أولآ نحضر التبله و هي توم مدقوق تقريبآ راس توم . . و ملح و 3 ملاعق خل و ملعقتين لبن و بهار وفلفل اسود وفلفل ابيض و هيل مطحون و فليفله حمرا بودره . . و رشة كزبره ناعمه و ملعقه كبيره خردل . . و اذا بتحبوا الدجاجه تتحمر ع صفار ممكن تضيفوا للتبله عصفر او (خرقوم)
بعدها ندعك الدجاجه منيح منيح بالتبله تحت الجلد و نحاول نعمل شقوق صغيره تحت الجلد و نحط بهل الشقوق سنون توم صغيره و ندعك الدجاجه من برا الجلد
انا كنت مستعجله نقعتها بالتبله هي تقريبآ بس ساعه . . بس انتوا ممكن تنقعوها وقت اكتر
هلأ منترك الدجاجه شوي ع جنب
و منحضر فرشه الخضار الي رح نحطها تحتها . .
كوسا و جزر و فليفله خضرا و حمرا و بصله وتوم و فطر مقطع نقطع الخضار لقطع كبيره و نحطهم بطنجره عالنار مع شوووية زيت و مكعب ماجي و رشه ملح و رشة فلفل ابيض و نشوحهم تشوويح بسيط تقريبآ لمده 4 او 5 دقايق . .
هلأ صارت الخضار جاهزه لنحطها بالصينيه بس بدنا نشيل الدجاجه من الصينيه ( لأن لازم وقت نحطلها التبلها نتبلها بالصينيه نفسها تبعيت الفرن منشان الصوص الي بينزل منها )
نشيل الدجاجه من الصينيه و نسكب الخضار و نوزعهم منيح و نحط فوقهم ورق غار و عود قرفه -حسب الرغبه-
و نرجع نحط الدجاجه فوق الخضار
و نغلف الصينيه بورق الألمنيوم نغلف منيح بحيث ما يطلع منها البخار
و نحطها بالفرن الحامي بالرف الوسط ع درجة حراره عالية لمده ساعه و نص
وبعد هل ساعه و نص بتكون الدجاجه استوت بطعمه رااائعه
و صحه وألف هنا ♡

http://www.hayah.cc/forum/img1434/ha...032611_250.jpg

http://www.hayah.cc/forum/img1434/ha...032611_844.jpg

http://www.hayah.cc/forum/img1434/ha...032611_671.jpg

http://www.hayah.cc/forum/img1434/ha...032611_127.jpg