بارفيه البطاطا الحلوة من مطبخ الشيف مونى بالصور السلام عليكم ورحمة الله احنا فى الشتا والبطاطا الحلوة مالية السوق واحنا دايما نشويها او نعمل فطيرة بطاطا فحبيت اغير واعمل بالبطاطا صنف جديد وللأمانة انا اتعلمت الوصفة دى من الشيف/نرمين هنو ةالصنف ده طعمه حلو وطريقته سهلة مكوناته كالتالى: نص كيلو بطاطا حلوة لتر حليب ملعقة صغيرة فانيليا 3 ملعقة صغيرة جيلاتين بودرة(بيتباع فى محلات خامات الحلويات او عند العطار) 4 ملعقة كبيرة ماء 30 جرام سكر(ملعقة كبيرة ونص) 50 جرام ماء(2 ملعقة كبيرة ونص) ملعقة صغيرة لون طعام برتقالى(اختيارى وممكن نستغنى عنها) 2 كوب كريم شانتى خام كوب وربع حليب بارد 5 ملعقة كبيرة سكر بودرة وللتزيين: وردات كريم شانتى فستق مطحون (او حسب الرغبة) الطريقة هنقشر البطاطا ونقطعها مكعبات ونحطها فى كسرولة http://www.hayah.cc/forum/img1434/ha...853144_251.jpg ونحط عليه لتر الحليب بس طبعا هنكون غليناه قبلها بمدة http://www.hayah.cc/forum/img1434/ha...853144_548.jpg ونشغل عليها نار هادية لغاية ماتستوى وبعدها نطلعها نصفيها من الحليب ونحطها فى اناء ونهرسها http://www.hayah.cc/forum/img1434/ha...853145_757.jpg ونحط عليها كوب من الحليب اللى سلقناها فيه مع رشة فانيليا http://www.hayah.cc/forum/img1434/ha...853146_161.jpg ونحضر السيرب (السيرب هو الشربات او القطر) هنحط ال50 جرام ماء مع ال30 جرام سكر على النار لغاية مايدوب السكر وهنحطهم على البطاطا والحليب http://www.hayah.cc/forum/img1434/ha...853146_784.jpg وهنحط الجيلاتين مع الاربع معالق مياه على النار لغاية مايدوب وهنصفيه على البطاطا والحليب ونضيفلها لون الطعام البرتقالى وهنضرب كل ده بالمضرب الكهربائى http://www.hayah.cc/forum/img1434/ha...853147_297.jpg ومش هتبقى فى درجة النعومة اللى احنا عايزنها فهنضربها تانى فى الخلاط ونصفيها هتبقى ناعمة جدااااااااااا ومفيهاش اى شوائب http://www.hayah.cc/forum/img1434/ha...853147_832.jpg وهنحضر الكريم شانتى هنحط كوبايتين الكريم شانتى البودرة فى اناء معاهم الكوب وربع حليب والسكر بودرة والفانيليا ونضربهم بالمضرب الكهربائى وهيبقى قوامه سميك شوية وده اللى احنا محتاجنله فى الوصفة وهنضيفهم على خليط البطاطا بالتدريج http://www.hayah.cc/forum/img1434/ha...853147_984.jpg ونقلب برفق لغاية ماتختفى كل تكتلات الكريم شانتى ويمتزج كويس مع خليط البطاطا وكده بقى البارفيه جاهز عندنا هنحطه فى اطباق التقديم وهنزينه حسب رغبتنا وده شكله النهائى http://www.hayah.cc/forum/img1434/ha...853148_124.jpg http://www.hayah.cc/forum/img1434/ha...853144_103.jpg طعمه راااااااااائع وتحسوا انكم عايزين تاكلوا منه طبقين تلاته ورا بعض لأنه خفيف ومش بيتعب يارب يكون عجبكم بالهنا والشفا |
رد: بارفيه البطاطا الحلوة من مطبخ الشيف مونى بالصور يا سلااااااااااااام تسلمي غاليتي |
رد: بارفيه البطاطا الحلوة من مطبخ الشيف مونى بالصور مشكوووورة |
الساعة الآن 10:42 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO