قصة واقعية حدثت لطفل صغير.

[serine smati]

قصة واقعية حدثت لطفل صغير.

السلام عليكم ورحمة الله وبركاته

هذي قصة واقعيه مرعبة حصلت لي لما كنت صغير كان عمري وقتها 10 سنوات المهم كنت مع الاهل تقريبا الساعه 9 في الليل وكنا نتناول العشاء وعقب ماخلصنا العشاء قالت لي امي ياعبدالله روح قط كيس الزبالة في درام الزباله اللي بالشارع تكرمووووون المهم قلت ان شاء الله امي رحت علشان اقط الكيس في درام الزبالة اللي بالشارع وانتم بكرامة ولما وصلت للدرام وقبل لااقط الكيس داخل الدرام سمعت صوت واحد كأنه يهمس في اذني يقول لو سمحت لاتقط الكيس داخل الدرام لاني ماابغى اتعب نفسي وادخل الدرام لو سمحت ارجوك حط الكيس بجنب الدرام وروح عنه بعيد انا بصراحه ياشباب كنت اظن ان هالشي تهيئات لكن عقب اللي شفته لما حطيت الكيس بجنب الدرام عرفت انها حقيقه والعياذ بالله المهم لما حطيت الكيس بجنب الدرام ورحت عنه مسافة بسيطه وقلت في نفسي ليش ماالتفت علشان اتأكد من الصوت اللي سمعته هل هو صحيح او تهيئات المهم التفت صوب الدرام ولما التفت صوبه شفت قطو لونه اسود مررررة مايبين فيه الا عيونه اللي تسطع الواااان وكان متجه لصوب الكيس وقعد ياكل منه وياكل وياكل وكنت اراقبه عن مسافة ولما خلص من الاكل راح عنه بعيد لين اختفى وانا من الخوف قاعد اسمي واتعوذ بالله وعقب ماختفى القطو الاسود بثواني سمعت صوت غير الصوت اللي سمعته من قبل المهم كان الصوت هالمرة صوت بنت قالت لي شكرا لك ياشاطر يعطيك العافيه عطيت اخوي اكل لانه توه جاي من السفر وكان تعبان وجوعان مرة وكان معصب علينا لانه مالقى عندنا اكل...انا سميت بالله وتعوذت من ابليس واختفى الصوت ورحت اركض داخل البيت ولما دخلت البيت رجع الصوت وكانت البنت مع اخوها يقولون لاتخاف احنا مراح نضرك احنا مسلمين..

مواضيع قد تعجبك:

• قصه مؤثره لطفل صغير
• قصة واقعية لطفل يتيم
• قصة واقعية حدثت على الماسنجر ( نادرة جدا ) قصة واقعية حدثت على الماسنج
• قصص واقعية , قصص واقعية مؤثرة
• تحضير بسكويت صغير مع الصور ، طريقة عمر بسكويت صغير بطريقة بسيطة جدا

منتديات شبكة حياة - قصص و روايات - قصص حب - قصص رومنسيه - روايات رومنسيه - قصص واقعيه - قصص مرعبه

[محبة الاسلام]

الله المستعان دا بيكون انو لابسينو جن مسلمين و الجن يتشكل في صورة قط اسود الي شافو لازم يعمل رقية شرعية