حمام كداب بطريقه سهله

ام امبنه · 09-02-2015, 05:45 AM

لمكونات :
___________ وراك فراخ حسب الرغبه
1 كوب ارز منقوع لمدة ربع ساعه
1 بصله كبيره متخرطه او مفروم خشن
1\2 كوب عصير برتقال وممكن الاستغناء عنه لو مش عندكوا
التوابل ( رشة جوزة الطيب _ معلقه صغيره ملح _ معلقه صغيره فلفل اسود _ معلقه صغيره حبهان مطحون )

الطريقه :
_________ حطيت فى حله شوية زيت وعليها اليصل والارز ورشة جوزة الطيب والحبهان والفلفل الاسود والملح وقلبتهم كولهم فى بعض وشوحتهم شويه

وبعدين حطيت عصير البرتقال وممكن الاستغناء عنه لو مش عندكوا

وبعدين حطيت ميه مغليه ولما شربتها وطيت النار تحتها وغطيتها وسبتها تستوى 3\4 سوا

ودا شكل الارز بعد ما استوى 3\4 سوا بطفى النار واسيبه يبرد

بنقطع الفراخ اربع اجزاء وبنخليها من العضم تماما وبيكون ده شكلها النهائي

نبتدى بقى نحشى الفراخ
نجيب الورك او الصدر ونفرده زاى الصوره ونرش على اللحم بتععها ملح وفلفل اسود

وبعدين حطيت معلقه من الارز

وابتديت الف الفراخ

نيجي للتقفيل نجيب خيط
وفى طرقتين للتقفيل اما اربط على الطرف الخيط وابتدى الف داير مايدور على الورك
والتانيه نخيطها والافضل اننا نخيطها احسن من اللف علشان الخيط مش يعلم دورياته لما يستوى

وكده حشيت الكميه كلها وخيطهم والجناحات جمان حشيتها وخيطها

نيجي بقى لخطوة التسويه جيبت طاسه وحطين فيها زيت وكام فص مستكه وسيحتها

لما المستكه ساحت والزيت طبعا سخن حطيت الفراخ اشوحها اديها صدمه فى الزيت والنار تكون عاليه

واشوحها من كل الجناب

بعدين جبت كام واحدة عظمه من اللى خلتهم انا محطتش كتير يادوب عظم الوراك بس وحطيتهم على الفراخ فى الطاسه علشان تعمل شوربه حلوه وبعدين حطيت الميه والتوابل ( ملح _ فلفل اسود _ حبهان مطحون _ ورق لورى )

وبعدين بشرت طمطمايه وحطيتها عليها بتديها طعم حلو فى الشوربه

وسبتها بقى تستوى بقى براحتها وغطيتها
ودا شكلها بعد ما اتسلقت واستوت كويس وعصرت عليها ليمون علشان احمرها

_و حمرتها فى زيت سخن
وادى الحمام الكداب بعد ماعملتو

وبالهنا والشفا

مواضيع قد تعجبك:

منتديات شبكة حياة - المطبخ الإلكتروني مطبخ حواء وصفات طبخ