جديد الفعاليات
دخول العضوات
01-08-2013, 03:53 AM
| المشاركة رقم: 1 | |||||||||||||||||||||||||||
| ||||||||||||||||||||||||||||
 يوم فى حياة زوجه محبه.. السلام عليكم ورحمة الله وبركاته البرنامج المقترح ليوم الجمعة ( العيد الاسبوعي للمسلمين ) اخواتي ده اقتراح ومن فضلكم ضيفو افكاركم المميزة عشان نخليه يوم مميز باذن الله تكون البداية من يوم الخميس نحاول نخلي البيت كله نظيف والمهام اليومية نعملها ونخلصها بحيث يكون الجمعة لمسات بسيطة والبيت يبقى زي الفل تجهيز الاكل الخاص بيوم الجمعة من يوم الخميس وعمل صنف حلو كيك او صنف بارد اي حاجة بسيطة وتحفظ للجمعة ليلة الجمعة طبعا قبل النوم لازم تكوني اخدتي حمامك وعملتي الماسكات الخاصة بيكي باختصار تكوني عروسة قراءة سورة الكهف ميعادها من مغرب الخميس حتى مغرب الجمعة انتي ليكي الحرية في وقت قراءتها طبعا بيكون يوم الخميس في سهر على اساس ان الجمعة اجازة عشان كدة هايكون في سماح شوية في موضوع الصحيان بدري باذن الله نصحى قبل الفجر بنصف ساعة ركعتين قيام ليل قراءة ورد قرآن استغفار وبعدين صلاة الفجر واذكار الصباح وقراءة ورد الحفظ ومراجعة سريعة على الماضي من الحفظ وممكن تقرئي الكهف حتى الشروق انتي كدة كسبتي اجر حجة وعمرة تامة تامة تامة الف مبروك تستاهلي انك تروحي تنامي 3 ساعات وتصحي في منتهى النشاط على المطبخ تجهزي الفطار الاسبشيال ( الخصوصي ) وياسلام لو كان صنف معجنات سخن يفرح الاسرة او بيتزا خفيفة او حتى فول مدمس بيتي وفلافل بيتي باذن الله هاحضر لكم وصفات مضمونة لتدميس الفول ووجبات فطار لذيذة ومميزة لو انتي عروسة جديدة او اولادك لسة صغيرين ممكن تعملي فكرة رومانسية وتحضري الفطار وتاخديه لزوجك في السرير يا رب زوج كل اخواتنا الي معانا وكل بنات المسلمين بالازواج الصالحين عاجلا غير اجل واذا كان اولادك كبار مش هاينفع طبعا الفطار في السرير يكون بقى مع كل افراد الاسرة الاغتسال من سنن الجمعة وشجعي زوجك واولادك الكبار على الذهاب للمسجد مبكرا وانتي صلى الضحى ولمساتك في البيت في كل مكان تلميع وتنظيف سريييييع وبعدين تصلي الظهر وطول النهار لسانك مستمر بالصلاة على الحبيب محمد صلى الله عليه وسلم وطبعا الاكل عندك جاهز ممكن ترتبي نفسك للخروج لو كنتو هاتقضو اليوم برة وطبعا باستمرار أيدك في البيت كل شيء يتنظف اول بأول واولادك معاكي يساعدوكي وعوديهم على مساعدتك ده مهم جدا لما جوزكي ييجي من الصلاة جهزي مشروب خفيف وشجعيه على قراءة سورة الكهف وممكن تبقى مقرأة تجمع الاسرة كلها كل فرد يقرا وجه من السورة وكدة تكسبي ثوابهم كلهم وبعدها ممكن تتفرجو ع التلفزيون مع بعض او النت خليها حاجة مشتركة تقرب بينكم والمخطوبات والي باذن الله في انتظار زوج المستقبل واسعد حياة باذن الله يطبقو بردو الافكار دي مع افراد اسرتهم الام والاخوات وتجهزي الغدا وبألف هنا وشفا تتجمعو كلكم على الغدا وبعدها راااااااااحة وبعدين في فترة مهمة اوي اوي الي هي قبل المغرب ممكن تكون ساعة اجابة الدعاء جهزي دعواتك واكتبيها ولحي على ربنا سبحانه وتعالي بيها لحد المغرب وبعدها صلي المغرب وقولي اذكار المساء وبعد المغرب لو الاسرة هاتخرج او زيارة عائلية او او مفتوحة اعملي فيها الي انتي تحبيه وبعد العشاء يبدأ الاستعداد للسبت لو بتروحي شغل او عندك اولا د في المدرسة تجهزيهم وهكذا في ثوابت يا قمرا ت الصلاة على وقتها الورد اليومي من القرآن تلاوة وحفظ الاذكار الصباح والمساء الاستغفار والصلاة على الحبيب صلة رحم يومية الدعاء الصدقة الاسترخاء والتنفس العميق 3 مرات في اليوم الابتساااااااااااااامة عيشي اللحظة نظافة المطبخ والحمام الاهتمام بالاولاد المكافأة والشكر لله مع كل انجاز ده الي انا فكراه يالا بقى اضافاتكم المميزة يا قمرااااااااااااااااات احبكم في الله حياتي كلها لله عشان الجنة كله يهوووووووووووووووووووووون  شكرا لمروركم على موضوعي وهذا شرف لي ووسام على صدري .... مواضيع قد تعجبك:
| ||||||||||||||||||||||||||||
 | ||||||||||||||||||||||||||||
اشجان الحسن 
 جديد المواضيع في قسم عالم الحياة الزوجية و المعاشره |
| |
|
01-09-2013, 02:28 AM
| المشاركة رقم: 2 | ||||||
|  ده اقتراح ليوم في حياة امرأة ناجحة سهل وبدون مجهود كبير وبيناسب المرأة صاحبة المسؤلية البنوتات مساحة الوقت عندهم كبيرة عشان كدة يفصلو الجدول ده عليهم يشوفو ايه الي يناسبهم وينفذوه وغير كدة هم ملتزمين بالثوابت وبعدها يعيشو حياتهم لكن طبعا على مبدأ حياتي كلها لله الاستيقاظ باذن الله قبل الفجر بنصف ساعة تقسم بين قراءة القرآن والاستغفار والصلاة بعدها صلاة الفجر وطبعا تحاولي تصحي زوجك واولادك واسرتك للصلاة وتكسبي ثوابهم بعد الصلاة باذن الله نقول اذكار الصباح والمساء ماافوتش فرصة الحج والعمرة التامة ليه لاني عاوزة الجنة والجنة مهرها غالي اقعد للشروق ودي بتكون جلسة ذكر ممكن اقرأ فيها ورد التلاوة بتاعي اليومي والاجمل اني اخليها للحفظ لان الذهن صافي جدا في الفترة دي ولما اتأكد من الشروق انتظر حوالي 10 دقايق واصلي ركعتين وبعدها مبروك الحجة والعمرة لو انتي بنوتة ومش وراكي مسؤليات وتحبي تروحي تنامي اتفضلي يا قمر وجزاكي الله كل خير على نجاحك في اول عمل تستقبلي بيه يومك بس انتظري لحظة ياريت تشربي 2 كوب ماء على الريق لانه مفيييد جدا جدا وياسلام لو فيه معلقة عسل يكون كدة عملتي السنة ومش هاتتأخري في النوم بالكتير ساعتين تلاتة وبعدها تقومي تشوفي ايه المهام الي عندك من باليل وتنفذيها ومع كل انجاز مكافأة لو انتي بقى زوجة وام و صاحبة مسؤليات هاتبتدي تصحي اولادك وتجهزيهم للمدرسة وتصحي جوزك للشغل وتجهزي الفطار وتساعديهم كلهم انهم يجهزو للخروج وتودعيهم بابتسامة جميلة نزلو بالسلامة وانتي طبعا اما انك تكوني نعسانة ومش قادرة تواصلي اتفضلي نامي لكن مش اكتر من ساعتين ولو انتي نشيطة وجميلة هاتعملي ايه ؟؟؟؟؟؟؟؟؟ هاتقعدي في هدوء وتعملي جلسة الاسترخاء والتنفس العميق وبعدها هاتلعبي رياااضة على الاقل لمدة ربع ساعة وبعدها تدخلي تشوفي البيت وعندك طبعا جدول المهام اليومية تبتدي بالمهم وتعملي حسابك ان كل مهمة بالوقت يعني مثلا تنظيف غرفة المعيشة في نصف ساعة وتحاولي تتحدي نفسك وتخلصي في الوقت الي حددتيه تدخلي على الغسالة اول شئ وتجمعي كل الهدوم الي عاوزة تتغسل ولو عندك غسيل منشور يتطبق وعلى الدولاب وبالمرة تروقيي الدولاب وبكدة يتروق اول بأول طبعا المطبخ والحمام انتي كل ليلة بتخليهم زي الفل قبل ما تنامي لكن مايمنعش انك تعدي عليهم ونظافة سريعة وطبعا حاولي اول بأول تخليهم زي الفل ولازم يوميا تخصصي وقت للتنظيف العميق يعني غسيل السيراميك في المطبخ بالكامل وترتيت دواليب المطبخ وتغيير المفارش ويوم تاني نظافة عمييييييييقة للحمام وهكذا وتمري على البيت كل ترتيب وتنظيف وتهوية والملايات الي عاوزة تتغير تغيرها ومع كل انجاز تخلصيه تاخدي مكافأة صغيرة على