بودينج الفراولة من مطبخ الشيف مونى بالصور السلام عليكم ورحمة الله بدأنا ندخل على الجو الحار فمن الاسبوع ده ان شاء الله هبدأ انزل وصفات المثلجات والوصفة دى بالفراولة مناسبة للصيف والحقوا اعملوها قبل الفراولة ماتخلص من السوق والوصفة دى اخدتها من الشيف/نرمين هنو على قناة فتافيت المكونات: 17 قطعة خبز توست(ممكن يزيدوا او ينقصوا) 3 كيلو فراولة كيلو سكر 4 معالق صغيرة جيلاتين بودرة مذوبين فى قليل من الماء البارد الطريقة قبل الوصفة بيوم هنحط الفراولة والسكر مع بعض فى حلة كبيرة ونحطهم فى التلاجة عشان الفراولة تجيب ميتها http://www.hayah.cc/forum/img1434/ha...390751_433.jpg وبردو قبل الوصفة بيوم هنقطع اطراف العيش التوست ونحطه برة التلاجة عشان ينشف http://www.hayah.cc/forum/img1434/ha...390751_173.jpg تانى يوم هنطلع الفراولة من التلاجة هنلاقى السكر معظمه داب والفراولة بقت فيها ميه كتير http://www.hayah.cc/forum/img1434/ha...390752_861.jpg هنشغل عليها نار هادية لغاية ماتدبل وقبل مانطفى هنضيفلها الجيلاتين اللى متدوب فى ميه ونقلب ونطفى http://www.hayah.cc/forum/img1434/ha...390753_593.jpg وهنجيب اناء حجمه متوسط وهنغلفه من جوه بالكامل بالكلينج فيلم ونحط فى قاع الاناء وفى الجناب العيش التوست اللى نشفناه http://www.hayah.cc/forum/img1434/ha...390753_269.jpg وهنغرق الخبز التوست بالميه اللى طلعت من غلى الفراولة وبعدها نحط فى وسطه الفراولة لغاية اخر حته فيه يعنى نملاه http://www.hayah.cc/forum/img1434/ha...390754_367.jpg وهنحط فوق الفراولة بقية العيش التوست وعليه مية فراولة واحنا نشفنا العيش التوست فى الاول عشان لما نحط عليه مية الفراولة ميتقطعش http://www.hayah.cc/forum/img1434/ha...390749_655.jpg ونغطيه من فوق بالكلينج فيلم http://www.hayah.cc/forum/img1434/ha...390755_565.jpg وعشان يتماسك هنحط عليه طبق تقيل وهنحطه فى الفريزر لمدة يوم كامل بالنسبة للفراولة ممكن تكونوا شايفين ان 3 كيلو كتير بس هى يادوبك مش كتير ولا حاجة خالص لأن الكمية بتقل بعد مانغليها والجيلاتين البودرة متوفر فى اى محل بيع خامات حلويات ولو ملقتهوش ممكن تستبدلوه ب2 باكيت جيلى فراولة قلبتها بعد ماجمدت على طبق التقديم وزينتها بور مجفف وده شكلها النهائى http://www.hayah.cc/forum/img1434/ha...390755_501.jpg http://www.hayah.cc/forum/img1434/ha...390749_257.jpg http://www.hayah.cc/forum/img1434/ha...390750_393.jpg خفيفة وحلوة وسكرها معتدل جربوها هتعجبكم وبالهنا والشفا |
رد: بودينج الفراولة من مطبخ الشيف مونى بالصور رائع يسلمو اختي |
رد: بودينج الفراولة من مطبخ الشيف مونى بالصور يعطيك الف عافية |
الساعة الآن 03:36 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO