنع عضوات حياة

[اسماء سمسمه]

يسلمواختى على الوصفه

[فاتن بشير]

الله يسلمك ويسعدك