جوزي عايز يتجوز

[Suzy_salaheldin]

جوزي عايز يتجوز

عمري ٣٣ سنة
متجوزة
انا وجوزي متجوزين عن حب
متعلمين تعليم عالي احنا الاتنين وعلى درجة عالية من الثقافة
الحالة المادية متوسطة
عندي مشكلة وحاعرضها عليكوا واتمنى الاقي حل
انا متجوزة من حوالي ٧ سنين وربنا لسة مأذنش بالخلفة حاولت كتير بعمليات حقن مجهري وقبلها بعلاج لكن مافيش نصيب
قولت لجوزي لو عايز ننفصل ماعنديش مانع لأنه هو سليم والعيب من عندي انا لكن هو رفض الانفصال تماماً بس عايز يتجوز .. أكيد ده حقه لكن انا مش قادرة على الحل ده
جوزي هو كل حاجة في عمري هو حبيبي ودنيتي كلها مش قادرة اتصور حياتي من غيره ولا قادرة اتصوره مع واحدة تانية بيبات في حضنها وبيلمسها وبيداعبها غيري وبيديلها من وقته واهتمامه ،، ازاي ممكن اتحمل وضع زي ده ؟ وليه رافض يطلقني ومصر انه يكسرني بوجود زوجة تانية؟
اوقات بانهار ومش باقدر غير اني اعيط
حاسة ان حياتنا اتكسر فيها حاجات كتير حلوة بسبب الخلفة لدرجة اني أوقات باتضايق من الأطفال رغم اني اصلاً باحبهم جداً وباتمنى ظفر واحد منهم
خايفة اخسر كل حاجة لو اصريت على الطلاق وخايفة أكتر اوافق على جوازه التاني واخسر علاقتي الحلوة بيه لأني مش حاقدر أحس بأي معنى لوجودي وفيه واحدة تانية هو بيعاشرها غيري
معقولة حاتبسط وهو بيغازلني زي زمان وأنا حابأى عارفة انه بيغازلها هي كمان ؟ طيب حاستحمل إنه يعاشرني وانا عارفة انه لسة كان معاها قبلي؟ حاقدر اصدق كلامه ولا على طول حافكر انه كذاب وبيضحك علي؟ اكيد مش حاتقبل كلامه معايا ولا مغازلته ولا حاطيق انه يلمسني لانه حيكون كله مزيف .. مش ممكن يقدر يعمل كل ده معايا من قلبه زي زمان لو وافقت
ده غير اني حاموت كل مرة الف مرة بمجرد ما اعرف انه معاها ومش معايا !!
انا كدة باظلمه؟ ولا انا طبيعية؟ انا كدة انانية؟ طيب انانية ازاي مانا قولتله يطلقني ويروح يتجوز براحته مش لازم علشان هو يتبسط ويبأى عنده ولاد انه يقهرني ويموتني جنبه بحسرتي

مواضيع قد تعجبك:

• جوزي مجنني ما ادري شو اعمل معاه ؟
• مين عايز يعرف فوائد الشيكولاته , اهمية اكل الشيكولاتة
• عايز خصرك نحيل - ادخلى
• عايز كتاب مهم وضروري الكل يفوت لو ممكن

منتديات شبكة حياة - حياه للاستشارات الاجتماعيه والنفسيه (المشاكل الأسريه و العاطفيه)

[محبة الاسلام]

الل المستعان اكيد الوضع صعب طب بصي قوليلزوجك يستنى شوي ممكن في حل طبي اعملي طفل انابيب حاولي تتعالجي بالخارج اكيد باذن الله في حل و تفضلو مع بعض و ميتزوجش عليك

[حياة بلال خير]

انا عندى نفس المشكلة بس عشان اناخمرية وهو باصص للشقروات والعيون الملونة رغم انى لست بغامقة هو متضاي ق علشان عندى اختلافات فى جسمى وانا دلوقتى بستعمل حقن تفتيح ادعيلى تجيب نتيجة ربنا ما يبلى حد باللى انا فية انا نفسيتى تعبت من كتر ما انا عايشة فى نكد ومش عارفة نهايتها اية ربنا يرزقك يارب ويحبب زوجك فيكى امين

[Suzy_salaheldin]

محبة الإسلام أنا عملت طفل أنابيب ٣ مرات وللأسف ماكنش فيه نصيب أن العملية تنجح
وللأسف ماليش علاج حالياً غير الحقن المجهري خاصة ان الدكتور طلب مني في آخر مرة إنه يقفل قناة فالوب بالمنظار وفعلاً قفلها ، الحمد لله على كل حال ويارب ربنا يرزقني ويرزق كل مشتاقة يارب بالذرية الصالحة

[Suzy_salaheldin]

حبيبتي حياة بلال البنت السمراء جميلة وجذابة حبي نفسك واهتمي بالملابس المتدلعة ، والله السمراوات بيكونوا في أوقات كتير أكثر جاذبية من الشقراوات مهما كان جمالهم ، ويارب يحببه فيكي وتملي عينه دايماً ويرزقك بكل خير ويسخره ليكي ياااارب
إهتمي بأهله ووديهم حتكبري في عنيه ، خليكي دايماً مبتسمة وبشوشة ، اتعلمي حركات جديدة في العلاقة الحميمة علشان تخليه دايماً محتاجلك وده مش حرام لأنك بتعمليه ارضاءاً لجوزك ربنا يهدي سرك ويارب مايكتب على خد النار اللي انا فيها

[محبة الاسلام]

اختي سوزي اكثري من الاستغفار و قيام الليل باذن الله خير هو انت عند ايه بالضبط؟ضعف في المبايض تكيس؟اختي حياة في وصفات لتفتيح الجسم رائعة شوفيها معانا

[Suzy_salaheldin]

أشكرك محبة الإسلام ، الحمد لله مداومة على الإستغفار وصلاة في موعدها وصلاة الفجر وان شا الله أصلي القيام
انا عندي رحم ذو قرن واحد وهو خليقة المولى عز وجل نتيجة خلقتي بكلى واحدة ونتج عن ده وجود قناة فالوب واحدة ووجود مبيض واحد خلقة ربنا لا إعتراض عليها
المشكلة انه قناة فالوب كانت منتفخة ومليئة بالسوائل وده دفع الطبيب المعالج بإغلاق قناة فالوب نهائيا من خلال عملية المنظار
وحالياً أملي الوحيد بعد الله سبحانه وتعالى في عمليات الحقن المجهري ولأني عملتها ٣ مرات وكلها محاولات فاشلة فحصلت المشاكل دي كلها بيني وبين جوزي
كل مرة العملية بتكلفنا مبالغ كبيرة لدرجة أني بدأت أحس ان العملية دي شبه لعبة القمار وفلوس مرمية على الأرض