الساعة 10 يكون البيت زي الفل والتنظيف كله تماااااااااااااام ممتاز تاخدي راحة من نص ساعة لساعة وفيها تصلي الضحى وتراجعي الي انتي حفظتيه الصباح من القرآن وتبدأي بقى تفكري في الغداء وتجهزي كل شي وترتبي على حسب مواعيد اسرتك في الغدا تحاولي في الفترة دي انك تعملي اي مسك لبشرتك او شعرك او لو اولادك صغيرين ياخدو الحمام بتاعهم وممكن وجبة خفيفة وحاولي انهم دايما يكونو زي الفل ولو فاضية العبي معاهم وقربي منهم وعيشي طفولتك معاهم واحكي لهم قصص وحفظيهم قران تصلي الظهر وتراجعي الجزء الي الي عليكي حفظ في القرآن وممكن تقري شوية في التفسير او الحديث خلي عندك هدف يومي انك تزودي معلوماتك الدينية حتى لو بنسبة 1% ده ميعاد وصول الاولاد من المدرسة ياريت يكون في وجبة جاهزة لانهم بيرجعو تعبانين تقابليهم بابتسامة واهتمام ودايما نشجعهم باستمرار حتى لو بدون سبب وياخدو حمام ويتغدو وياخدو رااااحة وهنا ممكن انتي كمان تنامي فترة القيلولة وتجددي بيها نشاطك مش اكتر من ساعة نوم وبعدها بقى تقومي لصلاة العصر وطبعا اولادك يصلو معاكي جماعة وبعدها انتي تخلصي الغدا لان اكيد ميعاد وصول جوزك من الشغل قرب وترتبي البيت كله من تاني بسرعة وتجهزي نفسك انه يلاقيكي زي القمر حتى لو كحل بسيط ولبس بيتي لكن نظيف وفيه دلع ياريت جوزك ييجي يكون الاكل جاهز والبيت نظيف والجو هدووووء وتقابليه بابتسامة جميلة وحب وتجهزي الغدا والاسرة تتجمع مع بعض في جو عائلي جميل يبدأ الاولاد يعملو الواجبات بتاعتهم والحفظ اليومي للقرآن الي انتي بتابعيه معاهم ولو ماكنتيش نمتي ممكن تدخلي مع جوزك تريحي شوية وبعدها تقومي تتابعي مذاكرة الاولاد تصلي المغرب وتقولي اذكار المساء ويكون عندك وقت ثابت يوميا لتحفيظ اولادك القرآن وافضل وقت انك تحفظيهم قبل النوم وتراجعي معاهم الصبح قبل ما يروحو المدرسة بعد صلاة العشاء حاولي تكون جلسة خفيفة مع جوزك تكوني مجهزة عصير او مشروب ساخن وحاجة حلوة خفيفة وتحاولي تكون جلسة لطيفة ومافيهاش حاجة تضايق من مشاكل الاولاد او اخبار مزعجة ياريت بلاش تقوليها في الوقت ده وبعدهاتدخلي على المطبخ وتنظفيه ومش هاياخد مجهود لانك اول بأول تنضفيه وكمان الحمام وتجهزي عشاء خفيف او على حسب عاداتك وتخلي بقى الاولاد يدخلو ياخدو حمامهم اليومي وبعدها تبدأ جلسة تحفيظهم الورد اليومي من القرآن وممكن تحكي لهم قصة جميلة وفيها معنى ويدخلو ينامو وانتي تاخدي لفة سريعة على الشقة كلها ترتيب سريع وبعدها انتي ده وقتك معاكي من ساعة لساعتين اعملي كل الي نفسك فيه عيشي حياااااااااااااااتك وقبل النوم في جلسة استرخاء وبعدها كتابة مهام اليوم التالي كمان وقبل ما تدخلي السرير لازم النظافة الشخصية وعطر خفيف و مش شرط لانجري لكن حاجة قطنية بسيطة تريحك في النوم وتسألي زوجك اذا كان عاوز حاجة وبعدها السؤال اليومي حبيبي انت راضي عني ليه؟؟؟؟؟؟؟؟ لانه جنتك ونارك يارب ارزق بنات المسلمين بالازواج الصالحين وعجل لهم بهم وده مجرد اقتراح لكن المهم هو الثواااااااااابت وكل واحدة تحدد جدول خاااااااااااااااص بيها وبما يناسب ظروفها وامكانياتها ووقتها م ن | ||||||
| | |||||||
|
01-09-2013, 02:50 PM
| المشاركة رقم: 4 | ||||||
| جزاك الله الف خير على الموضوع المفيد اشجان | ||||||
| | |||||||
|
01-09-2013, 04:56 PM
| المشاركة رقم: 6 | ||||||
| شكرا لمروركم على موضوعي وهذا شرف لي ووسام على صدري | ||||||
| | |||||||
العرض العادي
